Aprè Jefferson te finn antre li kite Angie kanpe nan lari a, manzè te vire li ale lakay li. Lèl rive li jwenn youn nan nèg sèl lan kap soti nan kay la. Li fè kòmsil pa wè misye kap pase.
Li antre epil chita.
Angelle: Saw gen la figiw fennen konsa?
Angie: map plede pale Jefferson pou fanm nan, li pa vle tandem. Em sispèk ke fi sa pa vinn pou jwe. Pou janl antre nan vie moun yon sèl kou a.
Angelle: an...ou tounen sou bagay sa ankò? Machè ou sanwont, oh. Ou renmen nèg la? Ou pa bezwen nèg la, saw genyen ou veyel konsa? Te kwè se ti kòb wap defann nan pouw wè. Gad dat ou pa antre ak yon goud nan kay la, se mwen kap fè tout bagay. Mpap pranl nan menw non.
Angie: sak pou diw sim pa renmenl?
Angelle: janl finn drivew e depanse ti lajan nan ou sa, ki bagay serye ou pansel ka regle avèw? Se ou ki pou pozew pouw jwenn yon bon nèg ki ka edew epi pouw tou chita yon sèl kote.
Angie: bonw pa pozew ak youn ou menm!
Angelle: Mpa anvi wèw vinn menm jan avèm. Mwen ou wè ki chaje nèg la, pa gen moun kap ka chanjem. Mpat janm gen lide marye ni gen pitit, e la map rete.
Angie: siw pat anvim vinn menm jan avèw, se pa anba vant nèg ou ta voyem olye pouw te kontinye peye lekòl la pou mwen.
Angelle: ak ti po devanm mwen tap fè tout pou ou epi paw la tap ret sere?
Angie: vwala...ou pa renmenm vre. E se ou ki pi gran.
Angelle: machè...siw te konn ki stress mwen gen lèm gen plizyè nèg ou patap di saw di an. An, poum te bay fini ak po devanm pou ou? E mwenk te di papaw pa okipew?
Angie: epa paske nou pa menm papa poun konsa non. Ou panse nou gen yon respect sou katye a la?
Angelle: mpap viv pou moun. Epitou, se jodia ou wè ke vie nap mennen an pa bon? Sim pat kòmanse degajem, e pousyè nou tap manje wi. Menm kay nou patap genyen poun dòmi.
Angie leve li antre
Angelle: gad figil...e bagay soumoun sa li gen nan li kifè nèg la pa vle okipel ankò a wi.
Jefferson te ale nan chanm li, li gentan bliye sa Angie te dil lan. Bagay sa pa nan lespril ankò.
Li tande yon machinn antre nan lakou a li wè se papal ki vini, li desann poul ale kotel men lèl rive li tande manmanl ak papal nan yon diskisyon, li tou kanpe.
Gladiah: kotew te ye la?
David: bonsoir Gladiah.
Gladiah: mte anvi soti avèw aswè a men lèm antre mwen wèw pat la.
David: bonw te soti al pran pleziw epi se kounya ou te anvi soti avèm.
Gladiah: mwen la lontan wi. Mremake ke ou pa okipem nan kay la ankò.
David: depi lèm pèdi kòb mwen an mpa fèw konfyans okenn fason ankò.
Gladiah: oh Dave...yon bagay gen de lane depil pase epi wap vinn repetel la toujou.
David: ou konn ki valè redi mwen te redi poum fèl? Te kwè ou menm se sèl awoze zong ou konnen. Pandan map asire avni pitit mwen ou menm pyew kwaze wap gade, kòm si se mwen ki pou fè tout bagay yo nèt.
Gladiah: de tout fason mpat mele nan lajanw lan. Se pa mwen ki te fè sèvant ou an vòlèl. E anplis de sa li finn pranl li pa menm rive lwen avèl.
David: manti. E pa li ki pranl e ou konn sa trè byen. Dam sa te gentan gen kat lane ap travay la e li te twò loyal. Li patap janm pranl.
