قصة : قلبي ببلد غريب ☄

البارت 6

قلبي ببلد غريب ☄
بقلم:الهاوية الصغيرة و أمنيةl3ömrē
الجزء:6

نخليو البطلة ديالنا حدا قبر واليديها لي ميحس بقيمتهم الحقيقية غي ترزاو فيهم 😞😢
في فرنسا🇫🇷 بالضبط بمدينة مارسيليا
مدينة مارسيليا واحدة من المناطق الريفية سريعة النمو في فرنسا، وتعتبر أحد الموانئ الرئيسية للبحر الأبيض المتوسط، وتقع على خليج البحر الأبيض المتوسط، على بعد 863 كيلومتر من جنوب شرق مدينة باريس🗼.

سيمانة وهو فمارسيلياا خدام على بروجي جديد لي هاد المرة ناوي يدير بيه الضربة القاضية لي بغاو ينافسو عائلة الوزاني
كان فبيرو ديالو داير نظاظرو وبين يدو مستندات خنصرو حدا فمو حركة تيديرها فاش تيفكر  بقا مطول الشوفة فدوك المستنادات فاللخر سيناا و بقا خدام فالبيسي تسمع صوت دقة خفيفة فالباب دخلات لاسيسطونط ديالو حطات ليه قهوة كحلة وكاس دالما
لاسيسطونط بالفرنسية : (محتاج شي حاجة خرة اسيدي)
أدهم :non 
لاسيسطونط حركات راسها بالايجاب وخرجات
جبد من جيبو باكية دالكارو و بريكة ودارو ففمو وكل مرة تينتر منو بشوية عليه تاحد ممجري عليه.

نرجعو لقصرناا (احم زعما قصرهم هوما ماشي أنا ) في قصر عائلة الوزاني
جالسين على طبلتهم العائلية وألذ وأشهى المأكولات محطوطة عليه ها الأكلات المغربية وها سلطات وعصائر متنوعة ومشكلة
نزل سعيد بشوية عليه فدروج وفاطمة حداه
أما واحد رانيا عويناتها حمارو خصوصا ملي شافتهم ضاحكين وناشطين تمعنات مزيان فوجه فاطمة شافت فعنقها لقات فيه طبعة حمرة وولات تتغلي وتغدد غي بوحدها
26 عام وهي تتعذب بوحدهاا 26 عاام وهي تتبغي واحد ممكتوبش ليهااا26 عاام وهي تتغير على راجل ممنحقهاش تغير عليه  مااشي من حقها تكن ليه أي مشاعر وأحاسيس
حنت مزوج ومن الفوق والد والمصيبة الأكبر هو أخ زوجها لوسها وعم ولادها 26 عام وهي تتخون راجلهاا تتخونو فمشاعرها وأحاسيسهاا الا شي نهار لفت انتباهك شي حد ولا عجبك شي حد ولا غي بدا تيتسلسل لدماغك بزااف وانت مزوج ووالد عرف راسك راه خنتي الطرف الاخر   خنتيه عاطفياا 💔
فاطمة بابتسامة: سلام
تورية :اجي ابنيتي اجي مشات فاطمة جلسات فمكانها المعهود وهو حدا راجلها جلسات على يمينو .
نزل الحاج الوزاني وعبير مخشية فيه  وصابرين من وراهم
صابرين بنت كيوت وهادية فوق القياس تتجاوب على قد سؤال هي من نوع المنعزل لي عزيز عليه الكتب والكالم بحالها بحال أدهم
الحاج: زيدي تاكلي ونتي كي سلوم شفارة ميعرفوك ناس غادية ولا جاية.
عبير:واش معاياا اباا سيدي ماشي حراام عليك اش هادشي تتقول علياا ياك وليت دبا سلوم  شفارة
  صفوان من ورااهاا:اوه سلوم شفارة والله تا جات معاك هههه
عبير كملو على ما بيها مبقات بغات تهضر مع تاشي واحد نزلات بالجرا جلسات فبلاصتها وقلبات شنيفاتهاا للتحت بحال الوليدات الصغار
سعيد: ناض لعند بنتو شكون قلق لياا الأميرة ديالي( بشوية بشوية تيرجع شنيفاتها لطبيعتهم ) الوريدة ديالي حبيبة باباها( هنايا فلتات ليهاا الضحكة ونيشات سبابتها ناحية صفوان ) واش صفوان( حركات راسهاا بالايجاب ) تدير حركات بريءين وطفوليين وهي راه شيطان تيدير عندها السوايع الاضافية
سعيد:صفواان
صفوان هز عينو فعمو  وتمشا ناحيو : نعام اعمي( شاف لناحية عبير وغمزها بالخف  )
سعيد جر بنتو لصدرو وقال :اش درتي لبنتي الغزالة تا قلقتيهالياا أ
صفوان شافيهاا : وايلي أعمي أنا مدرت ليهاا والو.
الحاج الوزاني من وراهم:وراه أنا لي قلقتليك حبيبتك ووريدتك وأميرتك
سعيد : وعلاش ابابا شدارت عاوتاني هاد الشيطانة
عبير تنترات من حضنو وقالت: بابا مالك دغيا تسيفتي رضيتيني شيطانة يااااعيب شوم 😞😞😞
الحاج الوزاني :اديك سلوم شفارة  كولي كولي عالله تزاد فيك شي ربع كيلو
عبير دغياا تقلقاات حنت طايتها ضعيفة يالاه  ولاو عينيها تيبريو والبكية شاداها بزز صفوان كان متبعها وعرفها تقلقاات حنت حكرو عليها نقبات شوية وناضت :بصحتكم أنا شبعت
طلعات للدروج بالجرا و صفوان تاهو ستأذن وناض يحزرهاا
عبير تتبكي وتشهق بقا فيهاا الحال حنت قالو عليها  ضعيفة وسلوم شفارة عبير هي هكاا كلمة وحدة تبكيهاا وكلمة وحدة تفرحهااا
خلات الباب غي مردود دخل عليهاا صفوان لقاها ناعسة على كرشهاا وصوت تخنصيصها تيتسمع
سد صفوان الباب ومشا لحداهاا هي كاع محسات بيه
صفوان جلس على جنب السرير وحط يدو على شعرهاا تايمسح عليه باش تهدا حنت هي بحال المشيشة الا غضبات تتبغي لي يحزرها والمشيشة الا غضبات تتبغي لي يمسح على شعرها ويلعب معاهاا.
صفوان: مكانش تيسحاب ليا اتقلقي مني أنا راه غي ضحكت معاك ودبا هجرتيه لياا مالك على هاذ البكا كامل اشنو قلنا كااع
عبير غي سمعات صوتو وهي دفع يد بجهد مع هو كان راجيها تضربات مع الكادر ديال الناموسية  وناضت من فوق السرير ومشات حلات الباب وقالت:هئ هئ خرج علياا أنا هئ هئ سلوم شفارة ياك وخاا خرج
صفوان تيحاول يتسايس معاها:صافي الالة  سمحيليااا تنعتاذر منك اوكي.
عبير:خرج عليااا من بيتي الله يعطيك الحكة وقلة الضفار بغيت ليك سريرة وسط الاجتماع و  بغيت ليك حبة فاللسان الله يعطيك البلا وقلة الهنا اوجه البالا خرج عليا اسكاايريي خرجججج  .
صفوان :شوشو صافي صافي هاني خااارج دعواتك  خليهم عندك
تحنات هزات ريموط وهي تزفو عليه.
صفوان :اوه هاني خااارج بلا دفيع اسلوم شفارة خرج بزربة وسد عليهاا الباب .

عند نسرين
كانت فمكان عملهاا جالسة تبوزاا وتلوز  كل لي بوزيسيون جرباتهم عاد قال المصور :صافي امدموزيل
ناضت من تما مشات لغرفة التبديل لبسات عليها حوايجها لي جات بيهم عاد خرجات ديمارات لوطو ديالهاا لقصرهم حنت كانت عيانة
حلو ليها لي كارد البوابة  سطاسيونات الللوطو حل ليها واحد من ليغارد باب اللوطو نزلات كتمختر فالمشية دخلات لقصرهم نيشان لبيتها  دوشات و قالت ليهم يطلعو ليها الغدا للفوق فبيتها شوية وهي تسمع باب البيت تحل هزات عينيها ناحية الباب تترقب شكون يدخل
دخلات رانيا وفيديها  بلاطو ديال الغدا
نسرين:مامي( ناضت ليها وباستهاا )
رانيا تاهي باستها وجلسو فوق لي فوطوي لي تماا
رانياا :بنتي لياا عيانة
نسرين:اه امامي بزااف راسي ايتشقق علياا اوف عيت فهاد الاسبوع ظرت 6 جلسات تصوير ومكنشبعش نعاس
رانياا:بنوتي الحبيبة متعييش راسك بزااف بشوية بشوية خبار أدهم
نسرين:ومنين أماما انعرف خباارو
رانياا: ياك قلتليك تقربي منو
نسرين:ومامي ومعامن معا أدهم راه سد علياا جميع البيبان
رانيا: اويلي على سد جميع البيبان قربي منو  وكسبيه .
نسرين:وراه هداك أماما تلقااايه عندو حبيبتو وماشي بعيد يكون مزوج شفتيه تيبقاا يومين فالقصر وتيبقا 6 شهور تال 9 شهور فالبلدان لاخرين كل مرة وفين هو مرة ففرنسا مرة فامريكا هاهو فايطاليا هاهو فاسبانيا وكنداا
رانياا :شوفي انسرين حلي معاااياا ودنيك شوفي شي طريقة وطيحيه فشبااكك خليه يولي يبغيك ويتزوجك باش تكوني نتيا هي الري والشوار فالقصر وولدي ليه وريث وااش تتسنااي يجيبهاا براانية وتاخدو لييك همم
نسرين:وماما كي غندير نتقرب منو واش نلوح عليه راسي وراه كلام بحال عباد الله ومكيهضروش .
رانيا ناضت :وحنت معرفتيش ليه اوا بقااي حالة فمك كي البقرة وتجي لالاك تديه ليه..
رانيا موصلاتش لهدفهاا باش يكون سعيد ملكها وبدات تتحاول بشكل اخور وهو تجمع بين بنتها وأدهم وهكا أتكون رتاحت شوية ولد عشيقها ايولي نسيبها أحلام لي كانت بنات مع سعيد بدلات أبطالهم بولادهم....

#يتبع😉😉