كتيير مننا لو حد عليه جمايل لحد بيبقى مكسوف منه لو قضى معاه
جربت تتكسف من ربنا؟؟
جربت يعني تبص للسما وتتكسف ولا انت الدنيا عندك حلاوه؟!
جربتي تتكسفى من تقصيرك ف حق ربنا بس خلي بالك الكسوف لوحده مش حل
الحل انك تبدأى تصلحى من الحل وتعالجى التقصير ده
يا من انابوا للعظيم واسلموا بالشكر للمولى الكريم
ترنموا يا من تحبون الرسول محمدا صلوا على خير الانام وسلموا
الفصل العاشر
وقفنا لما محسن وماندوا وقفوا العربيه بس لاقوا. ......
محسن : انتو مين وفين البت اللى معاكو
ماندو وهو مطلع السلاح : أنطق ياض انت وهى
محمد : بت مين ؟؟؟ احنا مشوفناش حد
محسن وهو بيشد منار : تعالى يحلوة مش انتى اللى خدتيها وجريتى
منار بتأوه : اااه سيب ايدى ي حيوان
محسن ضربها بالقلم : الحيوان ده هيوريكى هيعمل فيكى ايه ؟؟؟
محمد نزل من العربيه ونزل ضرب فيه : بتمد ايدك على مراتى ي حيوان ده انت نهايتك على ايدى .
ماندو ضربه بالمسدس على راسه من ورا وجابت دم.
منار بصرااااخ : محمد 😭😭 ابعدوا عنه ي حيوانات .
محسن وهو يشير سلاحه على محمد : انطقى قولى البت فين والا هموته .
منار بدموع : لا بلاش ابعدوا عنه.
محسن : هعد من واحد لتلاته
منار : لا أرجوك متعملش كده .
محسن : واحد ☝
منار 😭😭: محمد قوم
محسن : اتنين ✌
منار 😭: محمد قوم عشانى
محسن وهو بيشد الزناد : تلاته
منار بصراخ : لااااا خلاص هقول . مرام ف .....
بس سمعوا صوت ضرب نار
مرام : انا هنا اهووو سيبه
محسن : هسيبه طبعا بس مش قبل ما اعمل كده وراح ضرب محمد بالنار .
منار بصراخ :لااااااااااااا محمااااااااد وجريت عليه
مراد راح ضارب نار على محسن و ماندو جرى(الجرى نص الجدعنه )
مراد جرى يشوفه : لسه فى نبض يالابينل على المستشفى
مراد شال محمد ومرام سندت منار وطلعوا ع المستشفى
منار راكبه ورا ومحمد ع رجلها
منار بدموع : محمد خليك صاحى عشان خاطر
محمد بصوت ضعيف : عايزك تعرفى انك خل حياتى .
منار بدموع : متتكلمش عشان الرصاصه متتحركش 😭😭😭
محمد وهو بيلمس خدها وبيشيل دموعها : دموعك غاليه عليا كان نفسى أسعدك اكتر من كده
منار بدموع: محمد متقولش كده أرجوك
محمد : عشيى من بعدى اتجوزى اللى يقدر يخرج حبي من قلبك .
منار بدموع 😭 : محمد لا متقولش كده انت هتقوم وهنعمل الفرح اللى بنحلم بيه
محمد : بحبك ي نور حياتي. وغاب عن الوعي
منار بصراخ : لا ي محمد قوووم متقولش كده وبتبص بسرعه لمراد : بسرعه ارجوك😭
ووصلوا المستشفى
منار بصراخ : ساعدوني بسرعه أرجوكم جوزى بيمووووت
ل
احد الدكاترة : منار؟؟!ايه اللي حصل
منار بدموع : ياسر انقذ صاحب عمرك محمد بيموت
ياسر : طب اهدى انا هدخله العمليات فورا ونادى على أحد الممرضين: جهزلى العمليات فورا واستدعى دكتور التخدير وطاقم التمريض بسرعه
ياسر : هتقدرى تحضرى العمليه هحتاجك جوه.
منار بعياط : مش هقدر لا خد معاك نورا
ياسر : طيب خلاص انا هدخل انا ومشى شويه ومنار نادت عليه : ياسر ؟؟
ياسر لف وبصلها
منار لبكاء : رجعهولى أرجوك
ياسر : حاضر هعمل اللى اقدر عليه . ادعيله
دخل العمليات ومنار بره قدام الباب و معاها مرام حضناها وبتعيط و مراد اتصل على صبرى وقاله
منيرة (ام محمد )😭😭 : منار بنتى محمد فين؟؟؟
منار 😭 : ماما . محمد جوه ي ماما ادعيله
منيرة : ربنا يقومك بالسلامه يابن بطنى
بعد 3 ساعات
ياسر طلع و منار جريت عليه: ياسر ها محمد عمل ايه
ياسر : انا اسف . البقيه ف حياتك
منار وهي بترجع لورا وبتهز راسها : لا لا😭 محمد مستحيل يسبنى لا 😭 احنا كنام هننزل بكرة نحجز فستان الفرح لا انت اكيد بتهزر . و وقعت مغشيا عليها. مراد شالهاودخلها اوضه الكشف .
الدكتور : هى عندها انهيار عصبى وانا اديتها حقنه مهدئه ساعه بالكتير وهتفوق .
منيرة : كان مستخبيلنا فين ده ياربى . تعالى ي ياسر ودينى لابنى عشان أودعه .
خدها ياسر ووداها له اول ما شافته وقعت ع الارض ياسر بيسندها
منيره : اسندنى يا بنى مش قادرة اقف وراحت عنده
منيرة : هتوحشني ي ضنايا 😭 . وهى بتحضنه كنت خلاص هتبقي عريس دلوقتى بقيت عريس ف الجنه . منار بتموت من بعدك بس عشان هى من ريحتك ي غالى مش هسيبها هخليها تعيش معايا .
########################
منار وهى بتحلم ب محمد
صوت من بعيد : منار . منار
منار : بتبص حواليها مين؟؟؟
محمد : انا ي منار مش عرفانى
منار بدموع : محمد روحت فين وسايبنى
محمد : انا روحت ف مكان جميل جدا متزعليش انا هنا ف مكان احسن بكتير .
منار : طب خدني معاك متسبنيش لوحدى
محمد بابتسامه : لا خليكى انتى عندك لسه قدامك حياة طويله تعشيها قومى وخليكى قويه عشان خاطر امى. امى ملهاش غيرك امى وكأنه ف رقبتك . الوادع ي نور حياتي. وبدأ محمد يختفي من قدامها
منار بصراخ : محمد . محمد . محمااااااد وفاقت وهى بتصرخ محمد
منيرة : اصماالله عليكى ي بنتى .
منار بدموع : محمد مشي ي ماما😭😭
منيرة : ادعيله ي بنتى هو دلوقتي ف مكان احسن .
منار : كان بيوصينى
عليكى ي ماما .
منيره : قومى ي بنتى عشان امشى ف جنازة جوزك.
منار : يالا ي ماما 😭😭.
وقاموا خدوا الجنازه وكل حاجه نسيبهم يصوتوا شويه 😭😭😭😭😭😭😭😭😭😭😭
########################
عند الميناء
ادهم : الو ي باشا البضاعه وصلت وانا استلمتها اهوه
صابر : تمم كويس اوووى اطلع ع طريق القاهرة اسكندريه الصحراوي وانا هحصلك عشان نسلم الفلوس ونطمن ع البضاعه .
ادهم : خلاص مسافة السكه .
وقفل معاه
ادهم : الووو ي سيادة اللوا
اللوا : الو ي ادهم ايه الجديد
ادهم : العمليه هتتم النهاردة ع طريق القاهرة اسكندريه الصحراوى بس.مش يحصل هجوم قبل ما ادي اشاره
اللوا : تمم انا هجمع القوات واطلع على هناك . ربنا يوفقك ي حضرت الظابط .
#######################
وصلوا المكان اللى هيتسلم فيه البضاعه
وصل شخص اسمه عامر
صابر باستغراب : ايه ده اومال فين الكبير
عامر : الكبير مبيظهرش انا اللي بحضر مكانه . وبعدين هيهمك ف ايه البضاعه موجوده اهيه و ممكن تتأكد منها .
صابر : تمم . وفجأة سمعوا ضرب نار
ادهم وهو بيصوب السلاح على صابر : قول لهم يرموا السلاح اللى فايديهم والا هصفيك
صابر : ارموا السلاح.
ادهم : ايوا كده شاطر . بيوجه كلامه للظباط اقبضوا عليهم بسرعه
صابر: انت مين ؟؟؟؟
ادهم : انا المقدم ادهم سليم بص اكيد مش هتعرفنى بس فى حد هتفرح اوووى لما تشوفه .
صابر : مين؟؟!
ادهم : اتفضل ي سياده اللوا
اللوا : ازيك ي صابر مش فاكرنى
صابر بدهشه : صبرى!!!!!!
استووووووب كفايه لحد كده😂😂
ممكن تدوسوا على النجمه اللى تحت دى 👇👇
ايوا هى دى😂 مش بتكهرب والله و مش بفلوس
فرحونى اللهى تنستروا وياريت كل حد يقرأ الفصل ده يقولى رأيه بصراحه مش تبخلوا عليا برأيكم
أنت تقرأ
حياة قلبى
Romance🌸أدهم سليم( البطل يولاه😂 ) وطبعا زى ما احنا عارفين انه ف اى روايه مصريه اصيله ان البطل لازم يكون رياضى ووسيم و مفتول العضلات و ممشوق القوام بس معايا بقى عينه مش هتكون ولا خضرا ولا رمادى هنا البطل عينه بنى فاتح بس ي مصيبتي لو اتعصب بتقلب للون الأسو...
