#عسكري_على_البال "حماتي"
الحلقه :الخامس عشر جزء التاني والاخيره
بقلم :فاطمه سالم الورفلي
...............
......
اني استغربت :اهلا بابا كيف حالك
بابا وجهه مايتفسرش ومضايق :لمي دبشك يابنتي
اني نصدمت :ليششش؟
بابا :قدر الله وما شاء فعل يا بنتي هدا قضاء ربي
اني استغربت :شن تقول بابا خيرك؟
بابا طبس راسه ومعاش عرف شن يقول وتنهد
اني خفت وحطيت ايدي على كتف بابا :بابا قول لي شن في؟
بابا غمض عيونه وحضني :سلم بنتي لمي دبشك وساهل بعدين
"وشد ايدي وقعد يمشي معاي لعند داري... واني معاش قدرت نحكي.... خايفه تكون امي ماتت... فتحت دولاب وخديت شنطه وقعدت نحط وخليت شويه حوايج
بابا :لا حطيه كله يابنتي كله
اني فنصت عيوني وخنقتني العبره:بابا شن في!
بابا قرب مني وقعد ياخد ويحط وساكت واني نبكي وصكر الشنطه وطلعنا وطلعت مفتاح من جزدان وصكرت باب الحوش ورجعته في جزدان...وبابا شد ايدي وقعد يمشي بيا لعند السياره... حط الشنطه في السياره وركب وركبت معاه... وقعد يسوق ومتغشش
اني برجفه :بابا بالله عليك احكيلي!
بابا تنهد :انتي مؤمنه بقضاء الله وقدره!
اني نزلت دمعتي وقلت :ايي
بابا :يابنتي لا اعتراض على حكم الله.... وكلنا ليها الموت...
اني قعدت نضرب في روحي :بابا قول لي في منو؟... منو مات منوو
بابا سكت وقعد يسوق ووجعه حالي... واني قعدت نبكي لعند وصلنا للحوش لقيت نساوين خاشات طالعات؟... التفتت لي بابا
اني خنقتني العبره :ماما ولا؟
بابا رفع راسه وتنهد:لا يابنتي لا
اني برجفه :خ...خو.. خواتي!
بابا :لا
اني :جداي!؟
بابا خنقاته العبره:لا يابنتي خلاص انزلي ومصيرك تعرفي
اني طبست راسي وقعدت ناكل في روحي.... معاش قدرت نتحمل... رفعت راسي وقلت ودموعي تنزل :بابا بالله عليك قول لي في منو بالله عليك
بابا تنهد :يا بنتي يعوضك الله خير... ولدك توفى
اني :ششنووو شن تقول يا بوي تي اني مبكري بي شوي كان جنبي
بابا :كلنا ليها يابنتي كلنا ليها وهدا حد الدنيا
اني زمطت ريقي بخوف :و.. ومممي.. لوود وو.. يين!
أنت تقرأ
عسكري على البال "حُماتي"
Romance- بعد ما تنتهي العلاقة و إنفصال الشخصين ع بعض ، البنت بشكل كبير هي لـ تنجرح نفسيًا أكثر من شخص او طرف التاني ، و الفتره هي القريبه هيا تسال فـي روحها و تردد " أنا شن ناقصني" ، " أني مش حلوه" ، " شن لـ ناقص فيا و لقاه فى غيري " و بعد فترة بعيده ، إن...
