Ep - 1
ဘီစီ ၆ ရာစု၊ တရုတ်ပြည်၊ ရှောင်နိုင်ငံတော်
ပိုးထည် ကျောက်စိမ်း သူရဲကောင်းအပေါဆုံးနိုင်ငံပြပါဆို ရှောင်နိုင်ငံကို ပြရမည်သာ
မင်းကျင့်တရားနှင့် ညီညွတ်စွာအုပ်ချုပ်စိုးစံနေသည့် မင်းမှာ အသက် ၂၃ မျှသာရှိသေးသော်လဲ
စစ်ရေးပရိယာယ်ကြွယ်ဝသလို စာပေဗဟုသုတမှာလဲ သူမတူအောင်ထူးချွန်သူဖြစ်သည့်အပြင် ညဏ်နီညဏ်နက် အစုံလဲ ထွက်သည့် ဘုရင်တစ်ပါးပင်
ငယ်ရွယ်ခြင်း နုပျိုချောမောခြင်း ထက်မြက်ခြင်း ကြင်နာတရားနှင့်ပြည့်စုံခြင်း စသဖြင့် လက်ရုံးရည်နှလုံးရည်နှင့်ပြည့်ဝသော ဘုရင်မင်းမြတ်တစ်ပါးလဲဖြစ်သည်
ထိုဘုရင်၏ အမည်နာမမှာ ရှောင်ကျန့်ဖြစ်ပြီး အနောက်နန်းဆောင်တွင် မိဖုရား ၃၀၀ ခန့်ရှိသော်လဲ မည်သည့်မိဖုရားမှ မင်းကြီးနှင့် တစ်ညတာမကုန်လွန်ဖူးပေ မိဖုရားများထဲတွင်မှ အမတ်ကြီး၏သမီးဖြစ်သူ လျိုဟွားဟွားသည်သာ မင်းကြီးနန်းဆောင်ကို နေ့လည်နေ့ခင်း အဝင်အထွက်ပြုရဲသည် ဒါကလဲ မင်းကြီးနှင့် ငယ်ငယ်က ကစားဖော်ကစားဖက် ဖြစ်ခဲ့သည်ဟူသော အကြောင်းပြချက်ဖြင့်သာ လစ်လပ်နေသော မိဖုရားခေါင်ကြီးနေရာကတော့ စစ်သူကြီးအိမ်တော်မှ တစ်စုံတစ်ဦးအတွက် ဖြစ်တာကြောင့် အနောက်နန်းဆောင်တွင် အာဏာအပြည့် ရထားသော လျိုဟွားဟွားပင် မျှော်မှန်းဖို့မတတ်နိုင်ပေ
ရှောင်နိုင်ငံစျေးထဲ တစ်နေရာ...
"ကျင်ရီ ပြေး ပြေး "
"......."
စျေးထဲမှ ကျောက်စိမ်းအရုပ်ဆိုင်တွင် ငမ်းနေသည့်ကျင်းရီက အလိုက်သိစွာဖြင့် အသံကြားရုံနှင့် နောက်က တဖဝါးမခွာပြေးလိုက်လာတယ်
ပြေး၍တော်တော်ကြာမှ ရပ်လိုက်ပြီး
"သခင်လေး ဘာလိုဖြစ်လာတာတုန်း"
"လောင်းကစားဝိုင်းက ကောင်တွေပေါ့ "
ဟောဟဲဆိုက်ကာ အမောဖြေရင်း ပြောနေသည့် ဝမ်ရိပေါ် ရယ်ပါ
အမှန်ဆို ဝမ်ရိပေါ်လို သိုင်းပညာမျိုးလောက်နှင့် အခုလို ခွေးပြေးဝက်ပြေးပြေးလာစရာမလို လောင်းကစားဝိုင်းမှ ရှုံးသောသူများက အုပ်စုဖွဲ့ပြီး လိုက်ရိုက်သောကြောင့် ထွက်ပြေးလာရခြင်းပင် ကံမကောင်းရင် ရုံးတော်ရောက်သွားနိုင်သည်လေ ဝမ်ရိပေါ် လမ်းသရဲလုပ်လာသည့်ကာလတစ်လျှောက်လုံး ရုံးတော်မရောက်ဖူးသေးပေ
