The Rule Breaker Boss 2 🔄

[7] Tao

-XAVIER-

"Are you really sure about your plan?" Tanong ko kay Ash. Nandito siya ngayon sa harapan ko at kumakain ng paborito nyang siomai at shanghai tandem.

I even made Roger buy that for him. Alam kong naa-appreciate ni Ash ang maliliit na bagay na ginagawa ko sa kanya and I love seeing him being grateful.

Nilunok niya muna ang nginunguya niyang siomai at saka siya tumingin sa akin.

"Yeah," sabi nya. " I know that you know the fact na gusto rin kitang makasama. I really do. The thing is, ayokong dumating sa point na isipin ng ibang tao na dumedepende lang ako sa'yo,"

"Who cares?" I told him.

He sigh, "Me. I care, Xavier. Ayokong maging parang parasite. Hindi lang sa paningin ng ibang tao, pati na rin sa magiging tingin ko sa sarili ko. I have a lot of things that I want to do by myself. Kapag nagawa ko na ang lahat ng iyon at marami na akong kayang ipagmalaki sa mga tao, I don't mind marrying you as soon as possible." Sabi nya.

I want to smile. Natuwa ako sa sinabi niyang gusto nya akong pakasalan.

But I'm disgusted in the idea that he compared himself to a parasite.

"You're not a parasite," sabi ko sa kanya, "I hate that I heard it from you. Simula noong makilala kita, alam kong may paninindigan ka na sa sarili mo. And to compare yourself to a parasite kung titira sa bahay ko knowing that you have already proved your worth to me, that's just...that's plain stupidity."

"I-I know." Sabi nya.

"Ayokong marinig ulit 'yon." Sabi ko pa.

He stared at me for a few seconds. Then he smiled. Wide.

"Ang cute mo mainis." Sabi niya.

Hindi ko na napigilan ang sarili ko at napangiti na lang din ako. Kahit siya nagagawa akong pakiligin. Akala ko ako lang ang may malakas na epekto sa kanya.

Siya rin pala sa akin.

"Pero kailangan-"

"I know. Ayoko lang sa idea na hindi na naman kita mayayakap sa gabi tuwing matutulog tayo." Sabi ko.

He just chuckled.

~*~

I decided to visit each production floor for compliance check. Kasama ko si Lance na aking internal assistant.

Honestly, it's not my job to do this. I just missed patrolling around and see how each department performs on a daily basis. Alam kong nacoconscious ang bawat empleyado kada dadaan ako but I don't want them to think na pagbabawalan ko sila kung makikita ko man silang kumakain habang nagtatrabaho. I'm cool with that.

Habang naglakad ay nakita ko si Gerrone, kausap ang isang developer. Nilapitan ko ito at sinalubong ako ng bati ng mga developer.

"Good pm boss," bati sa akin ng isang empleyado. Ngumiti lamang ako.

Nang tuluyan akong makalapit kay Gerrone ay napatingin na rin siya sa akin at binati niya ako.

"Boss," he said, then he gave me a slight bow.

I just smiled.

"Can we talk?" I asked.

Napatingin siya saglit sa loob ng production floor ng dev team at ibinalik niya ang tingin sa akin.

"Sure." He said.

Nagsimula akong maglakad at sumunod naman siya sa akin.

Gerrone is the current supervisor of the dev team, at I also saw his application as a CTO. Kung magkakaroon lang ako ng chance to endorse somebody I won't hesitate to endorse him. Hindi nga lang ako kasama sa pwedeng magdecide kundi ang board.