أحفاد سويلم / الكاتبه ( شروق محمود ) ♥️

الفصل الخامس ♥️

الفصل الخامس 💞

توقفنا البارت السابق عندما سأل معتز لينا لماذا لم ترتدى الحجاب مع انها مسلمه فا امتلأت عيونها بالدموع

صعد الجميع وصعدت عشق مع رائد وبقت لينا ترتدى حذائها..........فقامت ووجدت من يحدثها وهى تعرف هذا الصوت وهو ( معتز )

معتز :: لينا ممكن اسألك سؤال

لينا :: Sure يا معتز اتفضل

معتز :: لو السؤال مفيهوش احراج بس انتى ليه مش محجبه مع انك مسلمه

لينا عيونها ادمعت وجلست مره أخرى :: هقولك يا معتز هقولك..........انا ابويا مصرى وامى روسيه ماما وقت ما شافت بابا كانت فى رحله لمصر فا بابا شافها وحبها وهى كمان برده وبعد شهر من تعرفهم على بعض اتجوزوا ماما عرفت انها حامل فيا لكن مكنتش قادره تعيش فى مصر مش قادره تتاقلم هنا وهو كان وعدها انهم يروحوا و يسافروا روسيا لكن معملش كدا وقبل ما هى تعرف انها حامل اصلا الفتره قبل حملها دى كانت كلها مشاكل مع بابا وكان بيمد ايده عليها ودا صدمها جدا وعمل معاها حاجات عكس إللى وعدها بيها قبل الجواز ولما خلفتنى وعرف انى بنت قالها سافرى على روسيا ومش عايز اشوف وشك ولا وش بنتك تانى وهبقى ابعتلك فلوس بعت فلوس اول شهرين وبعدين قطع انا عرفت كل الكلام ده وماما بتموت وبتسبنى فى الدنيا دى لوحدى وكل ما كنت اسألها وانا صغيره عن بابا تقولى مات وعمرها ما علمتنى الصلاه ازاى او البس الحجاب حتى ازاى معرفش حاجه عن دينكم غير لما عرفت عشق بعد ما ماما ماتت سافرت أمريكا وقابلت عشق هناك و رائد وعمى حمدان بقوا هما اكتر من عيلتى وآلله مبقتش عايزه حاجه من الدنيا غير أنى ابقى معاهم..........انهت كلامها ببكاء شديد

معتز بتأثر :: انا انا اسف يا لينا لو فكرتك بحاجه زى دى بس استغربت مش اكتر

لينا مسحت دموعها :: انا عمرى ما نسيت يا معتز مش عشان بضحك و اهزر يبقى نسيت انا فاكره دايما ودى حاجه عمرى ما هنساها......واحده عمرها ما شافت ابوها وهو باعها بسهوله كدا عشان مش ولد زى ما هو عايز عايزانى انسى ازاى

معتز :: ربنا كاتبلك دا كله يا لينا كاتبلك انك متشوفيش والدك وانك تقابلى عشق عشان تصلح من حالك وانك تيجى هنا وتقابلى الناس عشان تحسى بجو العيله ويعوضوكى عن كل إللى فات وانك برده تقابلينى

لينا :: اقابلك ازاى يعنى مش فاهمه.....بس بجد العيله هنا جميله دفا وحب وحنان ربنا ديديم دا بينكم ي رب

معتز :: آمين يارب.....روحى بقا نامى عشان شكلك هتنامى على نفسك وحاولى تقربى من ربنا يا لينا قلبك و روحك هترتاح جدا والحجاب هيخليكى جميله اكتر مش بقولك كدا عشان تتحبى غصب عنك اهم حاجه تكونى لابسه الحجاب عن حب فيه واقتناع تصبحى على خير

لينا :: وانت من اهل الخير يا معتز ........شكرا ليك يا معتز بجد كلامك ريحنى جدا

معتز :: احنا فى الخدمه يا سنيوريتا هههههههههه