عسكري على البال "حُماتي"

صدمه

#عسكري_على_البال "حُماتي"
الحلقه :الرابع عشر مقابل الاخيره
بقلم :فاطمه سالم الورفلي
................
........

اني سكتت شوي... زعلت بس في نفس وقت قلت احسن يقعد شهرين هنا آمن ليه وفي هالشهرين ندير حل....تنهدت وقلت :اخخ يما شن بنقولك!....كل الحاصل ان ميلود واعر يما واعر واعر بكل مش عارفه حتى كيف عايشه معاه وقاعده نتنفس!

امي طبطبت على ايدي :توا يابنتي بيتغير... والله ح يتغير... الرجاله كلهم هك في البدايه لكن بعدين يلينو ويرطابو...اهو بوك لعند توا واعر... لكن كان تشوفيه زمان اييييه ما تقدري تقولي اغ فوق واعر وعاره يالطيف الطف

اني شبحت لي ماما بنظره يائسة وتعب... عرفت هنا محدش ح يوقف معاي...وتنهدت

امي ابتسمتلي :في العشيه تو نجيبلك حوايج ليك وللبيبي

اني :يما مافيش داعي للبيبي... مزال بعد شهرين يلبسوه توا بيقعد في الحضانه في جهاز هك صغير محطوط فيه حتى ماكله يبدو يوكلو فيه بلايباري لين يكتمل نموه

امي :وباه شن فيها.... نجيبله باش بعدين يلقى ما يلبس... شن مالا بتشريله على ظهر بعدين؟

اني تنهدت بفارغ صبر :به باه يما ديري لي تشوفيه مناسب

امي ناضت وفتحت الكمدينو لي جنبي وطلعت منه صونيه وشبحتلي:ماشي مالا كولي مبكري مشيت للحوش درت جغوم وجيت

اني حاسه روحي جعت :به هاتي في كاشيك؟

امي تفتح في الكيس لي على صونيه :اي جبت مبكري... ودرتهلك الجغوم باللحم الوطني كيف ما تحبي

اني ابتسمت وقعدت نشبح للصونيه بلهفة لان الجغوم نعشقه عشق فما بالك بي لحم الوطنـي 🤤

"فاطمه سالم :ماهو اني نحبه خليت اسراء تحبه😋😂"

اني شبحتلي :خلي الجو ليا اني انتي اطلعي منها

فاطمه سالم مطت شواربها وبرفعه حاجب قالت :افف به باه اهو سكتت

اني ابتسمت بمكر:بيكون احسن.... "وخديت الصونيه والكاشيك وطحت في الجغوم بعيوني 😋"

امي :صحه صحه ياريتني جبت الطنجره وخلاص

اني قعدت نستطعم في الجغوم في فمي مزال خاطري ناكل :همم افف حتى بعدين جيبيلي في صونيه كبيره لكن

امي ضحكت :من صغرك هك عيونك الجغوم 💙

اني غمضت عيوني بعفويه :تي يهبل ما نشبعش منه

"وعلى كلمتي هدي انفتح الباب وخش ميلود"

ميلود جت كلمتي في ودنه وقال بتطفل: شن هو لي ماتشبعيش منه

امي التفتتله مبتسمه:الجغوم قتلها من صغرك عيونك الجغوم

ميلود ابتسم :ايااه مزال فيه؟