حياة قلبى

الفصل الثالث عشر

         سأل موسى اين أجدك ربى؟      فأجابه عز وجل:- "يا موسى انا جليس                                      من ذكرنى...وحينما التمسنى عبدى          وجدنى ...ياموسى انا عند المنكسرة قلوبهم"💙🍂

اللهم صلى وسلم على سيدنا محمد صلاة تحل بها عقدتى، وتفرج بها كربتى، وتمحو بها خطيئتى وتقضى بها حاجتى💜💜

    《《الفصل الثالث عشر🌸🌸》》
بعد مرور 3أسابيع
زينب وحنان دعوا منيرة و منار وميسرة عشان يتعرفوا ع العيله
ف الفيلا:-
زينب :- يالا ي بنات انجزوا خالتكوا زمانها جايه .
مريم نازله وهى لابسه دريس اسود عليه ورد روز وطرحه من نفس لون الورد :- انا خلصت ي ماما 
حنان:- حبيبتى جميله ي ناس
زينب:- مرات ابنى بدر منور
مريم خدودها احمرت واتكسفت
حنان :- يووه يتك ايه ي زينب كسفتى البت
يقطع حديثهم حياة  وهي لابسه جيبه سودة و بلوزه زيتى و طرحه فيها اللونين :- وانا خلصت .
حنان :- عروستنا القمر وصلت .
زينب:- ايوا الحلوة اللى كتبت كاتبها من ورا امها. 
حياة:- الله مش انتى اللى كنتى عماله تقولى عايزه افرح بيكى ي حياه . نفسى اجوزك ي حياة مانا اتجوزت اهوه . وبتروح عندها وبتبوس راسها :- خلاص ي ماما بقى فكيها .
زينب:- خلاص ماشى
بتنزل مرام وهى لابسه بنطلون جينز و قميص اسود طويل و طرحه بيضه :- وانا خلصت .
حنان :- اهلا باللي فرسانى . ايه اللى انتى لبساه ده ي اخرة صبرى .
مرام :- ماله  ماهو حلو اهو . وهو ده اللى عندى
ونزل عبدالرحمن ومراد و صبرى و محمود واتجمعوا وشويه والجرس رن وراح مراد فتح الباب
مراد :- اتفضلى ي خالتى . اتفضلى
منيرة وهى داخله ومعاها منار و مسيرة :- يزيد فضلك ي حبيبى .
منار كانت لابسه دريس اسود و طرحه سوده (وقالت مش هتقلعه حزنا على حبيبها )
ميسرة كانت لابسه سلوبيت جينز اسود و تحتها تيشيرت اسود نص كم  و عامله شعرها ديل حصان دخلوا  وسلموا على الكل 
زينب :- دى ي بنات أختنا الكبيرة بعد طنط رحاب ام يوسف  الله يرحمها . ودي ميسرة بنتها دكتورة جراحه ودى منار ممرضه و تبقى بنت اخت خالد جوز منيرة .
ودول ي ستى ولادى حياة كلية هندسه و مراد مهندس ومدير ف شركه MAM  . حنان :- ودول ولادى عبدالرحمن دكتور نفسى و مريم ومرام توأم زمايل حياة ف الكليه و ده معتز ابنى الصغير .
منيرة ببسمه :- ربنا يخلى ي حبيبتى وتفرحوا بيهم .
وشويه والجرس رن مراد بيفتح
مراد :- اتأخرت ليه ي ابونسب
ادهم :- مازن افندى كان راجع من عند عمى وكنت بجيبه
مازن جه وبيكلم مراد :- هاااه حطيتوا الاكل ولا  لسه .
مراد :- همك على بطنك ادخل سلم وبعد كده اسأل ع الأكل .
مازن :- طيب ماشى .
دخلوا
مازن :- السلام عليكم
الكل :- وعليكم السلام ورحمه الله وبركاته
صبرى :- ازيك ي مازن اخبار والدك ايه
مازن :- الحمد لله و بابا كويس حد متشوق جدا انه يتعرف عليك
صبرى:- ان شاء الله هتعرف عليه ف فرح حياة وادهم
منيرة حاسه بحاجه غريبه جواها
زينب بتكلم ادهم :- احكيلنا عنك ي ادهم . انا تقريبا معرفش غير اسمك
ادهم :-حاضر ي ست الكل . انا الرائد ادهم . بابا سافر  يعيش بره يشتغل ف فرع الشركه اللى ف فرنسا  من بعد موت والدتي مقدرش يستحمل يقعد ف بلد هيا مش فيها بس دايما كنت عايش معاه بره و كنت بنزل ف الدراسه عند عمى عبد الرحمن اللى هو والد مازن و عندى 26 سنه وبسكدا .
زينب:- هو باباك مش هيحضر فرحك .
ادهم :- لا بابا اصلا قرر انه ينزل يعيش ف مصر .
زينب:- ربنا يرجعهولك بالسلامه ي حبيبي . وبتبص للبنات :- يالا ي بنات نحط الاكل ع السفرة
وقاموا وقعدوا و كلوا  و الكبار قعدوا جوا  والشباب ف الجنينه