ستحبينـي رغماً عنكِ

الفصل الحادي عشر

-قاطعهم صوت أحدهما يقول: إي ده أسيل هنا ..وكمان نـدى !!

ظهـرت الإبتسامة على وجه أسيل بعكس نـدى التي ظهرت الدهشة عليها من ظهور ذلك الشخص ..

-أسيل بإبتسامـة: أي ده أشرف

-أشرف: هاي أسيل أخباركوا أي ..وبعدين أنا زعلان منك إزاي مبتسأليش عليا ..!؟

-أسيل: معلش بقى، خليها عليا المـرادي

همـس مالك لأسيل قائلاً: مين الأخ ده

-أسيل: ده أبن خالي ،وكان عايش في أمريكا وتقريبا جه النهاردة أو أمبارح

-نظر أشرف إلى نـدى ووضع إحدى يديه على فمه وقال: أوووه نودي هنـا

-تصطنعت ندى الإبتسامة وقالت: أذيك يا أشرف

-مدّ أشرف يديه لمصافحة نـدى ،ولكن مدّ سيف يديه ليصافحه بدلاً من ندى قائلاً: اهلا حضرتك

-عقد أشرف حاجبيه وقال:ومين الأستاذ بقى

-تصنع سيف الإبتسامة وقال :معاك جوز المدام

-تفاجئ أشرف مما قاله ووضع كلتا يديه علي وجهه وقال: أي ده ..إنتِ أمتى اتجوزتي يا ندى

-أجابه سيف: من كام يوم كدا

-نظر اشرف إلى ندى وقال: أي ده يا ندى لا إنتِ وحشة كدا أزاي تتجوزي من غير ما أحضر الفرح وأباركلك

-ندى :معلش

-أشرف: لا لا لا ميصحش كدا

-تأفف سيف وقال: اللهم طولك يا روح

-أسيل: معلش يا أشرف، حقك علينا

-أشرف:لا لا أنا زعلان من ندى أووي وإنت كمان اتجوزتي

-أسيل :اه

-أشرف: لا لا كدا كتير ازاي تعملوا الفرح من غير ما أحضر

-أسيل: جت بسرعة عشان سفر بابا وكدا

-أشرف بحزن: لا والله أنا زعلت بجد وخصوصاً من ندى عشان هي عارفة معزتها عندي أي
ثم وجه الحديث لندى : كدا يا ندى، دا أنا معتبرك أختي والله

-سيف بضيق: ما خلاص يا أخ قالتلك معلش هو أي

-أشرف :وأنتِ مالك أنا بتكلم مع نودي أنت أي دخلك

-سيف بضيق: علي فكرة هي مراتـي ..إنتِ مين عشان تكلمها بالطريقة دي، دا أنت ناقص تحضنها

-أشرف: عادي أحضنها، عندك مانع

-قام سيف من مكانه وأمسك بقميص أشرف وقال: لا أنت بتهزر بقى، تحضن مين يابا

تفاجئ الجميع بما فعله سيف ،همّ مالك واقفاً لتهدئة سيف قائلاً: اهدي يا سيف، ابعد عنه