قصة : قلبي ببلد غريب ☄

البارت 4

قلبي ببلد غريب
بقلم:الهاوية الصغيرة و أمنية l3ômrë
الجزء:4

في المساء.
دخل كل من  سليمان وسعيد ومصطفى كل واحد توجه لبيتو يدوش ويستاراح عاد ينزلو يتعشاو

عند سليمان مشا للجناح ديالو  تيعكز بعكازو ضهرو تقوس بشوية وشعرو شاب حل للباب ولا  مراتو جالسة على السجادة والقرآن الكريم فيديها تتقرا فيه وهي متخشعة تا حنحن وقال :السلام عليكم
تورية سدات القرآن الكريم وباستو عاد ناضت لعند زمانها وتاج راسها
حيدات عليه الفوقي ديال الكوستيم وقالت
:على سلامتك الحاج كي داز نهارك
الحاج مصطفى:نهاري داز كي الويل أنا عيت من الخدمة ودكشي انشد تقاعدي حسن ليا معندي من دير بشي خدمة مزال ولادي ولدتهم وكبرتهم وحفايدي كبرو وكتافهم كبر من كتافي مشاء الله عليهم انخلي ليهم الشركات لي عجبوهم يديروه أنا راه مبقا كد ما فات بغيت نبقا غي حدا مراتي نصبح على نكيرها وتمسي على نكيري تا يدي مول الأمانة أمانتو. 
تورية باست على كتفو :متقولشي هكاك الحاج الله يطول ليك فالعمر والله يجعل موتي قبل من موتك أنا متنتخيلش أنه شي نهار  نقدر نلبس عليك لبيض
الحاج باس راسها:ايخيلي ليا الشويرفة ديالي لي ولات تتعرف تهضر سخني ليا الدوش راه عضامي تيهروني
الحاجة :وخاا انوض دبا
هادو هوما الساس ديال العائلة هاد سليمان هو لي دار هاد الامبراطورية كاملة هو لي قضا عمرو كامل تيخدم تا دار شركة اللولة خدم عليهاا مزيان تا دار فروع  كل بلد فيه فرع من فروعهم وكبر سعيد وعاون باه تا وسعو امبراطوريتهم وهكذا  . بالرغم من هاذ الثراء الا أنه تزوج زواج تقليدي او بما يسمى زواج مدبر االا أنه لقا شريكة حياااتو المثالية المراة المغربية الحرة لي تقطع منها وتعطيه  كانت ليه نعم السند وكان ليهاا نعم الزوج .

عند سعيد
دخل للجناح ديالو  سمع صوت الماء فالدوش وتوقع أن فاطمة تتدوش
نسل الكوستيم ديالو وبقا غي بشورط
تا تحل باب الدوش خرجات فاطمة وقالت:على سلامتك احبيبي
سعيد تبسم ليها وتمشا لناحيتها
:بان ليا احبيبة غي زربتي بداك الدوش 😉 الدوش  والحبس راه متيدخل ليه غي لي داير علااش 😉
فاطمة قربات ليه وباستو جنب فمو :علاش لا الا بغيتي نعوادو دوش نعاودوه
سعيد ضحكاتو قرب منها وباسها ففمها بوسة حنينة وقال:ايخليلي السويدية دياالي
فاطمة  دورات يديها على عنقو وقالت: ويخليك لياا يا المغربي( 😂من نيتهم هادو😂 )
معلينااا هاذو التنائي لي مكيشيبش مزال شباب مشاء الله عليهم ولدو وولادهم ولاو رجالة وهماا باقيين شباب سعيد الوزاني الابن البكر لعائلة الوزاني عمرو 58 عام وهادي مراتو أليا لي ولات سميتهاا فاطمة بعد دخولها للاسلام هي سويدية كانو خدامين اونسونبل فواحد البروجي تما فين تولد حبهم تزوجو ويوم بعد يوم تيكبر أدهم هو ابنهم البكر من بعد ولدو أوس و مونياا واخر العنقود عبير هادو تمرة حبهم.

عند  مصطفى ورانياا فالجناح ديالهم
كانت رانياا لابسة شوميز دونوي فالكحل وهازا مجلة و رجل جامعاها ووحدة مسرحاها  تم  مصطفى داخل للجناح شاف ناحيتهاا وحنحن
رانيا هزات فيه عينيها فاللخر هبطاتهم بلا كلمة بلا جوج
مصطفى تاهو غي شافها طمرات تا هو محشاهاش ليهاا  وقصد للحمام وهو يرجع لعندها وقال: رانياا(  هزات فيه عينيها) نوضي جيبي ليا حوايجي لي انلبس راه اندوش
رانيل شافت فيه فاللخر هبطات عينيها
مصطفى:وراه معاك داوية مالك معفرة علينا ياك لبس
رانيا:مانيش خدامة عندك بغيتي شي حاجة جبدها لك** بلا متبقاا تصدعني اوف.
مصطفى شاف فيهاا مطول فاللخر دخل للدوش.
هادي هو الكوبل تاني مصطفى الوزاني عمرو 55 عام الابن التاني لسليمان وتورية وهادي رانيا بنت خالو كان تيحماق عليهاا ومخلا مدار على قبلها ولكن لي قلبو حجر راه حجر شعلة حبو يوم عن يوم كتطفا أما هي فالأصل مكانتش تنبغيه ولا تتفكر فيه هي عينيها على سعيد ولكن ممكتابش ليها ودارت مصطفى قنطرة باش تبقاا حداه هادشي كامل بطبيعة الحال متيعرفوش مصطفى حنت كون عرف كون طلقها بغض النظر على برودها اتجاهو الا أنه باقي عندو بصيص أمل أن مراتو اتبادلو نفس حبو واهتمامو ثمرة حبو ليهاا هو صفوان و نسرين و صابرين.

نزلو للطابق السفلي لي تتسمع فيه صوت طالون كانت هاديك نسرين يالاه رجعات من الجلسة باين عليها عيانة تتمشى بشوية عليهاا تا سمعات صوت سيارتو  بدات تتعض فضرانها معرفات واش تجلس ولا تطلع لبيتها وفاللخر تنهدات وجلسات تتسناه.
ادهم كان يالاه راجع من  شركة غادي بخطاوتو المتوازنة والرزينة كان غادي ناحية الدروج باش يطلع للجناح ديالو وهي توقفو بصوتها الرنين: أدهم
أدهم دار لعندها ببرود ودار فيهاا ديك النظرة ديال هضري شنوو عندك حنت بطبع أدهم أنه ماشي ثرثار ومعزيزش عليه قوة الهضرة بلا فايدة.
نسرين:ممكن نهضرو شوية
أدهم ببرود وضاغط على الحروف: فففااشش
نسرين تيهبلهاا بهاد البرود وقالت أنا أنخلي هاظ البرود كامل يتلاشى غي شور علياا: صراحة عندي ليك شي خبار مهم خدمة
احم احم المجلة لي خدامة مهاها بغات تدير معاك انتغفيو(  لقاء ) ومكرهتش تواافق حنت اتشهر المجلة الا أدهم الوزاني دارت معاه لقااء
أدهم:هادشي علاياش باغا تهضري
نسرين:وي
كمل طريقو للفوق مرد عليهاا بتاشي كلمة خلاها كتغلي وبغات قرع شعر راسها بالفقصة والقمعة لي خلا ليها( عبر على أصلك دكشي لي يليق ليك ) طلعات للفوق كتقرقب دخلات لغرفتها وسدات عليها
عند عبير
رجعات قبيلة من المدرسة لبسات بيجامة قصيرة عبارة على  شورط قصير مع تيشورط طويل شوية وعريض لبسات بانطوفاتها و نزلات للتحت  بقات مجمعة مع الخدامات لي تتعتابرهم صحاباتهاا ماشي خدامات شوية وهي تسمع صوتو تينادي عليهاا
صفوان:عبير عبير
عبير :نااري قفارت
صفوان تم مدردم للكوزينة شافها واقفة مورا الريدو مشا ليها نيشان
جرها من يديهاا  تا خرجو من الكوزينة
عبير شمات فيه ريحة الحلبة هزات يديياتها سدات بيهم نيفهاا  وقالت : اوف شهاد الريحة لي فيك
صفواان حمر فيهااا: اش داكشي درتي ليا فالشومبوان أ تي جاوبي
عبير تدور فعينيهاا   ببراءة علاه اش درت لك
صفواان :ومزاال داافعة الجبهة جرها مطلعها لغرفتو و داها الحمام
عبير:هيه طلق مني فين غادي بياا اش غندير ليك طلق مني راه انعيط لأدهم
طلق منها وعطاها  قرعة شومبوان
صفوان معصب وضاغط على الكلمات: شنو درتي فيه بلا كدوب.
عبير تدور فعويناتها( نااري حصلت أش غنقول ليه  )
صفواان:جاوبي
عبير:الحلبة خبات وجهها بيديهاا خايفة تجي فيها شي دقة من عند ولد عمهاا
صفوان:كواا  حلبة بقوة ما معصبب حل ديك القرعة وخواها عليهاا :مرة جاية جيبي شي عجب أخور والله تا نكرض ليك يديك
عبير عافت  والبكية خانقاهاا: هيه علاش خويتي عليااا هاادشي أ شكون عطاك الحق راه تعديتي حدودك
صفوان واقف وتيشوف تتقتلو بديك التسنطيحة: كما تدين تدان ازين
عبير :غي بلاتي انقولها لبابي ايعطيك قتلة دالعصاا
صفوان:علاه شكون صاوب هاد الخلطة العجيبة ياك ما أنأ
عبير:راه وصفة طبيعية تترطب شعر بغيت نجربو فيك نتا عاد أنا
صفوان هز حاجبو:فأر تجارب أنا
عبير ميقات فيه وضربات بباب بيتو
وقال:هرسيه المصعورة هرسيه
دخل يدوش مرة خرة لعل وعسى تحيد منو ديك الريحة

عند أدهم  دوش ولبس حوايجو لبس سبور  كما كاروه هز تيلي ديالو وكونطاك ديالو وخرج من البيت
هبط للتحت لقاا عائلة مجموعين على العشاا
جلس معاهم تيتبادلو أطراف الحديث تا نطق أدهم
:أنا غادي لفرانسا عندي خدمة تماا
فاطمة:اويلي اولدي هادي يومين باش جيتي مزال كاع مشبعت فيك الشوفة وباغي تغبر عاوتاني بالشهورة
سعيد: الخدمة أولدي راه مغتهربش جلس هناياا وتكلف بوحدة من الشركات
أدهم : عندي شغالي الواليد ملي نساليهم أنرجع 
سليمان:الله يسهل عليك
تورية:الله يوليدي عنداك تغبر عااوتاني جي طل علينا مرة مرة نتا غي تخرج من القصر مكتبغي ترجع
حرك راسو بالايجاب وناض
تسالمو معاه وخرج ركب فطوموبيلتو
نيشان للمطاار

#يتبع 😉