تزوجتها ك ثأر
روان بدون نية .. نموت فيك
وفجاءة دار هزة الفون السري لانه جتها مسج وهيا نست مداراتاش صامت
يوسف .. شنو هدا
روان بتوتر وخوف .. شنو
يوسف .. صوت فون يهز
روان .. بالك فوني ولا فونك
يوسف .. لالا فونك اهوا هوا وفوني جنبي
روان .. مسمعت شي اني
يوسف ..ممكن يتهيألي
روان ..ممكن اي
عند نضال
الدكتور .. اليوم سوف نجري العملية للمريضة اما ان تصبح بخير ويتحسن نضرها واما ان تفقد بصرها للابد
نضال .. ارجوك افعل مابوسعك لتصبح المريضة باحسن حال
الدكتور .. حسنا
رواد اتصل ب يوسف
ترن ترن
يوسف .. اه ي نصي
رواد .. وين ي برو
يوسف ..قاعد ف الحوش شن فيه
رواد .. السيارات بيوصلو بعد غدوة ف الليل
يوسف .. امتى ف الليل
رواد .. الساعه 12:30
يوسف .. باه به يصير خير
رواد .. اي يلا نستادنو
يوسف .. ماشي .
مها .. مني هادا ل يكلم فيك
يوسف . رواد قالي بعد غدوة بيوصلو السيارات
مها .. امتى
يوسف .. مع 12:30 ف ليل
كنزة سمعاته طول كلمت اسيل ترن ترن
اسيل .. هلا كنزة
كنزة .. هلا حبي
اسيل .. شن دايرة
كنزة .. ولا شي بس حبيت نقولك زي ماوصيتيني السيارات بيوصلو بعد غدوة ف الليل الساعه 12:30
اسيل ... امممم به كويس
كنزة .. ليش انتي قلتيلي لما يوصلو السيارات قوليلي
اسيل .. تو تعرفي
كنزة .. به توا نستادنك
اسيل بحنية .. كنزة
كنزة .. نعم
اسيل .. يوسف كيف حاله
كنزة ضحكت .. هههه شكلك حنيتي عليه
اسيل .. لالا صبغت بس
كنزة .. ههههه مبردك حاله كويس
اسيل .. به مليح توا طيري نتلاقو
كنزة .. به باي
اسيل كلمت اياد
ترن ترن
اياد .. اه سولة
اسيل .. مش وقت بصارة بنقولك
اياد .. شنو
اسيل .. بعد غدوة بيوصلو السيارات
اياد .. اها تمام زي متفاهمنا كل شي حيمشي تمام زي ممخططين بس لازم تعرفي الساعه كم السيارات بيوصلو
اسيل.. لالا عرفت امتى بيوصلو الساعه 12:30 ف ليل
اياد .. به كويس
اسيل .. اي توا باي
اياد.. تمام
محمد .. اسسيييل ي اسييييل
اسيل .. نعم
محمد .. تعالي احكيلنا شن صاير معاك كنا لاهيين ف نضال ومسرة
سمر .. اي احكيلنا
اسيل .. حكتلهم كل شي
محمد .. كويس وان شاء الله ربي يعاونكم والله عجبني اياد ب تصرفه
اسيل .. اي
عند نضال كلمهم وقاللهم ع العملية وكلهم قعدو ع اعصابهم بعد مرور 8 ساعات طلع الدكتور نضال .. دكتور هل نجحت العملية
الدكتور .. لانستطيع تقييم العملية حتى تستيقظ المريضة وبعد عدة ايام سوف نزيل المنديل الطبي من على عينيها حتى نستطيع ان نعرف هل رجع نضرها ام لا
نضال .. حسنا سوف ننتظر ولكن كم تحتاج هده المدة
الدكتور.. 7 ايام
نضال .. شكرا
عند روان
روان .. به شن صار .
رواد .. خلاص بعد غدوة ناخدو الفلوس ونهرب نا وياك بس انتي توا دورك بيبدا
روان .. كيف
رواد .. خيرك غبية انتي لو كان معندكش دور ف الموضوع ره متزوجتيشي لانك مش مضطرة روان .. اي صح بس شن هوا دوري
رواد .. اول مناخد منه الفلوس حيروح وحيقعد يدور مني خداهم وحيشك فيك وفيا لان مفيش حد عارف ب الموضوع غيري وغير عيلته بس واسيل يسحابها متعرفش ب الموضوع يعني مش حيشك ف امه واخته وبوه واسيل وحيشك فيا وفيك
روان .. وشن بندير .
رواد .. اول ميروح بدبري كيف تعطيه مية عصير قهوة اي شي المهم حاجة من السوائل وبتحطيله فيه دوا قوي بس مافيشي نكهة الدواء هدا يخليه ينسى كل شي ويفقد الداكرة لأيام بس لين انضمو امورنا لان لو قعد ع داكرته حتى لو هربنا حيلقانا وبعدها لما بترجعله الداكرة حني نكونو سافرنا البرا
روان .. به تمام
رواد .. اوكي نحبك
روان ..حت....وقاطعها يوسف خش للدار .. تمام هي سلام نتلاقو ف امان الله
يوسف .. منو حبيبتي
روان .. صاحبتي
يوسف .. عندك صاحبات
روان بتوتر .. اي اي تعرفنا ع فيس
يوسف ب شك .. اها به كويس وفات اليوم التاني عادي وجي اليوم ل بيستلم فيه السيارات
اياد .. ها اسولة واتية لخطتنا
اسيل .. اي
اياد به نتلاقو ف الليل تو نجيك مع الساعه 10:30
اسيل .. به
وفات الوقت وجت 10:30 وجي اياد رفع اسيل لحوش يوسف
يوسف كيف وتى روحه بيطلع
روان .. دير بالك ع روحك
يوسف .. ان شاء الله خير
طق طق
مها .. كنزة افتحي الباب
كنزة .. به
وفتحت الباب لاقتها اسيل
كنزة بعياط فرح .. اسيييييل حبيبتي
اياد .. احم
كنزة .. حي اسفة ولبست الوشاح ل كان ع كتفها
اسيل .. يوسف قاعد
كنزة .. اي كيف بيطلع
اسيل .. به لحقت عليه
كنزة .. شن فيه فهميني
اسيل .. توا كلكم ب تفهمو
يوسف .. مني ي كنزة
كنزة .. هادي اسيل ومعاها خوها ولا قريبها
يوسف .. شني تبي انتي شن جيبك
اسيل .. عارفينك تعرف تتكلم وتو تعرف ع شنو جاية
اياد كان يشوفلهم ويشوف لكنزة دايب فيها وكنزة متحشمه بتموت
اسيل تره شوي بنخش
يوسف بقلة حيلة خشي هي وخش يوسف وخشت اسيل واياد همس ل كنزة
اياد .. محلاك ي حليب حكاك
كنزة .. 😒😒
مها .. هلا اسيل
اسيل .. اهلين
روان .. شن تبي جاية انتي
اسيل .. جاية بش نكشف حقيقتك ي فالحه
روان بخوف.. حقيقة شنو
اسيل .. كنزة نادي ل بوك
كنزة .. به
مشت نادت بوها وجي
اسيل مدامكم كلكم اهني بنوريكم وبنسمعكم حاجة
يوسف .. تطلعي المرة هادي تكدبي حتموتي باذن الله
اسيل .. ههههه
اياد ساكت
خدت اسيل فونها ووصلاته ف التلفزيون انفتح اول فيديو ل هوا مسجل صوت
لما خشت للمطبخ وسمعت روان تتكام وتضحك ب الفون سجلتها تتكلم ب الفون
وتقول
روان .. به حبيبي ناخدو الفلوس ونهربو به.. امتى بيوصلو السيارات.. اي خلاص يوصلو السيارات وقاطعه ف طريق وخودهم منه هههههههه اي حبي هههه خلاص اي
يوسف. .. كانت علامات الصدمه ع وجهه
روان .. معش قدرت تتكلم خلاص لسانها انعقد
فتحت الفيديو متع رواد لما يبوس ف روان
اسيل .. وهدا ف البحر
يوسف .. مقدرش يتسوعب فكرة مرته ووصاحبه يخونو فيه
اسيل .. ها روان تكلمي
روان .. انتي مفبركتيه وناضت بتهجم عليها بس شدها يوسف
يوسف .. ورب العزة ي خاينه لما نشرب من دمك
فؤاد .. حسبي الله فيك وفيه ي خاينه هدا جزاة ولدي هكي
مها .. لاحول ولا قوة الا بالله
كنزة .. فهمينا ي اسيل
اسيل .. تو تفهمكم هيا .
يوسف .. هي تكلمي كيف درتي هكي وبالتفصيل
روان .. مفبرك كل شي والله مفبرك
يوسف .. سكررري فمممممممك وادوي كل شي
روان .. مانعرف شي اني
يوسف مشي جاب سلاحه من الدار ووجها عليها
روان بخوف .. حنحكي حنحكي
يوسف .. احكي
وبدت روان تحكي ف كل شي من الاول للاخير وكيف مسحت الادلة وكيف خططو هيا ورواد
يوسف .. انتي خاينه وجزاة الخيانه القتل
روان .. لا لا بالله لا
يوسف .. حنكون خير منك بس حيكون عقابك الجوع ي خاينه
وخداها وحطها ف دار بروحها وسكر عليها الباب
يوسف .. اسمعوني مافيش حد يفتحلها الباب ولا يدخللها ماكله ولا حتى شي وطلاق مش مطلقها الكلبة لين اندمها
اياد. . هيا اسولة نوضي
اسيل .. يلا هي سلامات
يوسف .. اسيييل
اسيل تلفتت .. شني
يوسف .. اقعدي هدا حوشك
اسيل .. ورقتي نبيها توصلني اني مش كلبة ننذل
يوسف .. خليك اسيل
اياد .. اسيل عمرها ماحاتنذل ومستحيل نسمح ب الشي هدا
يوسف .. من تكون انت
اسيل .. خوي
اياد .. هيا اسيل
اسيل كيف جت بتركب ف السيارة
يوسف ناداها .. اسيييل
اسيل .. نعم
يوسف .. سامحيني
اسيل ركبت ف ااسيارة والندم كان محاوط يوسف كيف ضلمها ومن جهة تانية كيف خاناته مرته وصاحبه
يوسف مشي استلم سياراته بس من طريق تانية
اما رواد استنى يوسف ف الطريق بس حس بأنه ف حاجة غلط
اتصل رواد ب روان بس فونها يرن ومتردش اتصل ب يوسف
ترن ترن
يوسف.. اه ي شريك
رواد .. ها ي نصي شنو صار ف السيارات
يوسف .. استلمتهم
رواد .. كيف هك
يوسف ..شن كيف
رواد حس ب الاحباط.. لا شي
يوسف.. وين انت
رواد.. ف شقتي
يوسف ..اني جايك
رواد .. تم
عند اسيل
(شهد عادل بلعيد ) 🍒❤خنحكيلكم كيف صار وكيف لقو الدليل
تدكرو يوم اللي اياد قاللها هاتي فونك طبعا اياد رفعه لمحل استرجاع المحذوفاات
اياد .. السلام عليكم
الموظف .. وعليكم السلام كيف نقدر نخدمك
اياد .. عندي فيديوهات امتسحو مني نبي نسترجعهم
الموضف .. ولايهمك عطيني الفون
ف حوالي ربع ساعه استرجع الفيديوهات
الموضف.. تفضل خوي
اياد .. بارك الله فيك
ومشي ل اسيل
اياد ..تفضلي فونك اونا رفعته للمحل واسترجعتلك الفيديوهات
اسيل .. معروفك مش حننساه طول عمري
اياد .. خلاص وين نعرفو موعد الاستلام متع السيارات نرفعك تكشفي الحقيقة
اسيل .. تمام ي قدر
(شهد بلعيد ) نرجعو ل روايتنا
روحت اسيل خشت للحوش بكسرة خاطر
كان خاطرها تكمل قرايتها كانت مفتقدة يوسف صح كان مش معبرها بس اعجبت بيه
ولاكن اختارت تكمل حياتها بدونه
اما نضال ومسرة كانو يستنو امتى يفوت الاسبوع بش يشوفو العملية نجحت ام لا
نرجعو عند رواد ويوسف
نزل يوسف لشقة رواد
طق طق
رواد .. اهلين ي قدر
يوسف ..شنجو
رواد .. ماشي شن صار ف السيارات
يوسف بحركه سريعه لف ايد رواد ودخل رجله بطريقة خفيفة وطيحه ع الارض وطلع سلاحه ووجهه ع رواد
رواد ..خيرك شن فيه
يوسف .. هههههه شن فيه صار
رواد .. تي خيرك ي راجل وجي بينوض
يوسف .. ارج..... يتبع
(شهد بلعيد ) ❤🍒
تفاعل + تعليق
