تزوجتها ك ثأر 13
(شهد بلعيد ) ❤🍒
سمر .. تمام هي تصبحي ع خير
اسيل .. تلاقي الخير
يوسف .. استاحشتك
اسيل .. مللح اصلا اني منبيكش
يوسف .. والسبب
اسيل بعصبية .. نسيت يعني نسيت الضرب نسيت الاهانات نسيت كيف تعامل فيا هدا كله نسيته شن ذنبي اني معشتش زيني زي اي بنت معشتش طفولتي وبدت تبكي والعبرة خانقتها ااه قولي شن ذنبي اني كان طموحي نقرا نتخرج نفرح ماما وبابا كنت نبي نمشي صاحباتي ويجوني ليش هكي فهمني ليش وانهارت بالبكي
يوسف وجعاته حالها .. خلاص اسولة اني معاك وربي مش حنخليك
اسيل .. خليني ف حالي يوسف خليني
يوسف .. اسف
اسيل ..؟؟؟
وقعدو ف الطرق وكل حد ساكت
عند رواد
يتكلم بينه وبين نفسه
رواد .. والله ي يوسف مش حنخليك ف حالك تسحابه هادي اخرتها لا ره مستحيل نخليك تربح ومستحيل نخلي الناس يتشمتو فيا اكتر ويهينوني لان معنديش فلوس زيك
عند روان
روان قعدت ادور ف الحوش كله تبي تطلع بس الحوش كان مسكر ورواشنه حديد فجاءة لمحت فون ارضي قاعد
فتحاته واول متصلت كلمت رواد
ترن ترن
رواد .. مني
روان .. اني روان ي حبي تعالى ساعدني بالله
رواد .. اطلعي من دماغي
روان .. كيف هكي وين مشي حبك ليا
رواد .. ع اما حب تحكي انتي اني مافيش يوم حبيتك هادي كانت كدبة وكبيرة وبالك مفكرة انه حناخدك تي انتي خنتي راجلك معناها لما تاخديني تخونيني حتى اني
روان .. لالا رواد انت عارف نحبك
رواد .. منحبكش واصلا مافيكش شي ينحب ولا حتى حاجة انتي مجرد بنت حتى جمال مش جميلة نهائي ونا ك شاب نحب البنت الحلوة
روان وجعتها روحها .. حسبي الله ونعم الوكيل فيك وسكرت الخط
روان بينها وبين نفسها
روان .. ليش شن درت اني يوسف كان يحبني ماعمره قالي انتي مش حلوة ديما يقولي انتي سندريلا يقولي انتي ملكة يقولي انتي اميرتي شن درت ف روحي اني ي ربي كله منك ي رواد عشمتني فيك واستغليت حبي ليك وقعدت تبكي
عند يوسف
يوسف .. هي انزلي
اسيل نزلت بدون ولا كلمة وخشت طول للدار لان الدنيا ليل وكلهم راقدين
خشت اسيل ل دارها وخش وراها يوسف
اسيل .. يوسف لو سمحت ارقد ف الدار التانية
يوسف .. خليني جنبك
اسيل .. يوسف بليز
يوسف .. مش حنديرلك شي نرقد وخلاص
اسيل ب استسلام .. اوك
وخشو رقدو وكل حد كان يمثل ع التاني انه رقد اسيل كانت تبكي ع حالتها ويوسف كان متأمل ف جمال شعرها لان عاطياته ب ضهرها
جي الصبح وع طاولة الفطور نزلت اسيل
مها وفؤاد وكنزة .. اسييييل 😱😱
اسيل بضحكة .. هههه خيركم
كنزة .. كيف جيتي
اسيل .. جيت ب السيارة وخشيت من الباب
كنزة .. بلا جو قصدي امتى
اسيل .. البارح
مها .. حتقعدي معانا ديما
اسيل .. اي
فؤاد .. الحمد لله ربي يدوم علينا اللمه الحلوة
كلهم .. ان شاء الله
وهما يفطرو
يوسف يناشب ف اسيل برجله من تحت الطاولة
اسيل بعتتله مسج
اسيل .. بلا جو مفرخ زيد غادي
يوسف .. مرتي وحر فيها
اسيل .. 😠😠
يوسف .. دخيلو المتعصب
ناضت اسيل من الطاولة
اسيل .. هي سفرة دائمة يوسف تعالي الحقني
ركبت اسيل ولحقها يوسف جي حضنها من الخلف
يوسف .. ي عيون يوسف
اسيل .. نحي من اعليا وفكني من برادتك الباردة خيرلك
يوسف .. حاظر
اسيل .. نبي نمشي للصالات بنشري حاجات ناقصيني
يوسف.. اوكي وتي روحك
اسيل .. به
يوسف .. نستنى فيك لوطه وطلع ووصل للباب ورجعلها وطبع عليها بوسه من شفايفها طويييييلة وطلع
اسيل .. هههه مجنون خزي سخيف وتافه وحلو بس والله لما نشعفه ونخليه يموت ف الارض ل نمشي عليها
ولبست عباية كحلة ووشاح اكحل ودارت روج وماسكرا واحمر خدود ولبست سبيدرو اسود وطلعت
كنزة .. وين ماشيا وخيرك اللطف لابسة كلك اسود
اسيل .. اول شي هي بري البسي بش تمشي معاي وتاني شي نحب اللون الاسود
كنزة .. منقدرش نمشي
اسيل .. ليش
كنزة .. هكي عندي مندير
اسيل. . مللحي
كنزة .. ديما كلامك مستفز
اسيل .. نحبك
كنزة .. حليلي ونا نموت فيك
اسيل .. يلا باي
وركبت ف السيارة
يوسف شافلها ومسح ب صبعه شفايف اسيل
يوسف .. هدا شنو
اسيل .. دخلكش
يوسف .. هاك كلينكس امسحيه فيسع
اسيل .. لا
يوسف .. قلتلك امسحيه ولا انزلي مافيش مشي
اسيل مسحاته ب استسلام
ومشي يوسف ب سيارة بس كان فيه شخص وراهم ويتبع فيهم
يوسف .. وصلنا تبي الصالة هادي
اسيل .. اي
يوسف انزلي واني لاحقك خنحط السيارة غادي
اسيل نزلت وف رمشت عين حاوطها شخص وحطها ف السيارة يوسف شافها من المراية ارتبك وع طول لف وقعد يلحق ف السيارة
يوسف يعيط .. تي مني هدا ولد ال......... ال....... فرخ ال..........
ويوسف يجري ورا السيارة بس خلاص معش قدر يلحقها وراحت السيارة منه لاكن قدر ياخد رقم لوحة السيارة وطول اتصل ب الشباب ل يخدمو معاه
ترن ترن
معتصم .. اه ي معلم
يوسف .. معتصم انت وعلي و محمد جيبولي صاحب رقم لوحة السيارة ************** فيسع
معتصم .. تمام بس شن فيه
يوسف .. خاطف مرتي غر فيسع
معتصم .. تمام مية مية
يوسف .. يلا ماشي
اسيل تعيط من تالي ولما شافاته لقاته رواد
اسيل لما حست انه مفيش مهرب طلعت فونها من صدرها ودارتله قفل وحطاته ف السبيدرو
اسيل .. خليني نمشي ي حقييييير
رواد .. سكري فمك وضربها ب المسدس من الخلف فقدت الوعي
عند نضال
مسرة .. حبيبي نبي نكلم امي
نضال .. يعمري منبيش نكلموهم لين نشوفو نتيجة العملية واهي اليوم بنعرفوها نوضي البسي
مسرة .. ساعدني
نضال .. هي
نضال لبسها وطلعو
الدكتور .. انسة مسرة هل انتي على مايرام اليوم
مسرة .. نعم انني بخير
الدكتور .. استلقي على ضهرك لنزيل الغطاء من عينيك
مسرة اتكت ع الكرسي وخايفة تطلع العملية مش ناجحه
ونحى الدكتور من عيونها الرباط ودارلها شعاع ف عيونها
مسرة فتحت عيونه ب الشوي
الدكتور .. هل انتي تري هذا الشعاع
مسرة تفتح ف عيونها بس الدنيا مشوشة وتشبح فيهم بس رؤية ضعيفة ومش واضحات
مسرة. . نعم ارى ولكن الرؤية ليست واضحه
الدكتور .. حمد لله ع سلامتك العملية ناجحة
نضال بفرحه .. حبي ي حبي نجحت العملية نجحت
مسرة .. الحمد لله ي ربي الحمد لله لاكن منشوفش كويس
نضال .. دكتور لماذا رؤيتها ليست واضحه
الدكتور .. تدريجيا وترجع رؤيتها كالسابق
نضال .. حسناا اشكرك
(شهد بلعيد )🍒❤
عند اسيل
تفتح ف عيونها بس المكان فاااضي مافيه حد ورواد مقعمز قدامها وهيا مربوطه ومش قادرة تفك روحها
اسيل .. شن تبي مني انت
رواد .. انتي ل فضحتيني وانتي ل بتتحملي عواقبك ي حلوة ونبيك ادلعيلي الجو بس مش الليلة لاني مش فاضي خليها ليلة تانية
اسيل ... تي مريض انت ي مرييييض والله واللي اسمه الله ع جثتي انك تلمسني
رواد .. تو نشوفو ي حلو وجي باسها من شفايفها
اسيل .. تفو عليك
رواد .. مسح وجهه تو نوريك ع مني تدفلي ي كلبه
اسيل .. طززز
رواد طلع وخلاها
اسيل قعدت تشوف ف الدنيا رواشن مسكرات ب اللوح باب مسكر عليها قعدت تفكر كيف بتطلع
يوسف .. ايوا ي معتصم شن صار
معتصم .. السيارة اخر مرة اتجهت ل منطقة ******* بس لاكن معش عرفنا وين امشت وصاحب السيارة رواد صاحبك
يوسف .. ال.***** ولد ال**** والله لما نقتله
(شهد بلعيد ) 🍒❤
عند ام مسرة اتصلت بيها مسرة
ترن ترن
ام مسرة .. رقم دولي يااارب تكون مسرة .. ايوا
مسرة .. الو ماما كيف حالك استاحشتك
ام مسرة .. واخيييرا وين الغييبة وكيف حالك وشن اخبارك وشن صار فيك
مسرة .. نجحت ي ماما العملية نجحت
ام مسرة .. يلولولولولولوليش الحمد لله ي ربي
ابو مسرة .. شن فيه
ام مسرة .. نجحت عملية مسرة نجحت
ابو مسرة ب فرحه .. الحمد لله ي ربي الحمد لله
وقعدو يهدرزو عليهم ونضال كلم سمر ومحمد وقاللهم وفرحو قريب طاروووو من الفرحه
مها .. وين يوسف واسيل قاعدين مجوش خنتصل ب يوسف
ترن ترن
يوسف .. اه ي امي
مها .. وين انتم
يوسف .. بايتين البرا مدوروناش الايامات هادي
مها .. تمام
اسيل خش عليها رواد
رواد .. هلا ب الحلو
اسيل .. خل..... يتبع
شن تتوقعو ف البارت الجاي يصير
(شهد بلعيد ) 🍒❤
تفاااعلو + تعليق
