Ep - 28 ( Final )
တိတ်ဆိတ်ငြိမ်သက်နေတဲ့ ဘုရင့်နန်းဆောင်မှာ ကြင်ယာတော်လေးက အိပ်ပျော်နေပေမယ့် ဘုရင်ကြီးကတော့ ကလေးနှစ်ယောက်ကို လက်နှစ်ဖက်နှင့် မျှချီကာ လမ်းလျှောက်ချော့သိပ်နေတယ်
" အဲ့ အဲ့ "
" ကျွတ်ကျွတ် ပါးပါးအိပ်နေတယ် မငိုရဘူး သမီးတော်လေးက လိမ္မာပါတယ် "
တအဲ့အဲ့ နဲ့ မျက်လုံးလေးပြူးကြည့်နေတဲ့ သမီးလေးကို အသာချော့တော့ မအိပ်တဲ့အပြင် လက်လေးက ဟိုရမ်းသည်ရမ်း
" အရှင် သမီးလေးနိုးနေတာလား "
နားပါးတဲ့ရိပေါ်က ရှောင်ကျန့်ချော့မြူသံကြောင့် နိုးလာပြီး ဘေးကိုရောက်လာတယ်
" ဟုတ်တယ် ရိပေါ် အားနည်းနေတာကို အိပ်လိုက်ဦးနော် ကိုယ်ထိန်းလိုက်မယ် အထိန်းတော်တွေလဲရှိတာပဲ အေးဆေးနားပါ "
" ရိပေါ်က အရှင်နဲ့တူတူ ကလေးထိန်းချင်လို့ပါ "
သားတော်လေးကို လက်ပြောင်းယူကာ ပုခက်ထဲထည့်ပေးရင်း အရှင်ဘေးပြန်သွားတော့ အရှင့်ရင်ခွင်ထဲက သမီးတော်လေးက လိုက်ကြည့်နေတယ်
" အရှင် ကလေးတွေအတွက် နာမည်စဥ်းစားပြီးပြီလား "
" အင်း ရိပေါ်ကရော ကိုယ့်ကြင်ယာတော်လေး သဘောကျပေးရအောင် ကိုယ်မပေးသေးတာ "
" သားတော်လေးကို ရှောင်ရိဟန်လို့ပေးမယ် "
" ရှောင်ရိဟန် "
ရှောင်ကျန့်က ရေရွတ်သလိုပြောတော့
" ရှောင် ကအရှင်ရဲ့မျိုးရိုး ရိကတော့ ရိပေါ်ရဲ့နာမည်က ၁ ဆိုတဲ့အဓိပ္ပါယ်ပေါ့ ဟန်က သူရဲကောင်း ဆိုတဲ့အဓိပ္ပါယ်
အရှင်ကြိုက်လား "
" ကြိုက်တယ် ရိပေါ်က တော်လိုက်တာ "
သူကို မွခနဲနမ်းရင်း ပြုံးကာဆိုလာတဲ့ အရှင်ကြောင့် မလုံမလဲ သမီးကို ငုံကြည့်လိုက်တော့ မျက်လုံးလေးက ဝိုင်းစက်နေတာပဲ လိုက်ကြည့်နေတာ
