قلبي ببلد غريب ☄☄
بقلم :الهاوية الصغيرة وأمنية العمر
الجزء:14
عند الحاج والحاجة لي طلعو للفوق
الحاج:عرفتي ديك البنت شكون.
الحاجة:لالا منين انعرفها أنا ة
الحااج:راه هاديك بنت ليلى الادريسي
الحاجة:ليلى الادريسي واش ديك المصممة لي صممات كسوة دالعرس ديال مونياا علاه ماتت.
الحاج:اييه ماتت هاديك راه بنت ينيس الادريسي عندهم غي ديك الجوهرة مساكن ماتو وخلاوها بوحدها مبقا عندها لا دار لا عائلة لا والو.
الحاجة:الله يرحمهم والله يعطيها الصبر
الحاج:الحاجة رضي بالك عليها عارفة ديك رانياا غي تتقلب منين دوز ليهاا.
الحاجة:كون هاني راه انرض ليها البال.
عند فاطمة لي مسكينة رتباات لشادياا واحد البيت جا اونفاص مع بيت ادهم شومبر متوسط ماشي كبير بحال لوخرين كان بالون البيبي بنك فيه دوش و سرير فالوسط وتيفي ومكتب صغير وكاين دولاب فالقنت
فاطمة كتنهج :شوفي جيبي حوايجها نرتبهم ليها فالدولاب يالاه سربي
الخدامة:وخاا الالة
مشات الخدامة دقات على عبير حلات ليهاا البااب
الخدامة:مدموزيل فينهوما ملابس ديال الانسة شادية
عبير : تيابها اطط دخلات للداخل هزات صاكادو ديال شادية وعطاتو ليها وشادية تتشوف فيهاا
عبير:هاهوما حوايجها
الخدامة :اوكي مدموزيل
داتهم الخدامة للشومبر ستفاتهم فاطمة فالدولاب جا دكشي وااعر رتباتهم حسب الالوان مكانوش بزااف ديال التياب يالاه غي سبعة داللبسات
ملي سالات فاطمة خرجات من البيت مشات لبيت عبير دقات بشوية ومنبعد حلات الباب وقالت:نقدر ندخل.
عبير وشادية ابتاسمو ليهاا ودخلات جيت ندي بنتي تشوف الشومبر ديالها باش الا معجابتهاش نبدل الديكور
عبير :اه دوق ماما وااعرةة غي زيدي مغتندميش
شادية بضحكة خفيفة : هه وخا تمشات لعندها وحضناتها فاطمة وقالت
:يالاه أنا متحمسة كتر منكم ومكرهتش تعجبك
شادية :أكيد غتعجبني
تمشاو للجهة ديال بيتها حلاتو ودخلوا شادية ابتسامة😁 كبيرة ترسماات على محيااهاا فكرة أن شي حد فكر فيها وقرر بنفسو اساوب ليها البلاصة فين اتبقاا تنعس شي حاجة واعرةة
شادية:زوينة زوينة بزااف والله شكراا اخالتي
فاطمة نتمنا تكون بصح نيت عجباتك
عبير:واو امام زوينة تانا انبدل ديكور لبيتي
فاطمة :اهاه غدا ان شاء الله ونبلو ليها الديكور اوكي
عبير مشات لحدا ماماها:ماما بلييز عافاك خلينا نخرجو اليوم عافاك
فاطمة :اش غديرو فبرا
عبير:انتغداو ونرجعو يمشي معانا تا أوس
فاطمة:اوكي الا مشا أوس غي سيرو مي بوحدكم نو
عبير:وخااا
شادية فيهاا وبريق فعينيهاا تتفكر تاهي أنها كانت عايشة حياة واعرة مع عائلتهاا تفكراات ملي تتخاف عليها ماماها فاش تتبغي تخرج تفكراات كفااش حياتها تقلبات 180 درجة ولكن إن الله مع الصابرين بصح عائلتها ماتو الا أن ربي عوضها بهاد العائلة عوضها بأخت بحال عبير وأخ بحال أوس و صفوان( أدهم لا هداك راه ايولي حبيب القلب 😌😌)
فاطمة رضات ليها البال وقالت :ياكما باغا ترتاحي
شادية:لالا اخالتي مرتاحة أنا شكراا وسمحيليا عدبتك معاايا
فاطمة بتاسمات وقربات ليها : اشمن عداب راك بنتي بحالك بحال عبير ومونيا.
شادية:ببراءة :شكون مونياا
فاطمة يالاه بغات تجاوب وهي تنقز عبير :هديك بنتهم مزوجا ووالدة الجنون يتلفوك على القبلة وهي واحد شاطا ماطا واحد العيشورية ولكن بنت الهم غزالة وحنينة مزوجه بواحد النسيب الله يعطيني بحالو العالام كامل ساراه ليها هي وجنونها زعما ولادها
شادية:ههه ناري حرام عليك كتنممي فيها ايعاقب ربي
فاطمة:موحال ابنتي واش تتعرفو من نهار بلغات عمرني شفتها كتقلب على القبلة وعمرها سجدات الا الا عكلها صفوان وراه مبقاتش صغيرة عندها 17 عام .
عبير:ماما حرام عليك
فاطمة:مقلت غي صراحة
عبير:سيري هضري مع ادهم ومع أوس ومونياا
فااطمة:هادوك كلهم ولاو راشدين بقيتي غي نتي وختك
شادية:تبسمات فاش سمعات نتي وختك حساتها فعلا أنها بااغياها وهاد المرة هي لي بادرات و عنقاتهاا : لهلا يخطيك.
بعد ساعات
فبيت عبير خوات الماريو كامل تتقلب أش تلبس فاللخر ختارات كسوة بلونكاصي مع ليبا موس وسبرديلة بيضة بوكلات شعرها ورشات بارفانهاا وخرجات عند شادية لبسات تجينز طاي هوت مع تيشورط كري قصير فوق السرة وجاكيط بيضة مع سبرديلة بيضة وشعرها دارت ليه ديل حصان رشات ريحتها وهزات صاك حطات فيه تيلي وشوية دالفلوس وخرجات تلاقات مع عبير
عبير:اوه اوه زين المغريبي
شادية:هه شمن زين تانتي شوفي شوف توت والفريز وحب الملوك ناري جيتي قرطاسة.
عبير:صبغي صبغي
شادية :هي قبيلة تانتي غي سبغتيني
عبير:نن أنا قلت غي صرااحة.
شادية :تانا ألالة والله تاقلت صرااحة
عبير بكبريااء: بجوجناا قرطاساات مشاء الله عليناا
شادية ضحكات من نيتها يالاه اينزلو وهوما يتلاقاو مع رانياا شافت فشادية بشوفة نار 🔥🔥 حسات أنها تقدر ليهم أدهم من يديهم خصوصا أن شادية زوينة وطايتها وااعرة وزيد عليها أنه ثقيلة ورزينة بدات تتقارن بينها وبين بنتها الفرفارة الطيارة وخا عندها حقها فزين الا انها مغيارة وحسودة وسكايرية وزيد عليهاا كماية شكون لي طلع رابح فهاد المعادلة بيان سيغ شادية
رانياا فنفسها:باينا تتضوري على أدهم والله لا خليتو ليك أدهم أيكون راجل بنتي أنا ونتي من هنا ليومين أنكركبك من هاد الداار.
رانيا تبسمات ليهم فوق نفسها: فين غاديين
عبير:غي خارجين أمرات عمي
نزلو فالدروج تيضحكو ويتسيلفاو عاد نزل أوس لي كان لابس تيشورط بيض مع سروال تجينز و سبرديلة كحلة شعرو مرجعو للور بطريقة وااعرةة والكونطاك والتيلي فيدو عبير غي شافهم وهو يصفر :فر فر اي على زين غي كيتشاير هناياا باس يدياتهم وعبير جراتو من يديه ووقفاتو حداهم وجلسات تتسيلفا فالسناب تا هرب وخلاهاا مادة التيلي تبعاتو عبير وشادية موراهم
ركبو فديكابوطابل بيضة هو وعبير القدام و شادية اللور
شعل ليهم أغنية🎶 مغربية.
اغنية سلمى رشيد:
وشحال من واحد الدنيا داتو بدلاتو يونساتو بعداتو على الحباب وملي جا يعوض كاع لي فاتو خلاتو يو فحياتو تايه مليه جوااب { بوياا وشحال محتاجة ليك ونحط الراس عليك شكون ضهري فالدنيا غيرك ربي يخليك ولهلا دعاك ولا الفرحة لي معاك نتا بويا وانا بنت لي طامعة غي فرضاك}
شادية تتسمع للاغنية وتتفكر باهاا سندها حب حياتها حنت أول حب للفتاة هو باها فلتات ليها دمعة مسحاتها بالخف
ورجعاات لعندهم لقاتهم بدلو الأغنية لأغنية أجنبية.
بعد دقائق وقفو قدام مطعم رااقي بزااف متكون من طابقين الطابق اللول والطابق التاني طلعو للفوق أصلا حجز ليهم أوس طبلة تتطل على البحر كلسات شادية بشوية عليهاا وبقات متبعة معا المواج وعقلهاا تيفكر فشحال من حاجة فهاد المكان بالضبط كان عندو غداء عمل مع الوفد الأمرييكي تيتغداو تا لمح خوه وختو وشادية بقا متبع معاها كيفاش تتمشا وعيونو مشاو لسرتهاا العاارية والبانطلون لي قرب يطرطق على لحمها و كان تيشوف فالرجال لي تمايا كفاش حالين فمهم فيهاا حس على راسو دغيا نفض دوك الأفكار من راسو وكيحاول يكمل الاجتماع عادي الا أن عينيه تيفلتو ليه مرة مرة ناحيتهاا
فطبلتها
أوس:أش بغيتو تغداو بيه
شادية:امم لازانياا
اوس :ونتي الكتكوتة
شادية تبسمات تا بانو سنيناتها عجباتها ديك الكتكوتة لي تيقول ليهاااا
#يتبع😉😉😉😉
بنات تفااااعل بلييز بارطااجيو مع صحابتكم لياان دالقصة عااافااااكم..،
VOUS LISEZ
قصة : قلبي ببلد غريب ☄
Siêu nhiênالسلام عليكم ها هي قصة جديدة بكتاباتنا المشتركة أنا أمنية العمر وتوأمتي الهاوية الصغيرة. ههه متأكدة كتساألو واش بصح توامتي ولا غي طالقااهاا عليكم ايييه اسيدناا ولالالياتنا تويمات تولدو فنفس النهار وفنفس الشهر وفنفس العام ولكن في بلاصة أخرى ومع عا...
