أحفاد سويلم / الكاتبه ( شروق محمود ) ♥️

الفصل الرابع عشر ♥️

الفصل الرابع عشر 💞

توقفنا البارت السابق عندما كانت عشق تجلس مع الفتيات وتقول لهم احكام و معلومات دينيه
بعد أن انهت عشق حديثها تركوا جميعا نواره لكى ترتاح قليلا ثم نزلوا الى الحديقه فذهبوا إلى الشباب يجلسون معهم

فهد :: نواره عامله ايه يا حور

حور :: كويسه يا فهد بس الجرح كل شويه يوجعها مش اكتر فا سبناها ترتاح

جاسر :: هتبقى بخير ان شاء الله يا فهد خليكو اقويه قدامها عشان تستمد القوه منكم انتو

فهد :: ان شاء الله يا جاسر ان شاء الله......رحيل تعالى فوق عايزك

رحيل :: يلا يا حبيبى عن إذنكم يا بنات

معتز بصوت منخفض إلى لينا :: لوليتا تعالى نخرج شويه هعزمك على العشا يلا روحى البسى

لينا :: حبيبى يا معتز هروح البس بسرعه واجيلك

معتز :: ماشى يا حببتى روحى

رائد :: فين بابا يا عشق

عشق :: فى المكتب مع بابا واعمامى يا رائد بتسأل ليه يعنى

رائد :: اصلى عايزه فى موضوع هروح اتكلم معاه ومع جدى عشان محتاجهم

عشق :: ماشى يا حبيبى روح

جاسر :: مالك

حور بدموع لكن محبوسه فى عيونها :: خايفه و زعلانه اوى على نواره يا جاسر انا مكنتش متخيله انى هخاف عليها كدا انا مش بستحمل عليها حاجه

جاسر :: طب تعالي عن إذنك يا يزيد

يزيد :: اتفضل........بقينا لوحدنا ها مش هتقولى ليا حاجه ولا ايه

عشق :: أقولك ايه يعنى مش فاهمه

يزيد :: وحشتنى مثلا او بحبك مثلا او انتى قمر كدا ليه مثلا او عيونك جميله مثلا

عشق بخجل :: ايه ايه يا عم ايه وصله الاشعار دى كلها هههههههههه اقولك على حاجه بس متبصش ليا

يزيد :: قولى

عشق :: انت وحشتنى الشويه دول.....قولتلك متبصش ليا علفكره

يزيد بفرحه وصدمه فى آن واحد :: قولى وربنا بجد يعنى انا بوحشك يا عشق

عشق :: وربنا وحشتنى وطول ما انا قاعده مع البنات بفكر فيك وكان نفسى انزل اقعد معاك حتى لو مش هتكلم معاك كفايه انى اشوفك

يزيد :: يا فرج الله اخيرا نطقتى يا شيخه طب بمناسبه الكلام الحلو ده انا هخرجك ايه رأيك

عشق :: بجد طب هتودينى فين قول ها فين

يزيد :: مش هقولك خليها مفاجأه يلا روحى البسى بس بلاش دريسات عشان تعرفى تتحركى معايا البسى بنطلون واسع