The Seductive Doctor (Savage Beast #3)

Chapter 18

Past issues

Tulala ako sa harapan ng aking vanity mirror. Hindi ko gusto ang ideya ni Daddy na ipakilala ko sa anak ng kanyang kumpare. Kahit sabihin niyang simpleng pakilala lamang iyon ay hindi ako kumportable. Lalo na't may boyfriend ako.

Natigil ako sa pagiisip ng makita ko ang pagilip ni Ate mula ss aking pintuan. Bahagya kasi iyong nakabukas kaya naman madali siyang nakapasok.

"Kamusta na ang mga latay mo?" malumanay na tanong niya sa akin. Kahit papaano ay ramdam kong may care ss kanyang boses. Hindi pinaplastick.

"Ayos lang po"

Nagiwas ako ng tingin at napanguso. Hindi naman iyon ang tamang salita, hindi kailanman naging maayos para sa akin ang saktan ako. Palibhasa never siyang sinaktan ni Daddy, physically. Mahal na mahal siya nito na para siyang isang babasaging bagay na dapat ingatan.

"Nabanggit ni Daddy na ipapakilala ka niya sa anak ng kaibigan niya. Paano ang boyfriend mo kung ganuo?" diretsahang tanong niya sa akin na ikinagulat ko.

"Magpapakilala lang naman po, walang namang ibang..." hindi ko na naituloy pa ang sasabihin ko. Hindi ako makahanap ng tamang salita para ituloy ang sasabihin.

Nagtaas siya ng kilay at tsaka nagkibit balikat. "Sabagay...let's hope for the best" tamad na sabi pa niya sa akin. Hindi ko mapigilan ang pagkunot ng aking noo. Hindi maganda ang pakiramdam ko dito.
Damn.

Sakay ng aming Hiace van. Nagtungo kami sa mansion nila Governor Coronel. Hindi ko alam kung ano ang ipinagdiriwang para sa dinner, hindi ko na lamang inalam dahil wala naman akong pakialam. Nanatili akong tahimik na nakasunod kina Mommy at Daddy.

Bumaba ang tingin ko sa kulay itim kong dress. Formal dinner kasi iyon kaya naman talagang naghanda ang lahat. Napataas ako ng tingin ng maramdaman ko ang pagsiko ni ate sa akin.

"Hindi ba't iyon ang crush mo, si Luigi?" tanong niya sa akin na may halong pangaasar. Nilingon ko ang taong tinutukoy niya. Anak ng governor si Luigi Coronel, kapatid ng aking dating kaibigan na si Luminiere Coronel. Dating kaibigan, as in ex friends. Bitch kasi ang babaeng iyon.

Dahil inis sa kanyang kapatid ay napairap na lamang din ako kay Luigi kahit wala naman siyang ginagawa sa akin, at mas lalong hindi naman niya iyon nakita dahil may kalayuan kami sa kanila. "Bata pa ako nuon, hindi ko nga alam kung crush ba talaga" tamad na sagot ko kay ate. Tumaas lamang ang isang sulok ng kanyang labi.

Nagtaas ako ng kilay ng umiwas ako ng tingin sa kanya. Ano kayang trip niya ngayon at namamansin siya? Dati naman ay tahimik lamang ito, ni hindi nga ako nito kinakausap. Umupo kami sa isang malaking table kasama ang ilan sa mga kakilala ni Daddy.

"Tamang tama ang course ng bunso mo para sa manufacturing..." puna ng isa sa mga ito. Mas lalo kong pinaglapat ang aking mga labi, ayoko silang kausapin. Ayokong sumagot sa mga itatanong nila sa akin. Bukod sa wala naman silang maririnig na maganda ay siguradong ikagagalit pa iyon ni Daddy.

Dahil sa boredom, inilabas ko ang cellphone ko para itext si Kenzo. Hindi ako nakareveive ng text mula sa kanya, hindi ko tuloy alam kung nakauwi na siya sa condo o sa kanila.

Ako:

Nasa dinner party na kami. Nakauwi ka na? I miss you :(

Matapos kong magtipa ng message ay mabilis ko ding itinago sa aking hawak na purse ang aking cellphone. Ayaw kasi ni Daddy nuon. Nakakabastos daw ang maglabas at gumamit ng cellphone sa harapan ng pagkain. Muli kong sinuyod ang buong round table kung nasaan kami. Napainom ako ng choice habang ginagawa iyon, busy ang lahat sa kanya kanyang nilang kausap.