أحفاد سويلم / الكاتبه ( شروق محمود ) ♥️

الفصل التاسع ♥️

الفصل التاسع 💞

توقفنا البارت السابق عندما كانت عشق تفطر مع عائلتها وسألها حسن عن رأيها من زوجها من يزيد
..............نزلت عشق شارده وتشعر انها تائهه وجلست على الفطار معهم لكن لم تأكل شئ

حسن :: ها يا عشق قرارك ايه يا حببتى

عشق نظرت لوالدها ثم إلى جدها :: م موافقه يا جدو زى ما حضرتك شايف

حسن :: على خيره الله مبروك يا ولاد

فهد :: هو فى ايه حد يفهمنا مبروك على ايه يا جدى مين إللى هيتجوز ولا مين إللى نجح

حمدان :: يزيد و عشق كتب كتابهم مع فرح جاسر و معتز مالكم يا ولاد اتصدمتوا كدا ليه هههههههههه

معتز :: لا لا مش مصدق الثعلب هيتجوز دى حاجه عجيبه بجد بس عموما مبروك يا يزيد والله فرحتى متتوصفش عشان هتبقى معايا عريس فى فرحى

يزيد بابتسامه صفراء :: الله يبارك فيك يا معتز

جاسر :: مبروك يا ثعلب ربنا يتمم على خير يارب

عشق :: بس ليا طلب يا جدو بعد إذنك

حسن :: اتفضلى يا عشق

عشق :: مش عايزه فرح.....هكتب الكتاب مع حور و لينا وخلاص مش عايزه اعمل فرح

حسن و حمدان و رائد ادركوا قصدها :: ماشى يا عشقى مفيش اى مشكلة يا حببتى ايه رأيك يا يزيد

يزيد :: تمام يا جدى معنديش مشكلة برده

نواره :: يبقى هنروح نشترى بقا الفساتين انهارده عشان نلحق نجهز كل حاجه وكمان جناح يزيد و عشق محتاج يتظبط صح يا ماما

يمنى :: صح يا نونا .....عشق هتعملوا على زوقها بس واللبس وكل حاجه هتجهز فى اقل من ساعتين

فايزه :: مبروك يا عشق يا بنتى فرحانه بيكى والله جدا ربنا يهنيكى مع يزيد يا حببتى

عشق لاحظت كلمه بنتى فى حديثها فتأثرت بها كثيرا :: الله يبارك فيكى يا عمتو فايزه تسلميلي

حور :: يلا نروح نلبس عشان نلحق نرجع بدرى يلا بينا يا بنات

لينا :: تمام يلا

غادرت الفتيات إلى المول وغادر فهد ويزيد إلى عملهم ويزيد كان فى قمه غضبه و ضيقه وكان فهد يلاحظ عليه هكذا لكن لم يتحدث معه
.........فى المول كانت الفتيات يختاروا لعشق ملابس بيتيه وخروج لكن هى تجلس شارده ولاحظت لينا حالها

لينا :: مالك يا حببتى انتى مش مبسوطه ولا ايه حد غاصبك على حاجه يا عشق

عشق ابتسمت بصعوبه :: لا يا لينا محدش غصبنى بس زى ما تقولى كدا مش مستعده او خايفه

لينا :: مش هقولك متخافيش عشان ده حقك إللى انتى مريتى بيه مش قليل يا عشق بس كل حاجه هتبقى كويسه ان شاء الله متقلقيش