قصة : قلبي ببلد غريب ☄

البارت 15

قلبي ببلد غريب☄️

بقلم: بقلم الهاوية الصغيرة وامنيةl3òmrë

شاديا تبسمات حتا بانو سنيناتها كيعجبها ديك الكتكوتة لتيقول ليها

جاب ليهم داكشي لي طلبو اللزانيا ختارو نفس الاكلة بتلاتة مع عصير وشلايض خفيفة جلسو كياكلو فصمت وادهم كيدوي وكيخطف الشوفات فشاديا وكيشوف فالناس ليكون شي حد مقبلها حتا فيقو من سهوتو الشخص لي داير معاه اجتماع
الشخص: سي ادهم واش معانا
ادهم: احم احم ممكين ناجلو الاجتماع.حتا لغدا
الشخص : ولكين اسي ادهم (قاطعو فنص الكلام)
ادهم: مكنحملش نعاود الهضرة جوج مرات الاجتماع تاجل ناضو كاملين جمعو وراقهم وبقا ادهم جالس مقابلها وقتما ضحك كترسم ابتسامة صغيرة على شفايفو كل مرة تغير ملامحها كيغيرهم معاها  ناض بالخف غادي بخطوات تقال حتا سمع شي صوت كيناديه طبعا كان ديال خوه اووس
اوس: ادهم ادهم
ادهم تلفت عندو ومشا عندو بخطوات تابتين ومرزنين ماشي غادي لي قدامو اهرسها بحال الفيل ههه
وصل لعندهم سلم على عبير وتعانق هو واوس وصل لعند شاديا مد ايدو صافحاتو حتا هيا واحد اللحضة سهاو فبعضياتهم هي ساهية فملاميحو الزوينة والحرشة وهو ساهي فعينيها الخضرين(وأنا معند بويا شغل مقابلاهم)
اوس كيغمز عبير وعبير حتا هي كدحك عرفات خوها تزعط فيها ولكين كبريائو ميسمحش ليه
اوس: احم احم ادهم مرحبا بيك تغدا معانا
ادهم: لا شكرا مبغيتش جلس معاهم وهو عينيه غير على شاديا والصرة لي مبيناها مكرهش انوض افرشخها على هاد الحالة ولكين بقا شاد فراسو
ادهم عيط على السيرفور طلب قهوة كحلة جابها ليه دغيا حطها ليه وبدا ادهم كيرشف منها وشعل چارو كيكمي وشرب القهوة بكل تقة وعزة نفس لواحد اللحضة دوات معاه شاديا
شاديا: التدخين مضر بالصحة ممزيانش ليك
ادهم(مرضاش ولا حمر حيت معمر شي حد تدخل فيه)ارائك خليهم. لراسك غتحتاجيهم (وليني حتا هو مساهلش رد عليها جواب خفا زربا هادشي باش تيعجبني عندو مع القميع)
عبير بغات تحيد الوضع المشحون بيناتهم: اش بأن ليكم بشي نكتة من كتاباتي ههههههه
شاديا: اراي لينا معندك راه هنا الناس كيشيرو بالجناوة والقرطاس(شافت جيهت ادهم كانت قاصداه بكلامها دار فيها واحد التخنزيرة وحلات ليها اللقمة لي دارت ففمها ندمات علاش دواتو
شاديا: كح كح كح
عبير: حلال عليك المزغوبة اتموتي لينا هنا حلال عليك ديني معاك بغيت نشوف عزرائيل احمباك اشاديا
اوس: ههههههه الى بغيتي تشوفيه سيري قلبي عليه
ادهم هز كاس دالما ومدو ليها وخداتو من عندو
عبير : سمعو سمعو النكتة ديالي اتعجبكم كاينين شي ناس بحال الباكية ديال شيبس🤔 منفخين على والو😂😂 الله يهدي ما خلق🙂 كانت قاصدة ادهم وحتا شاديا فهماتها وطلقوها بضحكة بتلاتة ألا ادهم لي بقا مخنزر
شاديا بدأت كتضحك بكل عفوية وادهم مراقبها ولا حافض تفاصيلها كاملين
كملو غداهم ناضو خلاو الفاتورة مخلصة وخرجو بربعة بيهم
عبير : ااه نسيت اووس واش ممكين دوزني المكتبة بغيت ناخد شي كتوبة تمشي معايا شاديا
شاديا : لا غير سيري أنا عيانة وبغيت نرتاحح شويا
عبير غمزات اووس وحتا هو فهمها
عبير: ادهم واش ممكين توصل شاديا لدار عفاك
ادهم يلاه بغا ادوي لقهم طارو من حداه مشاو بقا غير هو وياها وجها لوجه
شاديا مربعة ايديها مدواتوش وحتا هو مهضرش معاها
حل ليها الباب ديال اللوطو وخلاها ومشا ركب وحتا هيا ركبات وسدات الباب كتجبد حزام الامان مبغاش اتجبد ليها كان معنكش ليها مبغاش اتعاوض ادهم شافها مضاربة معاه وبدا كيقرب ليها حتا حط صدرو العريض فوق صدرها وكانو قراب بزاف لبعضياتهم لدرجة انفاسهم كيضربو فوجوه بعضياتهم سخان جبد حزام الامان وعاوضو ليها وشاديا فين هيا دابت مسكينة مبقاش ليها الاتار هو انطالق بسرعة وهاد المرة فوق المية لدرجة الى بغا ايضور كيتسمع صوت العجلات
شاديا كانت متوترة وكتعض ضفرانها مقاداش تقوليه نقص السرعة كنخاف منها حتا بدأت كتبكي بلا متحس هو غير شافها ببدات تبكي وبدا كينقص حتا رجع لسرعة العادية وشاف جيهتها لقها تهدنات وكمل على طريقهم وصل القصر وقف عكا السوارت الحارس ونزل هو وياها غادين بجوج وبيناتهم مسافة قليلة دخلو القصر لقاو العائلة كاملة مجموعة كتغداا مشات شادية سلمات عليهم كاملين
فاطمة: اجي ابنتي تغداي معانا
شاديا: لا خالتي شكرا تغديت على برا
اجيو تشوفو لالة نسرين وماماها كيفاش تبدل لونهم البنت جات غير البارح وخرجها تغدا على برا وبنت عمو لي سنين هيا ضور عليه معمرو عطاها حتا كاس دالما
استادنات منهم وطلعات لبيتها ونضرات دوك الجوجات غياكلوها محملوهاش تبعاتها نسرين مبغاتش دوز ليها اللقمة مزال غير ناضت نسرين هيا تبعها ماما
فاطمة: الله احفض أودي من شركم ادهم تبسم ابتسامة خفيفة ومشا طلع لبيتو
فاطمة : سعيد اش بأن ليك فادهم وشاديا جاو مع بعضياتهم ياك
سعيد: صراحة حتا أنا عجباتني مرزنة وواعيا ولكين باقا صغيرة
فاطمة: على أنا على أنا شحال كان عندي منين خديتيني راه كانت عندي 17 عام
سعيد: وليني أنا وياك كنا كنبغيو بعضياتنا خلي ادهم ديما مخنزر معرفت واش غادي ايجي النهار لي غادي ابغي فيه شي وحدة ولا لا
فاطمة: أنا متاكدة بلي شاديا غتغير ليه حياتو الأفضل
ادهم مشا عند شاديا لبيت لقاها يلاه حيدات التشروت ديالهها بقات غير بالساتيان
شاديا: اااااع اش كدير نتا هنا واش مكتعرفش دق الباب خرج خرج
ادهم متحركش من بلاصتو بقا غير واقف مقابلها كيف معافرة على راسها ميشوفهاش هز واحد ليزار لاحو ليها زعما تغطي بيه راسها
ادهم: جيت على وديت الملفات الخاصة بالشركة ديال باباك
شاديا: علاش اش بغيتيهم
ادهم: بغيت نرجع نفتح الشركة ديالو ونتراسها حيت الى كتفتحاتش غادي اضيعو الاسهم ديالها وغتعلن افلاس وغتطري نتي تعطيهم الفلوس
شاديا بلا متعاود الهضرة مشات البلكار ديالها خدات منو الملفات وعطاتهم ليه خداهم من عندها ونطق
خاصني نمشي المغرب وخاصك تكوني معايا باش أننا نقدرو نفتوحا حيت خاص ضروري أكون معايا المالك الاصلي ديال الشركة ونتي هي صاحبة الاملاك
شاديا كلشي ديرو على قبل الاهل ديالها اهون عليها : اه وخا
ادهم : السيمانة الجاية كوني واجدة حيت غنبقاو تما شي يامات وخرج وخلاها هايمة فافكارها

كوني واثقة من نفسك ولاتبرري لمن يأخذ عنك فكرة سيئة دعيه يأخذها وينصرف ...
لم تهبطي على هذا الكوكب لتثبتي للبشر أنك ملاك 😇..
..💜..
يتبع😉😉😉