قلبي ببلد غريب☄️
بقلم: الهاوية الصغيرة وأمنيةl3òmrë
الجزء:9
اوس: ههههههه نتا خطار اجدي غير شرفوك أوما نتا باقي شباب
عبير طلعات الفوق معصبة هزات شكارتها وغادة خارجة
اوس: عبير تسناي نمشي معاك
ستادن منهم ومشا تابع ختو اراضيها تاني ههه
عبير (بعصبية)زيد يلاه
مشاو خرجو بجوج ركبو فاللوطو وعبير غير مخنزرة
اوس: مال القطيطة ديالي مقلقة
عبير: عاد كتسولني منتوما خليتوني لهاد الرباعة كل واحد اش مسمي عليا شي سلوم الشفارة شي عود السبسي الانتحار وساهلة فحقي
اوس: ههههههه سلوم الشفارة ميكون غير جدي هو مول السمية جات معاك
عبير : ياك اوس ياك أنا ختك ياك اوس حشومة عليك نزلني مبقيتش بغيت نمشي معاك
اوس: اش بأن ليك القطيطة ديالي نمشيو الحديقة لي عزيزة عليك
عبير تحولو الملامح ديالها من الغضب الى فرح: بصح ربي ربي يلاه شحال هادئ ممشيت ليها
اوس: وليني شحال طماعة اسلوم ااي غير نسيت اعبيرتي الزوينة
عبير: براكة براكة من صباغتك راك جيرتيني
اوس شاد الطريق الحديقة حيت تما فين كترتاح ختو وفنفس الحديقة كانت جالسة شاديا فكرسي تما مقابلة الدراري كيلعبو مع وليديهم وعينيها فيهم واحد الشوق كبير متقدرش توصفو جلسات خشات راسها بين فخادها وبدات تاني فالبكا
وصل اوس وعبير الحديقة نزلو مشا هو باركا الطنوبيل ديالو ورجع عندها ودخلو بجوح مع الدخلة مع جات عينيها فشاديا لي كانت مكمشة على راسها كتبكي
عبير: شوف ديك البنت مسكينة معرفت مالها
اوس: فين هيا
عبير: راها فين جالسة
اوس: اه يلاه بانت لي
عبير: خلينا نمشيو نشوفو مالها (هي طبع ديالها حنين ومكتبغي تشوف حد كيبكي)
اوس: خلينا نمشيوو راه مجيناش نديرو جلسة مع عباد الله
عبير: بفففف لي بان ليك
مشاو دخلو شرا ليها غزل البنات وركبات فالزعلولة الموعيم الألعاب كاملين لي تما وتقول واش خلات شي وحدة مركباتش فيها
اوس: اديك الهبيلة أنا راه عييت خلينا نمشيو بحالنا
عبير: ههه غير شويا عفاك
اوس جرها من ايدها: الى جيت نتسناك حتا تمشي خاصني نمشي نجيب وسادة ومخدة ونعس هنا مع كانو زربانين دخلو فواحد البنت طيحوها جات على راسها دغيا سخفات
عبير : اش هادشي البنت سخفات (وهي بقات تلمح فيها فين شافتها حتا تفكرات شاديا) هادئ البنت لي كانت جالسة قبيلة ليهيه
هزها اوس بين ايديه وغاديين بيها ركبها فطنوبيلتو وغادي بيها لسبيطار وعبير كانت اللور شادة فيها وكتحرك ليها فشعرها دخلات ليها لخاطرها
وصلو لسبيطار دخلوها عيطو على طبيب قاليهم بلي غير الضربة لي جاتها فالراس هي لي ادات للاغماء وبلي ماشي بزاف هادئ باس دارت عملية على مستوى الرأس
تصدمو بجوجهم وبقات فيهم حيت باقا صغيرة بقاو كيتسناوها شحال عاد بدات كتفيق وشفايفها كينطقو جوج كلامات ماما بابا علاش مشيتو وخليتوني
عبير فهمات من الموضوع ان اهلها اقدر اكونو ماتو
شاديا ناضت قافزة بدأت كتحيد فالسيروم وداكشي لي داروه ليها مشات عندها عبير
عبير: تهدني عفاك (بدأت كتقيس ليها شعرها)
شاديا: بغيت نمشي بحالي اهئ اهئ اهئ كانت تقطع فالقلب
عبير بلا متحس عنقاتها: أنا معاك احبيبة صافي شوووت تهدني شويا وهيا تبدأ شاديا كتهدن وحتا هي عنقاتها وبدات كتنخسس واوس غير مقابلهم شاف حتا عيا وناض خرج خلاهم بوحدهم
عبير: اشنو سميتك
شاديا: انا شاديا
عبير: سميتك زوينة وأنا عبير
شاديا: شكرا حتا نتي
عبير: اش كديري هنا واش كاينة عائلتك هنا
شاديا: لا معندي حتا واحد
عبير: فين هيا ماماك وباباك
شاديا : ددرتي 😭😭😭😭ماتو مشاو وخلاوني
عبير: سمحي ليا مقصدش واش كديري هنا منين معندك حد هنا
شاديا عاودات ليها بلي جات عند جداها وتصرفات معاها تصرف خايب
عبير: نقوليك الصراحة ومتقلقيش صراحة هاد جداك خايبة.
وفين ناويا تمشي دابا
شاديا : معرفتش
عبير: غتمشي معايا لدارنا
شاديا: لا مبغيتش نتقل عليكم نعول على راسي
عبير: هادي ماشب المغرب هنا راه الليل خايب دوزو وحدك أنا منقدرش نخليك بوحدك ونمشي
شاديا: منقدرش نمشي معاك
عبير: صافي دويت معاك غتمشي معايا على انك صديقة ديال اصلا معندي مع من فالدار كلشي مشغول ومعندهم وقت ليا
شاديا شافت حتا عيات ومبدها والو: وليني غير حتا نلقا فين نسكن
عبير: وخا احبيبة عاوناتها حتا وقفات وهي راسها باقي عاطيها الصداع خرجو عند اوس لي كان كيتسناهم على برا
عبير خلاات شاديا بوحدها ومشات عند اوس عاودات ليه كلشي وحتا هو مرفضش قرار ختو حيت عارفها عنيدة مشاو ركبو وغاديين باتجاه قصر عائلة الوزاني
وصلو نزلو البنات سبقو واوس مشا ابلاصي طنوبيلتو عاد تبعهم من اللور بخطوات تابتة
شاديا : وصلا لباب لقصر ترددات انها تدخل وليني دخلات بعدما اصرات عليها عبير دخلو مكان حد تما مغيتجمعو حتا لوقت العشاء
طلعو الفوق وشاديا مع كانت عيانة بغات غير ترتاح داتها عبير واحد الشومبر كبيرة بحال ديال الاميرات كلشي محطوط فبلاصتو كان بلاكار كبير شاد البيت كاملة كان كلو زاج
وكوافووزاات حدا الناموسية مرتبين ومحطوطين بالقياس هاد البيت ديال شي واحد هادئ وعزيز عليه شي حاجة بسيطة(منتي يالكلبة دخلتيها لبيت ادهم 😂😂😂🏃)......
VOUS LISEZ
قصة : قلبي ببلد غريب ☄
Paranormalالسلام عليكم ها هي قصة جديدة بكتاباتنا المشتركة أنا أمنية العمر وتوأمتي الهاوية الصغيرة. ههه متأكدة كتساألو واش بصح توامتي ولا غي طالقااهاا عليكم ايييه اسيدناا ولالالياتنا تويمات تولدو فنفس النهار وفنفس الشهر وفنفس العام ولكن في بلاصة أخرى ومع عا...
