Ep - 27
" မင်းကြီး ကြင်ယာတော်လေးအတွက် အခမ်းအနား "
" တိတ်စမ်း အဓိပ္ပါယ်မရှိတာတွေ ရိပေါ်က ဘယ်တော့မှထားသွားမှာမဟုတ်ဘူး "
အမှန်တရားကို လက်မခံနိုင်စွာ
သူရင်ခွင်ထဲ ရိပေါ်တစ်ကိုယ်လုံးပစ်ထည့်ကာ ပွေ့ဖက်လိုက်တော့ ရှောင်ကျန့်နားအစပ်နားကို လေငွေ့လေးရိုက်ခတ်သလို ခံစားလိုက်ရတယ်လျှပ်ခနဲ ပျော်သွားတဲ့ရှောင်ကျန့်ဟာ ရိပေါ်ရဲ့ ရင်ခုန်သံကိုနားထောင်ဖို့ ကြောက်နေမိတယ်
တကယ်သာခုန်မနေရင် ရှောင်ကျန့်ရူးမှာ
တုန်တုန်ယင်ယင်ပင် ရိပေါ်ကိုယ်လေးကို အနေအထားပြောင်းကာပွေ့ဖက်ပြီး ဘယ်ဘက်ခြမ်းနှလုံးသားဆီကို နားကပ်ထောင်လိုက်တော့ နှေးကွေးစွာမြည်နေသေးသည့် ရင်ခုန်သံလေး
ရှောင်ကျန့် သက်ပြင်းချလိုက်ကာ မျက်ရည်တွေကို လွတ်လွတ်လပ်လပ်ကျဆင်းခွင့်ပြုလိုက်တယ်
ကျေးဇူးတင်ပါတယ် အခုထိအမိန့်နာခံပေးလို့ ကိုယ်နဲ့ကလေးတွေကို စိတ်ချပြီးထားမသွားလို့ ကျေးဇူးတင်ပါတယ်ရိပေါ်
" သမားတော်ကြီး ရိ ရိပေါ် ရင်ခုန်နေသေးတယ် "
ဒူးထောက်နေသည့် သမားတော်ကြီးဘက်ကသူလှည့်ကာ ပြောလိုက်တော့ အံ့သြသွားတဲ့ သမားတော်ကြီးက ချက်ချင်းရိပေါ်ဆီရောက်လာတယ်
သမားတော်ကြီးလဲ မင်းကြီးအပြောကြောင့်အံ့သြသွားပေမယ့် တကယ်ခုန်နေပါစေဟုဆုတောင်းကာ စမ်းသပ်လိုက်တော့ ခပ်မျဥ်းမျဥ်းရှုနေတဲ့ဝင်လေထွက်လေနဲ့ နှေးကွေးလှတဲ့သွေးခုန်နှုန်းလေး
ထူးဆန်းလိုက်တာ ခုနကပဲ ကြင်ယာတော်ရဲ့ နှလုံးခုန်နှုန်းတွေရပ်တန့်သွားခဲ့တာ
မိုးကောင်းကင်ကို ကျေးဇူးတင်ပါတယ်
" အရှင်မင်းကြီး ကြင်ယာတော် အသက်ရှိပါသေးတယ် "
သူငိုသံပါနဲ့တင်လျှောက်လိုက်သကဲ့သို အသက်ချမ်းသာရာရသွားတဲ့ အကူသမားတော်များအားလုံး မျက်ရည်ကျသည်အထိ ဝမ်းသာသွားကြရတယ်