عايز تتجوز يبقى تعرف انت عايز مراتك يبقى شكلها ايه من الاول
- متروحش تتقدم لواحده تخينه وتتخطبوا وتقولها معلش لازم تخسي علشان نتجوز .
- متروحش لواحده بتحط ميكب وتقولها لا متحطيش ميكب اصل انا بغير .
- متروحش لواحده بتلبس بناطيل وتقولها لا معلش انا بحب مراتي ملتزمه البسي چيبه وعبايه .
- متروحش لواحده بتخرج وبتتفسح وبتنزل براحتها وتقولها لا انا بحب خطيبتي تقعد ف البيت .
- متروحش لواحده مثقفه وفاهمه الدنيا ودماغها كبيره وبتشتغل وتقولها لا انا عاوز مراتي ست بيت اقعدي من الشغل .
-متروحش لواحده رفيعه وتقولها اتخني انا بحب البنت التخينه .
-متروحش لواحده قصيره وتقولها اطولي .
-متروحش لواحده طويله وتقولها متلبسيش كعب علشان ببقى اقصر منك .
كفايه مرازيه في خلق الله عايز حاجه روحلها بلاش تتعب حد معاك وتدخل البيت وتطلع منه لأسباب تافهه وروح بص لشكلك في المرايه ولو بتحبها يبقى حبها زي ماهيا كدا بعيبها بشكلها بحجمها باسلوبها بطبعها بدماغها
متقولش لا اللي بيحب بيتغير علشان حبيبه لا في ناس مش بتتغير هي مش صلصال هتشكله زي ما انت عايز
و طبعا العكس صحيح ، وعلى نواياكم ترزقون
