The Seductive Doctor (Savage Beast #3)

Epilogue

Seductive

Maayos naman ang naging dalaw namin kay Fidez sa unang punta namin. Yun nga lang, si Kenzo at Andrew lang ang pinapansin niya na para bang sila lang ang kilala niya. Hinayaan ko na lang, mas ok na iyon kesa naman magaway kami.

"Ito, dagdagan mo" utos ni Gust sa make up artist na kinuha niya para sa aking kasal.

Kung hindi lang nagiba ang meaning ng awarding sa amin ni Kenzo ay sasabitan ko sana si Gust ng most hands on award. Ngunit hindi pwede, ang mga virtual medals ko ay para lamang kay Kenzo.

"Light lang ha..." paalala ko sa kanya. Hindi kasi ako kumportamble sa masyadong makapal na make up.

Pinandilatan ako ni Gust. "Mas marunong ka pa sa make up artist!?" asik niya sa akin kaya naman napanguso ako. Napakasiraulo!

Natahimik na lamang ako at hinayaan silang matapos. Hindi maalis ang titig ko sa malaking salamin sa aking harapan, may ring light din sa gilid at magkaiba ang nagaayos sa buhok at mukha ko.

Hindi ko maiwasanh mapangiti sa tuwing namomorblema si Gust sa kung ano. Pwede ng wedding planer ang isang ito.

"Mommy!" sigaw na lapit ni Kianna sa akin.

Kaagad akong kumawala sa naglalagay ng lipstick sa aking labi para harapin ang aking anak. Matamis ko siyang nginitian.

"Ang ganda ng baby ko..." puri ko sa kanya at maingat siyang hinalikan para hindi maiwan ang lipstick ko sa kanyang pisngi.

Napabungisngis siya. Gustong gusto niyang ang suot na gown at bagay na bagay din sa kanya ang flower crown na nasa kanyang ulo.

"Pero, Mommy. Ate na po ako di ba?" paalala niya sa akin kaya naman muli akong napatawa.

Marahan akong umiling. She will always be a baby for me. Hindi ko siya nakasama nung mga unang tan niya kaya naman hindi ako titigil na bumawi sa kanya.

"Yes, Ate ka na. But Baby ka pa din ni Mommy. Kayong dalawa ng baby brother mo" paliwanag ko sa kanya kaya naman inabot niya ako para yakapin.

Niyakap ko din siya pabalik. Mahal na mahal ko si Kianna. Kahit pa hindi naging maganda ang aming umpisa, mahal na mahal ko siya na kaya kong ipagpalit ang buhay ko para sa kanya. She is my daughter, she is from me. She is a part of me, at habang nabubuhay ako...hindi niya kailanman mararamdamam na walang nagmamahal sa kanya.

Nangingiti na lamang ako minsan. Sa tuwing naaalala ko ang mga kalokohan ko nung college. The college Sera doesn't have the idea of being a mother, hindi niya alam kung paano ang pagiging ina, hindi niya alam kung paano ang pakiramdam nito.

Kusa itong lumalabas sa oras na malaman mong nagdadalang tao ka. Kusa mo iyong nararamdamam sa oras na maramdaman mo na din ang anak mo sa loob ng sinapupunan mo.

College girls these days has no clue either. Pero naalala ko nuon, minsan ko na ding tinanong ang sarili ko. Isang hapon sa quadrangle habang tahimik ang lahat, at nakatulala ako sa kung saan.

Paano kaya pag naging ina na ako? Anong iisipin ng magiging anak ko sa akin? Ano kaya ang pakiramdam?

Lahat iyon ay nasagot ng dumating si Kianna sa akin. Nagulo ang mga tanong, nawala ang mga expectations. Ang tanging alam ko lang sa panahong iyon ay sobra ang saya ko.

"Kianna, rest baby girl. Para fresh pa din" maarteng suway ni Gust sa anak ko. Mabilis na tumango si Kianna para sundin ang tito Augustine niya.