Sa fè deja twa semèn depi Paola pa pran nouvèl Jefferson. Li pa reponn appel li... li inyore mesaj li e li ta sanble ke li pase lòd pou yo di li pa la sil ta vinn mande nan klinik lan pou li.
Yon aprèmidi, pandanl ap antre lakay li a, li santi yon moun ap swiv li, li voye jel li wè se Gladiah ki kouri monte vit machinn li e ki demare.
Paola antre anndan an li chita, lap reflechi... Bethina vinn kotel.
Beth: saw gen la?
Paola: Gladiah tap swiv mwen.
Beth: kisa? Pou ki rezon?
Paola: mpa konnen e mwen pa konnen non plis kòman li fè jwenn adrès mwen. Ou panse ke li rekonèt mwen?
Beth: fi a pa sousyel de pitit li yo...si lap swiv ou sèke li konn kiyès ou ye?
Paola: men pa kiyès li pase??
Paola atriste. Bethina pase men nan tèt li, lap rasirel.
Beth: sak pasew menm? Mtwouvew froide depi kèk tan...e se pa bagay kounya non. Se depi avan sak te pase ant ou menm ak Jefferson nan.
Paola: msèlman fatige...se tou.
Beth: ebyen...sèl jan pouw ta pran konje nan travay sa, se sèl si ou ta di ou malad oubyen ou gen yon lòt ka.
Paola: mpa anvi pran konje tou non...travay la itil mwen poum chanje lesprim...poum pa fokalizem sou kèk bagay. Menm si mpa santim byen depi kèk tan, mpaka sipòte anyen nan estomac'm.
Beth: ebyen...saw panse siw ta ale wè yon medsen? Si se yon medikaman yo ka preskriw pou remetew anfòm...li tap bon pou ou.
Paola: map fè sa wi. Demen sdv map rive lopital.
⬛Pandan David chita nan salon lakay li a, li resevwa yon appel de Margalie.
David: allo!
Margalie: bonsoir mr Collin. Kòmanw ye?
David: anfòm Marga e ou menm?
Margalie: mr Collin mtrayiw wi.
David: nan kisa?
Margalie: ex madanm ou te vinn kotem nan biwom...
David: kisal te bezwen?
Margalie: li te bezwen gen enfòmasyon sou sam tap regle pou ou yo. Li di ke li santi ke sa pa gen okenn rapò ak travay ou.
David: mwen espere ke ou pa dil anyen...
Margalie soupire...
Margalie: mvrèman dezole. Li menasem e li fèm konnen ke vie pitit mwen an ap an danje sim pa pale. Mr Collin ou konnen se sèl pitit la mgenyen em paka fè lòt.
David: waw! Demwazèl la pwal ekspoze fas a yon danje sou kont mwen.
Margalie: dezole...mpat gen le choix! Mpanse nap rive jere sa!
David: pa enkyetew Marga...mwen konprann sitiyasyon an. Map aranjem poum pare tout kou!
Margalie: ebyen ok. Merci anpil paskew konprann mwen.
David: merci tou paskew metem o kouran e dezole sim koz ou nan yon sitiyasyon anbarasant.
Margalie: ok mr Collin.
David enève, kounya akoz sak sot pase yo...li sèten de tout dout li te genyen sou Gladiah sou kesyon lajan li te pèdi a.
David: Gladiah! Gladiah! Mwen menm kap fèw rete!
David deside ale rann Paola yon vizit san atann.
⬛Paola ak Bethina tande pòt la frape, Yo al ouvri ansanm, yo sispèk.
Yo sezi wè ke se David, Paola move.
