تزوجتها ك ثأر 3
محمد .. بنتي انتي موافقة او لا
اسيل .. لا
محمد .. خلاص مش حنجبرك نا حنهدر دمي لان خوك صغير وتم الموضوع
اسيل حست ب الذنب .. خلاص ي بابا نبصر اللي تبيه يصير
محمد .. متاكدة
اسيل بضحكه صفرا .. اي
ف حوش فؤاد
يوسف .. شن صار ي بوي ف الثار
فؤاد .. قررنا بناخدو بنت من عندهم كزواج ثار
يوسف ..وبعدين من بياخدها
فؤاد .. انت ل حتتزوجها
يوسف بعياط.. شن تقول انت كيف هكي اني منتزوجهاش والا ناسي انت انه اني خاطب
فؤاد .. مش ناسي بس انت وحيدي ومافيش غيرك
يوسف .. لا معناها لا منتزوجهاش
فؤاد .. مش ب كيفك هوا توا تكلمت قدام الناس وتم الموضوع خلاص
يوسف .. مانبيش يعني منبيش
فؤاد .. انهي الموضوع
يوسف محبش يكسر كلمة بوه .. تمام ماشي لاكن متلومونيش شن ندير فيها وطلع
مها .. الله غالب شن ذنبها
فؤاد .. مافيش حل يش يوقف الدم غير هكي
ترن ترن
محمد .. ايوا
فؤاد .. اهلين
محمد .. بيك
فؤاد .. بنقولك غدوة جيبلي البنت نقرو الفاتحه وخلاص وتكون عندنا
محمد .. ان شاء الله خير
وسكر الخط
محمد .. اسيل سمر
جو اسيل وسمر .. نعم
محمد .. غدوة فاتحتك ي اسولة
اسيل .. بحزن .. تمام
محمد .. يلا خشي البسي بش نرفعك انتي ومسرة تاخدو حاجات ليك ترفعيهم معاك
اسيل .. ماخاطريش
محمد .. هيا عاد حبيبتي شن تبيهم يقولو معندهم ميلبسو
اسيل .. به تمام
وركبت وتت روحها
سمر .. بنيتي صغيرة الله غالب
محمد .. مش هاين عليا بس معندناش حل
طق طق
نضال .. السلام عليكم
محمد .. وعليكم السلام
سمر مشت تجري لولدها تبوس فيه وفرحانه بيه بطير
محمد مشي لولده وخبط ع كتفه ب الشوية وقاله .. موضوعك انحل ومدور شي وربي يهديك
نضال .. كيف ي بوي
محمد .. طلبو تناسب بش ميصيرش دم وحنعطوهم اسيل
نضال .. اسولة صغيرة
محمد .. الله غالب
نضال .. كله بسببي وقعد يبكي
محمد .. خلاص انت راجل واختك راضية يلا عاد
نزلت اسيل بعد مكلمت مسرة وحكتلها وقالتلها بنخطم عليك
نضال مشي يجري ل اسيل يحضن فيها .. سامحيني اسولة كله بسببي كله
اسيل .. فداك انت خوي يلي معنديش غيره كله لعيونك وعيون ماما وبابا يهون
نضال .. سامحتيني
اسيل بضحكة وجع .. اكيد
نضال .. ربي يخليك ليا ومايحرمني منك هي تعالي اني نرفعك شن تشري ومصروفك عليا
اسيل .. قصدك مصروف ل يعطيلك فيه بابا
نضال .. ديما بكلامك ل يدره الكبد هي اطلعي
اسيل ...
علق نكمل ..يتبع
تفاعلو واعطونيي رايكمم ❤❤🥀🔥
