تزوجتها ك ثأر 2
سمر .. والله ياكلبة لما نوريك تعبي ف راس بوك عليا تعاليلي جاي
وبدت اسيل تجري وامها وراها
اسيل.. ههههه والله نبصر نبصر
سمر .. الما نشدك غر نفتك من مصيبة خوك هدا
اسيل .. من عنوني
ترن ترن
اسيل .. بابا فونك يرن
محمد ..هاتيه
محمد .. ايوا مني
فؤاد .. اهلين معاك اب الولد يلي ضربه ولدك بالسيارة
محمد .. ااء اهلين اهلين
فؤاد .. بيك والله كلمتك اليوم العشية بنتفاهمو ع الثار بش تجي جايين مشايخ وقبائل بيحلوها
محمد .. بب ببه تمام
وسكر الخط
مها زوجة فؤاد .. شن صار
فؤاد .. اهو كلمته وبش اليوم نحلو قصة الثار
مها .. اييييي بالله ولدي مشي ومات معش فيه شي يعوضه وقعدت تبكي
فؤاد .. استهدي بالله وادعيله
مها .. ان شاء الله ربي يرحمه ويجعله من اهل الجنه
فؤاد .. يارب
جت العشية
اسيل .. بابا هي ترفعني
محمد .. وين
اسيل .. مسرة
محمد .. به هي
اسيل .. اني واتية
محمد .. به اركبي هي
ومشت سما وحطها بوها قدام الباب
طق طق
مسرة .. منووووو
اسيل .. الغولة ل بتاكلك
مسرة .. اهلين تفضلي
اسيل .. اكيد بنتفضل امالا جاياتك بش نوقف ف الباب
مسرة .. نتمنى تقولي كلمه حلوة بس
اسيل .. الحلو يقول الحلو ميجيش هكي
وصل محمد وخش
طق طق
فؤاد .. تفضل
محمد .. يزيد فضلك
وبعد من مناقشات عشان الثار توصلو لحل
محمد.. نعمممم
شيخ القبيلة .. والله ي محمد هدا حل مناسب لتفادي الدم بين العيلتين تتناسبو وتعطوهم بنت منكم
فؤاد .. اني موافق منبوش دم بين العيلتين
محمد بحزن ع بنته .. تمام يصير خير
روح محمد للحوش ومعاه بنته
اسيل .. بابا خيرك شن فيك
سمر .. خيرك محمد وشن صار ف الثار
محمد .. اسمعو بنقوللكم حاجة
اسيل .. وسمر .. ؟؟
محمد .. بش يوقف الدم لازم نتناسبو
اسيل مش فاهمه شي ومنسجمه وتاكل ف سامينسا
وسمر .. كيف يعني
محمد .. مافيش حل الا انه نتناسبو ونعطوهم اسيل
اسيل شهقت .. احووو احووو شنو شنو شنو مفهمتش
سمر .. غبااااارتي غبارتي كيف هكي كيييف
محمد .. مش هاين عليا وربي بس لو رفضت الثار الجاي حيكون خوك ل يهدرو دمه والا اني لان ولادهم مش ناويين خير بكل
اسيل .. لا اكيد مش حنتزوج لان نا مش مفكرة ف الزواج ومنبيش اصلا نبي نعيش حياتي بدون زواج
سمر .. طيح سعدك ي حمارة بوك ولا خوك بيموت
اسيل .. اكيد ف حل غير هكي
محمد .. بنتي انتي موافقة او لا
اسيل .....
علق نكمل
...يتبع
