هدية الشيخ رضا
بقلم اوتار حزينة
البارت الرابع
_______________&_____________
ليله
كعدت من حسيت بحظن لمني بقوه
عيوني اجت بعيون تعاين عليه بحنيه غمضت
بسرعه وخليت وجهي يم صدره
خجلانه منه ومن الصار بليل
حبني من راسي وكال
« مااعرف اوصف الصار بس اكلج هاي احلى
ليله بعمري جانت
مارديت ردت اسحب روحي منه ماخلاني
حبني من خدي ومن عيوني
تنهدت بين ايده وخر صافن عليه والعيون
تحجي وفاضحه حبه اليه كلت
بخجل
«خلي اكوم هسه يجون اهلي
ابتسم ورد عليه
« بعد وكت ماراح يجون هسه
سكتت قربني علي بعد اكثر صافن عليه
والوجهه يضحك تجنبت اعاين اله وظليت منزله
راسي
همس يم اذني
« من شفتج اول مره انتظرت هاللحظه
انتظرت اشوفج بين ايدي ونايمه يمي اشم
ريحتج واملي عيوني بهل الخلقه
الحلوه
گض ايدي حبها وهو مغمض
فتح صفنت بعيونه همس
« احبج ليله وياريت من اول العمر شفتج
وصرتي انتي الاولى والاخيره
لمني لحظنه اسمع دكات گلبه ادك بسرعه
خليت ايدي عليها احس بمشاعر اول مره اعرفها
شي بداخلي جان يكلي ليله
انتي ماراح تلكين واحد
يحبج مثل رضا
غفينا سوه كعدت قبله نايمه
بحظنه سحبت روحي منه وكمت رحت للحمام سبحت وطلعت بعده نايم ولام ايده لصدره
عدلت كم شغله اعاين للساعه صارت
بالتسعه كعد يفرك بوجهه
عاين اليه وابتسم
كال
«تعالي يمي
رحت اله كعدت گض ايدي وكمل
« اريد اوصيج بكم شغله واريدج تسمعيها
زين
هزيت راسي باي
«حليمه ماعليج بيها اي شي تحجي
وياج خلي امي تردها او حبوبتي مااريدج
تتعاركين وياها ويطلع حسكم لبره
خفت من كلامه اجت بالي شلون جانت كاعده
من طبيت للمضيف وتخزر بيه حس
بيه لزم خدي وكمل
«مااريدج تخافين من اي احد انتي صرتي
حرمتي والي يمسج بقطره مي احركه هو واليكف
ويا
مااعرف ليش ابتسمت صفن عليه حسيت
على روحي نزلت راسي ولهيت روحي
اعدل بالفرشه اليمي
«ليله
اسمي عدالك اول مره اعرفه گلبي ليش هيج
يصير بي من اسمعه يگله اليه رفعت
عيوني اله كال
« اريد اشوف هالابتسامه دوم مااريد حياتي
وياج نگضيها بمشاكل ولا قال ولا قلت
اريد يمج ارتاح من اطب عليج
تتلكيني بضحكه وسالفه حلوه
مثلج
أنت تقرأ
هديه الشيخ رضا
Romanceكان القلب فارغ وحاضري اراه يشبه ماضي،، الحب لم اعرفه ولم اعشه اتاني فجأه كهديه من السماء وعرفت ان العمر هو مجرد رقم لايتحكم بالقلب ولا بالروح عندما تعشق روحا تشبه روحك في كل شي هديه عمر اصبحت لي وماضي وحاضري الذي اخترت ان اعيشه بكل تفاصيله الجميل...
