Ep - 5
ဒီနေ့ရာသီဥတုသာယာတယ် ကိုယ်တော့်ရဲ့စိတ်တွေကလဲ လမ်းပျော်လေးကို သတိရနေသလိုပါပဲ ဟိုတနေ့ထဲက ဝင်ကူပေးပြီး နိုင်ငံ အရေးကိစ္စတွေနဲ့ အလုပ်ရှုပ်နေတာ အတွေးထဲ လမ်းပျော်က ဝင်လာတော့ လူက လန်းဆန်းလာသလိုလို ရယ်ချင်လာသလိုလိုနဲ့ တွေးရင်း ဟူနန်နယ်ကဆက်သတဲ့လဖ္ဘက်ရည်ကို မြည်းနေတုန်း
"မင်းကြီး မယ်တော်ကြီးကြွလာပါတယ်"
နန်းတော်ရဲ့ မင်းကြီးတစ်ဦးထဲသာ ဝင်ခွင့်ရှိတဲ့ ဥယျာ်တော်ထဲကို ဝင်ခွင့်ရှိသေးတဲ့ တစ်ဦးတည်းသောသူဟာ မယ်တော်ကြီးဖြစ်တယ် မင်းကြီးရဲ့မွေးသမိခင်ကျေးဇူးရှင် ဖြစ်သည့်အားလျှော်စွာ မင်းကြီး ၁၂ နှစ်သားဖြင့် နန်းတက်သည့်အချိန်မှစကာ အရာရာကို နောက်ကွယ်မှ ပံ့ပိုးပေးခဲ့ဖူးသူလဲဖြစ်တယ် မယ်တော့်ရဲ့စွမ်းဆောင်ရည်ကြောင့်သာ မဟုတ်လျှင် ရှောင်ကျန့်လဲ မင်းကြီးနေရာတွင် ၁၂ နှစ်သားအရွယ်လေးနှင့် တည်မြဲဖို့မသေချာပေ အရိုက်အရာကို မျက်စောင်းထိုးနေသည့် သူများက အခုထက်ထိတိုင်ရှိသေးသည်မဟုတ်လား
"သားတော်"
အပြုံးဖြင့်ဖြည်းဖြည်းချင်းလျှောက်လာတဲ့ မယ်တော်ကြီးကို ရှောင်ကျန့်ဂါရဝ ဦးကြိုပြုလိုက်တယ်
"မယ်တော်"
မင်းကြီးတည်ခင်းနေတဲ့ လဖ္ဘက်ရည်ဝိုင်းကို ဝင်ထိုင်လိုက်ရင်း မယ်တော်ကြီးက အသိပေးစကားဆိုလာတယ်
"မင်းကြီး နှစ်ကုန်တော့မယ်နော် "
"မယ်တော်...."
"စစ်သူကြီးကလေးလဲ ၁၈ ပြည့်လာပြီပဲ မယ်တော့်ဆန္ဒကို သားတော်ငြင်းပယ်ဖို့ စဥ်းစားနေတာလား"
"မယ်တော် နက္ခတ်အဟောတွေက တကယ်ယုံကြည်သင့်ပါသလား သဘာဝတရားနဲ့မကိုက်ညီတာတွေကို မယုံကြည်ပါနဲ့လားမယ်တော်"
"ကျန့်အော် လွန်ခဲ့တဲ့ ၂၅ နှစ်လောက်တုန်းက မယ်တော်လဲ မင်းလို အတွေးတွေရှိခဲ့ဖူးတယ်"
တွေးတောရင်း လေးနက်စွာပြောနေတဲ့မယ်တော်ဟာ လက်ဖ္ဘက်ရည်ဝိုင်းက ထကာ ပန်းရုံတွေဘက်ကို ကြည့်ငေးရင်းပြောတယ်
