ستحبينـي رغماً عنكِ

الفصل الرابع والعشرون

-مالت سيلين على صديقاتها وقالت :بنات

-انتبهن لها صديقاتها فأكملت هى :ده ..ده نفس الشخص اللي خبطت فيه !!!!

-ريم :أوبا ولعت

-لكزتها سيلين وقالت :ولعت أي إنتِ كمان، أنا معملتش حاجة واتكلمت معاه باحترام اش عرفك إنتِ

ألقى ريان نظرة سريعة علي الطلاب وتوقف نظرة عند سيلين، وتذكر أنها تلك الفتاة التي اصطدم بها، ابتسم ثم ابعد نظرة عنها، وبدأ في الحديث مع الطلبة

وبعد الإنتـهاء خرجت سيلين بصحبة صديقاتها وذهبوا إلى "سيد" وبدأوا في توديعه
وأثناء حديثهم معه قاطعهم ريان بحضوره فأستأذنته الفتايات للرحيل

بينما قال ريان عاقداً حاجبيه :هو إنت تعرف البنت اللي كانت هنا ولابسة خمار وردي دي !!

-سيد : آه اعرفها دي سيلين، لى !؟

-وضع ريان يديه على عنقه يحكها وقال مبتسماً :لا لا مفيش عادي

•من جانب آخـر،،،
-دلفـت ندى إلى بيت والدها تتصنع البكاء ومن خلفها أسيل تناديها باسمها

-تفاجئ كلاً من أمنية وتامر فقالت أمنية لأسيـل :في أى يا بنتي !؟

-توقفت أسيل وذهبت لهم وقالت :حصل خناقة جامدة بينها وبين سيف، وسيف قال إنه هيطلقها

-ضربت أمنية على صدرها وشهقت قائلة : يا لهوي

-تامر : طب حصل أى بينهم طيب، ولى كل ده !؟

-أسيل :مش راضيين يقولوا حاجة

-أمنية: طب وندى دلوقتي، تعالي نشوفها

-أسيل : لأ، خليها تهدى شوية يا ماما، مش هتفتح لينا

-جلست أمنية على الأريكة وقالت بحسرة : يا حبيبتي يا بنتي

أمـا في غـرفة نـدى ،،،
كانـت ندى جالسـة على الفراش وهى تتحدث في الهاتـف مع سيف

-سيف : يعني كله تمام !

-ندى: عيب عليك، أنا ممثلة محترفة 

-ضحك سيف ثم قال :بس تعرفي وحشتـيني أوي في الوقت اللي مشيتي فيه ده

-توردت وجنتي ندى فضحك سيف ثانية وقال :إنتِ هتعملي فيها مكسوفة، مش وقت كسوف ده

-تنحنحت ندى وقالت بطريقة كوميدية : تمام يا فندم

-سيف : المهم هتفضلي كدا و .....

                             ***

•مـرت أيـام وأيام وجرت الخطـة التي وضعها سيف وندى على ما يرام، وقد وصل ما حدث إلى ياسر
الذي فرح لما حدث وبدأ في إعداد خطته للتـقرب من ندى .