تزوجتها ك ثار 5
يوسف .. هه اني راجلك
اسيل جتها صدمه انه هدا هوا راجلها كانت متوقعه انه ايكون شباني ..
اسيل.. وكان راجلي يعني شن هوا ل بنديرهولك
يوسف .. ضمي فمك واسكتي لما نحكي معاك لان ورب العزة نقتلك
اسيل .. هه بتقتلني خفت هلبا
يوسف .. نا نبهتك
اسيل.. ننننننن
يوسف .. مسمعتكش
اسيل .. سلامتك
يوسف .. اسمعيني نا تزوجتك عشان الثار بس لا اكتر ولا اقل ونا خاطب وبنتزوج بس انتي بتقعدي زيك زي الكلبة تخدميني اني ومرتي وعيلتي كلها وفمك ساكت
اسيل.. والله الكلب الا انت ي ونا منيش خدامة رجليك ي بابا يلا يلا اطلع وفكني منك
يوسف بغضب طاح فيها ضرب لين فقدت وعيها وهوا طلع
سمر .. نضال ي نضال
نضال .. نعم ي امي
سمر .. تعالى تغدا
نضال .. هي اني جاي
وجي تغدا نضال وبوه وامه
نضال .. اني بنفاتحكم ب موضوع
محمد .. ان شاء الله خير
نضال .. حصلت خدمه ف صالة ملابس نبي نمشي بيها اموري
محمد وسمر بفرح .. الحمد لله ولدي بيخدم واخيرا
نضال .. خجلتوني
محمد .. خزي بتقعد متع رديف ديما شن خجلتوني هادي زي البنت
سمر .. خطرها ع البنت استاحشت اسولة
محمد .. اسولة اكيد مرتاحه ف حوش راجلها وكويسة
مها .. يوسف وين اسيل
يوسف .. راقدة
كنزة .. نمشي انوضها
يوسف ب عياط .. خلليييها
وبعد ساعتين رجع يوسف ل الدار واول مفتحها لقي اسيل قاعد مغمى عليها
يوسف .. ياربي شن درت اني ي امي امي كنزة تعالو
جو مها وكنزة يجرو .
مها .. خيرها البنت
كنزة .. ضاربها ب ماما ضاربها نسمع فيهم مبكري بس متوقعتش هكي يكون
يوسف .. ديرولها راي اني مدخليش فيها
مها .. كيف مدخلكش فيها ي كنزة بري نادي بوك يرفعها
كنزة .. به
ومشت ل بوها
كنزة .. تعالى ي بابا يوسف ضارب اسيل ومغمى عليها
فؤاد بخوف .. كيف كيف هي وينها
كنزة .. فوق ف الدار امي قالتلك نرفعوها للمستشفى
فؤاد .. تمام هي نزلوها ونرفعها
ومشو رفعو اسيل للمستشفى
سمر .. والله ي محمد حاسة قلبي نار مش عارفة نحس ف اسيل صايرتلها حاجة
محمد .. لالا شن بيصيرللها
سمر .. مش عارفة
محمد ان شاء الله خير
ف المستشفى
الدكتورة .. انت والد البنت
فؤاد .. ااء اي اي
الدكتورة .. حالتها تحسنت شوي بس صارلها كسر ف ايدها ونزيف بسيط ف دماغها وحنخلوها اليوم عندنا
مها .. دكتورة نقدرو نطمنو عليها
ابدكتورة .. اي عادي
مها وكنزة خشو ..
كنزة .. اسولة اسيل
اسيل .. هممم
مها .. سامحينا ي بنيتي سامحينا
اسيل .. نبي مسرة
مها .. مني مسرة ي كنزة
كنزة .. نعرفهاش
اسيل .. نبي مسرة
مها .. به مني هادي مسرة ي اسيل
اسيل .. نبي مسرة
كنزة .. تو نشوف بوي يكلم بوها ونعرفو مني هادي مسرة
مها .. تمام
كنزة . بابا اسيل ناضت وتقول نبي مسرة ومعرفناش منها مني مسرة كلم بوها وقوله يعطينا رقمها
فؤاد .. وكان سالني شن بدير بيها ولا وين هيا
كنزة.. هات تو نحكي معاه اني
فؤاد .. تمام
ترن ترن
محمد .. ايوا فؤاد
كنزة .. اهلين عمي محمد كيف حالك
محمد.. تمام بخير مني انت
كنزة .. اني كنزة حمات اسيل
محمد .. وينها اسيل
كنزة .. بكري كانت تبي تكلم مسرة تليفونها تكسر منها قعدت تبكي لين رقدت فقلت ناخد منك رقم مسرة بش لما تنوض نفرح اسيل انه لقيت الرقم
محمد .. اها تمام شوية بس
كنزة .. تمام هي
محمد .. سمر عندك رقم مسرة اسيل تليفونها تكسر ورقم مسرة راح منها
سمر .. لحظة بس وعطتهوله
محمد .. هي سجلي ي بنتي 091*******
كنزة .. تمام مشكور ي عمي
محمد .. ولو هي سلام وسلمي ع بوك
كنزة .. يوصل
واتصلت ب مسرة
كنزة .. الو
مسرة .. اهلين مني
كنزة .. حمات اسيل
مسرة .. اها كيف
كنزة . تمام بس ممكن تجي للمستشفى ******
مسرة بخوف .. ليش
كنزة .. اسيل ف المستشفى وتعرضت ل ضرب من راجلها وجبناها للمستشفى
مسرة .. حسبي الله ونعم الوكيل هادي الامانه لي انأمنوكم اعليها خزي
كنزة .. ي اختي متفهمه موقفك بس حنى مدخلناش ونحبوها اسيل بس راجلها معند
مسرة .. تمام تو نجي باي
كنزة.. تمام ومتقوليش ل حد
مسرة .. اوك
مسرة .. مشت ل اياد خوها
مسرة.. ايودة نقولك حاجة
اياد .. همممم
مسرة .. اسيل ضاربها راجلها وتوا ف المستشفى
اياد بخوف لان يحب اسيل زي اخته .. كيف هكي
مسرة .. وطي صوتك منبو حد يعرف
اياد .. به تو نرفعك بس شن بتقولي ل امي
مسرة .. تو نقوللها اياد بيرفعني لحوش اسيل
اياد ..تم هي اطلعي
مسرة .. لحظة بس
ومشت مسرة قالت ل امها ومشت ركبت ووصلو للمستشفى
مسرة طق طق
كنزة . انتي مسرة
مسرة .. اي
كنزة.. تفضلي
مسرة .. ممكن تخلينا شوي بروحنا
كنزة .. اوك خودي راحتك
وطلعت لقت اياد واقف ع الباب وعجباته كنزة قعد يشبحلها اما كنزة متوترة من نضراته
اسيل .. مسرة شوفي شن صاار فيا
مسرة تبكي .. حبيبتي كوني قوية تو ربي ياخدلك حقك
اسيل .. والله غر نرد صحتي لما نوريه الحرايمي هدا
مسرة .. ايصير خير غر انتي نوضي بس
اسيل .. استاحشت ماما وبابا
مسرة .. وانيي؟
اسيل .. حتى انتي ونضال
مسرة .. اي حق اياد يبي يشوفك هوا جابني ومقلناش لحد انك ف المستشفى بنخلوه سر
اسيل .. احسن شي
مسرة .. اي
اسيل.. وينه اياد قوليله يخش
مسرة تمام
مسرة .. اياد هي تعالى
اياد .. حي الغبرة حصلت طريحه اخيرا حصلت كيف نبرد ع قلبي منك
اسيل .. والله لما نوريك ي اياد تو تشوف
اياد .. حوووووليلي
اسيل .. اسمها حليلي
اياد .. ي واخدة نومي من ليلي
اسيل .. خزي زوفري
اياد .. وخيك التاني اني
اسيل .. للاسف خوتي الزوز زوفريا
اياد .. بضحكه الله غالب
مسرة .. اطلع بنهدرزو
اياد .. هدرزو شن مشكلة نسمع فيكم
اسيل .. اييييااااااد😠😠
اياد .. هههه تم تم اني طالع بنقابل المزة ل طلعت منك بكري شوي
اسيل .. غباارتي هادي حماتي ره صغيرة ي حمار
اياد .. عاجبتني باي
اسيل ومسرة .. 😂😂😂😂
يوسف يكلم ف روان
روان .. اني بنطلع عندي مكان
يوسف .. كأنك كترتي مكاناتك ره معقولة ف اليوم تطلعي مرتين
روان .. بسيارتي ونطلع عادي
يوسف به تمام
روان .. اي وشن صار ف الحمارة هاديكا مرتك
يوسف .. منعرفش
روان .. اها به توا باي
يوسف حس بانه فيه حاجة غلط .. تمام باي
ف المستشفى
اياد .. مساء الخطوبة نتعرف والا مخطوبة
كنزة .. خيرك لاحقني حتى ف الكافي
اياد .. والله جيت لقيتك
كنزة .. به توا برا من قدامي خيرلك
اياد .. حليلي منك
كنزة .. مبردك
اياد .. وك وك
كنزة ..اقلب وجهك
اياد .. تمام ي حلوة نتلاقو مرة تانية
كنزة .. ف جهنم
اياد .. واو
كنزة ننننن
مسرة .. هاك خودي كلمي اامك
اسيل .به
اسيل عدلت صوتها بش امها متحسش
ترن ترن
سمر .. ايوا
اسيل .. اهلين ي ماما
سمر .. اسولة كيف حالك وينك معش مبينه شفلتيني عليك
اسيل .. فوني تكسر وتوا عندي مسرة
سمر .. اها به كويس
وهدرزو شوي وروحت مسرة وخوها وقعدت اسيل وكنزة ومها روحو تاني يوم
يوسف .. روحتي ي امي
اسيل ف خاطرها تو نوري امك كيف شكلها ي زوفري وركبت ل دار ولحقها يوسف
اسيل كيف نحت وشاحها وطاح شعرها يلي طويل ويهبل
يوسف اول مخش قعد مصدوم من جمالها وجمال شعرها بس محبش يبين
اسيل .. نعم تفضل
يوسف .. المرة هادي مشت بكسر ونزيف بسيط المرة الجاية ب موتك
اسيل .. المرة هادي سكتتلك عشان ايدي مكسورة منقدرش انقز عليك ناكلك خشمك
يوسف .. عقلك عقل مفرخ
اسيل .. طبعك طبع عيل
يوسف .. تو نوريك غر تولي حالك باهي
اسيل .. هعععع مريض
يوسف.. مسمعتكش
اسيل ....... يتبع
تفااعلووو ❤❤🍒
(دودي دودي ) ❤
🍒❤❤❤❤❤❤❤
