مر الوقت سريعًا وحضر الجميع إلى المستشفى «اسماء ، رنة ، نيران ، رماح ، ايمن ، فاطمة» ، قام بطمئنة الجميع ثم اتجه إلى نيران التي كانت تشاهد ما يحدث دون أن تتفوه بكلمة واحدة وأمسك يديها بحب وهو يقول :
- شايفك قلقانة اوي .. متخايفش يا نيران عمر الشقي بقي وبعدين إحنا عملنا عمليات كتير كنا مهددين فيها بالموت .. اعتبري دي عملية بردو
انهمرت دمعة من عينيها ونظرت إلى عينيه قائلة :
- ملحقتش اشبع منك يا طيف ، انت يادوب لسة راجع النهاردة .. ملحقتش اتكلم معاك .. ملحقتش ابقى في حضنك لوقت طويل زي ما أنا متعودة ، خايفة تسيبني
ترك يدها وضم وجهها بين كفيه بحب قائلًا :
- انتي اللي كنتي بتديني الثقة وتقوليلي انشف يا طيف ومتخافش وواجه كل حاجة ، اديني مبقتش اخاف وبواجه مشكلة بتهددنا كلنا اهي ولو نجحت العملية هنقذك انتي وفهد وزين ولو فشلت هنقذكم بردو وأنا متأكد إنكم هتلاقوا الحل ، إن شاء الله كل حاجة هتعدي زي ما عدت قبل كدا وبعدين مش أنا اللي هقولك الكلام ده .. فين نيران القوية اللي واثقة من نفسها واللي كانت بتدخلنا من شباك الفندق اكننا بندخل الملاهي
ضحكت بهدوء على كلمته وظلت هكذا تنظر إلى وجهه فسألها سؤاله المعتاد والذي يعرف إجابته :
- بتبصيلي كدا لية ؟
حاوطت رقبته بذراعيها وقالت بحب :
- بحب ابصلك .. بحب أشوفك ، بحس إني فرحانة طول ما أنا شايفاك قدامي ، علشان خاطري متسبنيش وارجعلي مش هتبقى موتة زي دي
إبتسم وردد تلك الجملة التي قالتها سابقًا :
- صح إحنا عايزين موتة أشيك من دي ، سيبيها على الله .. يلا علشان ألحق
حضنته بقوة وكأنه حضنها الأخير له فضمها هو الآخر بحب وظلا هكذا حتى ابتعدت عنه وقالت :
- يلا علشان تلحق .. هستناك !
إبتسم وهز رأسه بالإيجاب قائلًا :
- وانا إن شاء الله هرجعلك تاني
تراجع بظهره إلى الخلف ونظر إلى الجميع وكأنها نظرة الوداع ثم إلتفت ودلف إلى الغرفة .…
ده الاقتباس التاااني من بنت القلب - عالم المافيا الجزء الثاني (كن ملاكي)
الاقتباس الجاي هيبقى عن ابطالنا الجداد اللي هيشاركوا أبطال الجزء الاول 😇
نيجي بقى لميعاد الانطلاق ونزول الرواية ...
الرواية هتبدأ إن شاء الله أول أيام العيد يعني يوم 31 من الشهر ده ، مش يوم 31 بالظبط بس على حسب أول يوم العيد هيبقى يوم أية واللي بنسبة كبيرة يوم 31 وهحدد قبلها الساعة ...
أراكم قريبًا
عبدالرحمن أحمد
الرداد
أنت تقرأ
كن ملاكي "سلسلة عالم المافيا"
Romansaنعم سلكت الطريق إلى نهايته وبكامل إرادتي ، نعم إتخذت الحذر ونظرت في كل مكان حتى لا يُدركني الخطر ، أدركت أن من حولي شياطين متنكرة في صورة بشر وكل متطلباتهم في الحياه هي كل شئ .. نعم كل شئ ، الآن أنا اشم رائحة الموت في كل مكان ، انتشر المرض وتعالت ال...
