ستحبينـي رغماً عنكِ

الفصـل الرابع عشر

طيب إن شاء الله مواعيد النشر هتكون يومي
الإتنين والخميس
وهنشر فصل النهاردة نيابة عن امبارح
متنسوش رأيكم واعجاب للبـارت

                             ***

-هبّ سيف واقـفًا وقال بهدوء مُخيف :خلاص عرفت جوابك أي من سكوتك ده

-نظرت ندى له في خوف فأكمل كلامه قائلاً :أنا قررت ..إننا هنفضل فترة صغيرة مع بعض وبعديها ..وبعديها ننفصل

-اتسعت عيني ندى ووقعت تلك الكلمات كالصاعقة على أذنيها

-نظر لها سيف نظرة أخيرة ومن ثم خرج من الغرفة بل خرج من البيت وأخذ يسير بدون هدف ويفكر هل كان قراره صحيح أم لا

تنهد قليلاً وظل يحدّث نفسه :يا ربي ..مش عارف لي لحد دلوقتي مش حاسه بحاجة تجاهي اعمل اي أكتر من كدا ..لي طيب دا عدى على جوازنا شهر ونص ..وهو اللي قولته صح ..!
،أفضل شيء إن كل شخص يروح لحاله دا الأفضل ليها و ..وليا ..يا الله

صمت قليلاً ثم قال : ممكن عشان مكونتش بغض بصري لما كنت بشوفها أو ممتنعتش عنها ..ممكن عشان كدا ربنا بيعاقبي بالطريقة دي

تنهد ووضع يده علي رأسه وأخذ يهدئ من نفسه ويقول :يا رب سامحني

أما عند ندى ..فقد تسمرت بعد أن سمعـت تلك الكلمات مـن سـيف ،أخذت أطرافها ترتجف وشعرت بغصة في قلبها ..وضعت يديها على وجهها وبدأت في البكاء وهي تقول :لي ..لي مقولتلهوش إنك بتحبيه لي ..إزاي معرفتش اتكلم إزاي ..دا ..دا بيقول إننا نتفصل اتجنن دا ولا أي

تذكر كلمات أسيل التي قالتها عن طاعة الزوجة لـزوجها

•فـلاش بـاك•

-أسيل بهدوء لنـدى:في حديث عن ابي هريرة رضي الله عنه قال :قال رسول الله صلي الله عليه وسلم :"إذا صلت المرأة خمسها وصامت شهرها وحصنت فرجها وأطاعت زوجها قيل لها :ادخلي الجنة من أي أبواب الجنة شئت "

عشان كدا طاعة الزواج واجبة دا حتي جه في القرآن في سورة النساء ''الرجالُ قوامون علي النساءِ بِمَا فَضًّلَ اللهُ بَعضهُم علي بَعضٍ وبما أنفقُوا من أَمْوالِهِم"
فأهو دل القران علي إن للزوج حقاً مؤكداً علي زوجته وهي مأمورة بطاعته
وطبعا في أحاديث تانية بتؤكد أنه يجب على الزوجة طاعة زوجها

-أفاقت ندي من شرودها وحاولت تجفيف دموعها وهي تقول :إن شاء الله مش هننفصل وهنرجع تاني و ..وهعترفله إني بحبـه

بعد دقائق ..انتظرت ندي سيف لصلاة الفجر ولكنه لم يأتي فقامـت لأداء صلاتها ومن ثم ذهبت إلى النوم ولكنه لم ينم لها جفن حيث ظلت تفكر في سيف وحديثه معها إلي أن نـامت

حضر سيف إلى المنزل بعد أن أدي الصلاة في المسجد ،استعد للنوم علي الأريكة كعادته ،ظل يفكر في قراره إلى أن غلبه النوم