تزوجتها ك ثأر 16
(شهد عادل بلعيد) 🍒❤
وصلت روان لحوش مهجوووور يخوووف
طقت روان الباب
طق طق
طق طق
قعدت شوية وفتحت مرا الباب كانت المرا لابسة حاجات مش مفهووومه
روان .. ااااان اني نن نعرفك من زمان وقاصداتك ف خدمه
الساحرة .. تفضلي كيف نقدر نخدمك
روان .. ف مرا غيري خاطفة راجلي مني ونبي راجلي يطلقها ويرجعلي وعيلتها وتبدا تكره عيلته وكل شي يخصه
الساحرة .. مافيش اي مشكله تفضلي خشي
خشت روان وبدو يديرو ف طقوس السحر
الساحرة .. عندك حاجة للبنت ل بتسحراها
روان .. اي عندي تيشرت ليها
الساحرة .. وهوا
روان .. اي حتى هوا تيشرت
وطلعتهم وعطتهولهم
(شهد عادل بلعيد ) 🍒❤ تعالو نقوللكم كيف لقت تيشرتاتهم
يوم ل اسيل روحت ب روان عطتها توته ليها وروان لما جاها يوسف قعدت لابستها
ويوسف لانها كانت ف حوشه
(شهد عادل بلعيد )❤🍒
بينما اسيل راقدة شافت حلم غريييييب وجوه مش مفهووومه حووش مهجووور ناس من الانس وجهها دمم ناضت مفزوعه
اسيل .. لااااااااااااااااا
الساحرة .. تمام هدا السحر وبدينا فييه
روان بضحكه .. اوك
الساحرة .. المبلغ ل مطلوووب 3000 منخدمش بلاش اني
روان .. اءء اء والله توا ماعندي والله المدة الجاية نجيبهملك
الساحرة .. عندك 3 ايام متجيبيليش المبلغ حيصير شي تاني
روان بتوتر .. حح حاظر وطلعت
يوسف .. اسسييل خيرك اسيييل
اسيل .. بعد عليا يوسف يوسف بعد عليا منقدرش نشوفلك يوسف وجهك وجهك يخوف بعد عليييا
يوسف .. خيرك انتي هبلتي
اسيل .. اطلع يوووسف اطططططلع
مها سمعت الصوت جت تجري
طق طق
مها .. يوسف شن صاير
يوسف .. خشي ي امي شوفي هبالها متع مراهقااات
اسيل .. ياااااااربي حتى انتي زيييه زيه اطلعي منبيش نشوفك اطلعي
يوسف ضربها كفف.
يوسف .. تعلمي كيف تدوي مع امي ي حقيرة
اسيل .. اطلعو منبيكمش
مها .. شكت ف الموضوع
مها .. خلاص خلاص طالعين تعالى يوسف معاي
يوسف طلع هوا وامه
مها .. اسيل مش تمام وممك ف حد ساحرها او حد دايرلها حاجة
يوسف .. كيف ومني عنده مصلحه يدير هكي
مها .. منعرفش انت فكر
يوسف .. مافيش حد عنده مصلحه يضر اسيل ويضرني الا رواد و روان
مها .. ممكن اي
يوسف تو نجي واسيل خلوها ف الدار
طلع يوسف بسرعه جنونيه لين وصل ف الشقة ل مأجرها ل روان
فتح الباب ملقاهاش زاد شكه ليها
يوسف .. ي كلبة لو مش مدايرة شي راني سيبتك هربتي ف حالك بس توا انتي بديتي تغلطي وحتدفعي ثمن غلطتك نوعدك وحترجعيلي زيك زي الكلبة ي كلبة
وطلع
عند روان معش عرفت وين تمشي اهلها ومسافرييين وهيا قعدت بروحها
اما عند نضال
نضال .. شنو حبيبي تحسي ف ايدك
مسرة .. حمد لله حبيبي كل يوم احسن من يوم
نضال .. حمد لله ياااارب
عند يوسف رجع للحوش
فؤاد .. شن صار
يوسف .. احتمال كبير روان دايرة شي ل اسيل لان اسيل قبل مترقد كانت طبيعية وبعدين تغيرت مشيت للشقة لقيت روان هاربة
كنزة.. حسبي الله فيها اسيل ل كانت تحبني متقبلتش حتى تشوف وجهي
اسيل كانت متوترة ف الدار وكل مرة تشوف ف شي مش طبيعي خدت فونها واتصلت
ترن ترن
اياد ..ايوا اسيل خيرك شن صاير تتصلي ف هالليل
اسيل.. اياد تعالالي بلله عليك تعالالي
اياد .. وين انتي
اسيل .. ف حوشي
اياد. . اسولة خيرك ضربك يوسف شن دارولك
اسيل ..اياد تعالى بالله وسكرت الخط
لبس اياد ونزل جري لعند وصل ل اسيل الساعه 5 الفجر
طق طق
فتح يوسف الباب
اياد .. وينها اسيل
يوسف بغيرة.. اسمع مش كان تقربلك تجيها توا متزوجه البنت .
اياد .. هادي زي مسرة اختي وتوا بعد من قداامي اسييييل ي اسيييل وينك
اسيل سمعت صوت اياد نزلت تجري وشعرها متناثر ع وجهها وتوتة المتناسقة ع جسمها
جت اسيل طول حضنت اياد
يوسف دفها
اسيل اول مشبحاته رجعت الصورة ل تخوف تشوف فيها .. اياد اياد بعده من عليا وراس امك اياد
اياد مش فاهم شي .. دفه هادي زي اختي فكني منك
يوسف بغيظ .. طلع وسكر الباب ونفس الوقادت معش قدر يحكي لان حالة اسيل لاحرج عليها
اياد .. اسولة حبيبتي فهميني شن صاير معاك
اسيل بشهقة بكي .. ااني اني لما نشوفهم نشوف ف حاجات تخوف هلبا نشوف ف وجوه معبية دم نشوف ف مخلوقااات تخوف نشوف ف مرا كبيرة تضحك اني اني معش نبي نقعد هني معش نبي نقعد اهني وقعدت تبكي
اياد... فهم انه الموضوع فيه سحر
فؤاد طلع بيجيب الشيخ ومها ركبت تقرا ف القران ف دار اسيل
مشتلهم كنزة تبكي
كنزة .. اسييل اني كنزة ي اسيل
اسيل .. بعدي من عليا نحي منبيش نشوفك
اياد .. تعالي كنزة معاي
مشت كنزة هيا واياد
اياد .. اسمعيني اسيل الواضح دايريلها سحر والسحر هدا من مشعوذة تفهم كوييييس ف الحاجات هادي فلازم نعرضوها عند شيوخ
كنزة متلبكة .. . اي عادي
اياد.. تمام اني تو بنرفعها لحوش بوها تقعد غادي لين ربي يحلها
كنزة .. شاور يوسف .
اياد .. اكيد بس ممكن طلب
كنزة .. تفضل
اياد .. مرات نحتاجك عادي تعطيني ايميلك او رقمك
كنزة قعدت تفكر
اياد .. ها شن قلتي
كنزة .. اوكي نعطيك ايميلي
عطاته كنزة ايميلها
وجي الشيخ قري ع اسيل بس قاللهم ضروري البنت تطلع من الحوش ومعش تقابل حد لان سحرها قوي هلبا
رفعها اياد لحوش اهلها
وحكولهم القصة
اسيل استريحت ف حوش اهلها ومجابولهاش سيرة راجلها بكل
بس يوسف قعد يدور ف كل مكان ملقاااش روان
روان غطت وجهها وبدت تخدم شحاته ف الطريق ع امل تحصل المبلغ ف 3 ايام
اسيل كانت راقدة فجاءة ناضت
ف شي يرفع فيها وهيا متندريش ع روحها
ربطت خيط ف روشن دارها لان الدار ع الدور الثاني وربطت رقبتها جت حطت الكرسي وبتركب ع الروشن بتنقز من الروشن بتنتح.. يتبع
(شهد عادل بلعيد) ❤🍒
تفاعل +تعليق
شكرا لكل اللي دعموووني وتفااعلو معاااي
#الانتقاداات
كلامكم نعتبر فيه زي الحجر يعني ندير بيه ف درج بش نوصل بيه للقمه وميهمنيش انتقاداتكم
❤🍒
نحبكم كلكم
شكراااا ❤
