حياة قلبى

الفصل الرابع عشر♥️

طبعا وقفنا البارت اللى فات لما منيرة وقعت على الأرض وسليم جرى عليها
سليم :- منيرة حبيبتى فوقى.
حياة (بلهفة) :خد ي عمو دى ازازة برفان
سليم اخدها منها وبيحاول يفوقها وهى استجابت وبتفوق وبعد ما فاقت قعدت تعيط جامد هو خدها ف حضنه وبيطبطب عليها:- شششش اهدى ي حبيبتى انا عرفت الحقيقة عرفت كل حاجه .
منيرة(بعصبية) وهى بتبعد أيده:- اوعى أبعد ايدك عنى . ملكش دعوة بيا
سليم (بحزن) منيرة انا اسف بجد . مكنش قصدى
منيرة (بغضب) مكنش قصدك ايه هاااا . مكنتش تقصد تضربنى ولا مكنتش تقصد تحرمني من ابنى ولا مكنتش تقصد انك ترمينى بره بيتك ف نص الليل وانا بالروب . مكنتش تقصد ايه بالظبط
سليم (برجاء) ساميحنى بس الغيرة عمتنى . ارجعيلى وانا اوعدك انى هعوضك عن عذاب السنين اللى فاتوا . منصور الكلب اعترف أنه هو اللى خدرك انتى وعبد الرحمن وصوركم . انا اسف
منيرة (بسخريه) اسامحك على ايه ولا على ايه .
معدش ينفع ارجعلك  انا خلاص بقى عندى عروستين زى القمر عايشه عشانهم كل اللى طلباه منك  انك تورينى ابنى عايزه اشوفه .
سليم وهو بيبص وبيروح لادهم اللى واقف ساكت وبنظرة فيها غموض:- ادهم انا اسف انى فهمتك ان مامتك ماتت بس مكنتش عايزاك تكرهها .
ادهم :- ومين قالك انى معرفش أن امى عايشه . انا كنت عارف من زمان . كنت بسمعك وانت دايما بتتكلم وتقول انك عايزها ترجعلك . كنت بسمع كلامك مع عمى عبدالرحمن عشان يدورلك عليها .
كنت عارف كل حاجه بس كنت ساكت عشان انت متتعبش . عشان كنت شايفك بتتعذب قدامى  .
منيرة (بدموع)راحت عنده ومسكت وشه بين ايديها وحضنته جامد:-  ادهم
ادهم (بدموع):- وحشتينى ي امى . كنت متأكد انك هترجعى .
______________________________________
فى مكان ما 
مجهول :- أنا عايزها ف خلال يومين تكون قدامى.
رجب (لو افتكرت ده كان ف فصل قبل كده بيعاكس مريم) :- امرك قدرى بيه . انا مخلى رجالتى يراقبوها وقريب اوووى هسلمهالك. 
مجهول :- كل ما جبتهالى بسرعه كل ما فلوسك.بتزيد وانت وشطارتك . سلام
رجب (بجشع):- سلام
______________________________________
نرجع تانى لفيلا صبرى
سليم وهو بيبص لمنيره بحنان :- انتى متعرفيش انا اتعذبت ف بعدك ازاى . ارجعيلى عشان خاطر حبنا .
ميسرة (بتشجيع) ايه ي ماما انتى لسه هتفكرى . عيشى حياتك ملكيش دعوة بينا أنا ومنار مبسوطين جدا . مش صح ي منار
منار (بابتسامه) صح ي ماما ربنا يسعدك ي حبيبتى . انتى تعبتى عشانا كتير ربنا يهنيكى .
منيرة (بابتسامه رقيقه) موافقه بس على شرط مش عامله فرح ولا كلام من ده هو مجرد كتب كتاب بسيط بعد أربعين محمد ابنى .
سليم :- ربنا يرحمه يارب ♥️ . وانا موافق .
مرام(بمرح ) :- حيث كده بقى يجماعه يلا ناكل عشان انا جعانه اوووى .
الكل ضحك عليها
زينب :- يالا على السفره ناكل. واتجهوا للسفرة وهما بياكلوا 
امل بتبص لمنار :- مالك ي حبيبتى مش بتاكلى ليه .
منار برقه:- ما انا بأكل اهو ي طنط .
منيرة :- سيبيها على راحتها يا امل هى دى اكلتها .
سليم :- على كده بقى ي ميسرة انتى بتدرسى ولا بتشتغلى .
ميسرة :- انا لسه متخرجه جديد و بشتغل دكتورة جراحه
سليم:- برافو عليكى ي بنتى . ربنا ا.يوفقك . وانتى ي منار بتشتغلى ايه
منار :- انا ممرضه ي عمو ف نفس المستشفى اللى شغاله فيها ميسرة .
ميسرة بمرح :- منار كان ف اديها تدخل هندسه بس مرضيتش ودخلت تمريض عشان تشتغل مع محمد ف المستشفى . ولست لمنار بحزن :- انا اسفه ي منار مش قصدى افكرك بيه .
منار (بابتسامه حزينه) لا عادى انا اصلا مش نسيته عشان تفكرينى. عن اذنكم ي جماعه انا هطلع اقف ف الجنينه شويه.
امل قامت وراها
منار طلعت بره وسمحت لدموعها تنزل لقت حد بيطبطب عليها لاقيتها امل
امل :- عارفه أنه صعب لما تحسى ان روحك مش معاكى ورايحه منك . انا حاسه بيكي .
منار بحزن:- وحشنى اوووى
امل :- انا زيك برضو بنتى وحشتنى اوووى
منار باستفسار:- هى فين ؟ اتوفت؟
امل :- لا هى ...
منيرة بصوت عالى يالا ي منار عشان مش نتأخر .
منار (وهى بتمسح دموعها ) مع السلامه ي طنط . ارتاحت مع حضرتك ف الكلام اشوف وشك بخير .
امل :- مع السلامه ي حبيبتى .
دخلت جوا وسلمت على الكل
وادهم بيسلم عليهم :-  مع السلامه ي امى .
وبيحضن ميسرة :- مع السلامه ي قمر
حياه (بغيرة) احم احم
ميسرة بتعجب:- انا أخته على فكرة
حياة :- ميسرة اتقى شرى انا بغير
ادهم :- حبيبى اللى بيغير ي ناس.
سليم :-. يالا ي منيرة يالا ي بنات انا هوصلكم
ومشيوا .
______________________________________
عدى اسبوع ومفيش جديد
مراد ومريم اللى اتكتب كتابهم وحبهم بيزيد يوم عن يوم
وادهم وحياة اللى بيعد الايام والدقايق على اليوم اللى هتكون فيه حياة ملكه
ومازن اللى دايما بيفكر ف مرام واعترف لنفسه أنه معجب بيها
ومرام إللى بتكابر و مش راضيه تعترف بحبها لمازن ومش ببتجنب تشوفه
ومنار اللى حابسه نفسها ف ذكريات الماضى ومش راضيه تفتح قلبها لحد . لبست السلسلة الذكرى الوحيده من أهلها الحقيقيين وبتتمنى تقابلهم.
______________________________________
وف يوم ميسرة صحيت من نومها بس ايه ده لا
ده مش سريرها ولا دى اوضتها قامت عشان تتحرك لاقت نفسها مربوطه
ميسرة بذعر :- انا بعمل ايه هنا  . انا اخر حاجه فكراها انى كنت  طالعه من المستشفى .وجه حد وكتم نفسى .
ودخل عليها واحد كبير ف السن يعنى خمسين سنه
السيد قدرى :- اهلا بالغاليه بنت منيرة
ميسره (برعب) انت مين وتعرف ماما منين .
السيد قدرى(بغضب)  :-. انا انا اللى كنت بحب امك وهى رفضتنى عشان خاطر سليم ولما خليت سليم يطلقها راحت اتجوزت ابوكى .
ميسرة(بصدمه) انت منصور
منصور (بابتسامه خبث) ايوا انا الظاهر أن منيرة حكتلك كل حاجه
ميسرة :- انت حيوان وزباله . لو راجل بجد فكنى وشوف هعمل فيك ايه .
منصور بابتسامه :- تؤتؤ اهدى على نفسك كده ي حلوة ده انتى المفروض عروسه وكتب كتابك النهارده.
ميسرة(بعصبيه):- انت اتجننت ؟!! قال كتب كتاب قال . ده انا هطلع روحك.
منصور:- متخافيش منى انا مراقبك من زمان وحبيتك اكتر ما حبيت امك بكتير .
ميسرة :- واشمعنا انا عندك البنات كتير
منصور:- عشان شبهها بكتير ملامحك كلها هي
ميسرة(بذهول) انت مش طبيعى انت اكيد مجنون
______________________________________
منيرة عماله بترن على ميسرة:- يا ترى هتكونى فين؟
منار جت من شغلها:- سلام عليكم ي ماما
منيرة:- منار حبيبتى كويس انك جيتى ميسرة فين ؟
منار (باستغراب ) ميسرة ؟! هى مجتش ده نبطشيتها خلصت بقالها ٣ساعات قالت هتروح تشترى هدوم وجايه
منيرة:- لا انا قلبى مش مطمن .
منار :- طب ما تتصلى على ادهم .
منيره:- حاضر هتصل اهووو ........ الوو ايوه ادهم
ادهم :- ازيك ي ست الكل
منيره :- مش كويسه خالص ميسرة بقالها ٣ ساعات برة ومرجعتش
ادهم :- طب أهدى وانا جاى ف الطريق
______________________________________
ادهم راح لمنيرة وعرف مكان المحل اللى هتشترى  منه هدوم وعرف أنها مش راحت اصلا وقلق اكتر
وقدم بلاغ باختفائها و جاب كاميرات المراقبة اللى ف المستشفى وشاف اللى مكنش متوقعه
شاف حد بيخدرها و  بيحطها فعربيه حاول يعرف ارقام العربيه كانت من غير نمر و الشخص كان ملثم ومعرفتش يوصل لحاجه
______________________________________
عند ميسرة
حالها منصور تانى ومعاه شنطه كبيرة
منصورة(بابتسامه خبيثه) ازيك ي عروسه . اكيد عندك فضول تعرفى الشنطه دى فيها ايه .
ميسرة بصتله ومردتش
منصور:- انا هرضى غرورك . وفتح الشنطه وطلع منها :- خدى ي ستى فستان فرحك اهو عشان تعرفى انى مش حارمك.من حاجه
ميسرة:- انت مش طبيعي لا انت اكيد مجنون . فرح ايه ي راجل يااهبل انت  ده على جثتي
منصور :- هو اكيد مش على جثتك بس لو مش لبستى الفستان ده وسمعتى كلامى زى الشاطرة هتكون روح امك وأختم هى التمن
ميسرة :- انت كداب انت مستحيل تأذيهم
منصور وطلع تليفون من جيبه :- طب خدى اتفرجى كده . 
وراها فيديو لناس بتراقب امها ومنار وفى ناس مصوبه عليهم بالرشاشات
ميسرة قاعده مصدومه والدموع فعنيها ومش قادرة تتكلم
منصورة طفى التليفون :- ها ايه رايك
ميسرة.:- انا موافقه .
منصور:- كده انا احبك . قدامك نص ساعه تلبسى فيهم .
وصورها صورة قبل ما يمشى
_____________________________________
عند منيرة عماله تعيط وحنان و زينب بيهدوها
دخل عليهم سليم وادهم وباقى الرجاله
منيرة بلهفه:- ها مفيش اى خبر
سليم بحزن :- للاسف دورنا عليها كتير مش لاقيناها
منيرة:- يعنى ايه بنتى راحت منى
ف الوقت ده رقم غريب اتصل عليها :- الوو
منصور:-  ازيك ي منيرة
منيرة باستغراب:- مين ؟
منصور :- معقوله نسيت صوتى .
منيرة (بصدمه):- منصور؟!!
منصور:- ايوه منصور . اتصلت اقولك متخافيش على بنتك معايا ف الحفظ والصون وكنت عايزك تباركي لينا ده النهارده فرحنا .
منيرة :- لا ي منصور مش تنتقم ف بنتى منى 
بس هو كان قفل السكه
جاتلها رساله فيها صورة لمسيرة وهى مربوطه . ومكتوب تحتها كان شبهك اووى مش كده
منيره :- لااا ميسرة لا
سليم  بيهديها :- أهدى هنوصلها متخافيش
ادهم :- اخد الصورة على تليفونه ومشى من غير ما يقول ولا كلمه
_____________________________________
عند ميسرة
عدت النص ساعه والوقت بيجرى وحان وقت موتهاااا وخلاص طالعه لمنصور عشان تندبح بسكينه بارده زى ما بتقول بس بتتفاجى بحد ملثم داخل من الشباك

وحشتوووونى جدااااا  ♥️♥️
بعد ما شوفت الكومنتات وفرحت قولت لازم تفرحوا معايا
بارت جديد اهو
واحب اقولكوا أن اللى فات حماده واللى جاى حماده تانى خالص
تصويت كتير ي شباب