#أحببت_جنندي(واقعية)
(الحلقة3 )
رزان : سمعت شي وان شاءالله ميكونش صح
علي : شن ان شاءالله خير
رزان : سمعت ان انت وامك خطبتو وتميتو مقلتوش خيرنا حني ميطلعش علينا تقوللنا
علي : 😳😳😳😳😳😳 نبي نفهم حاجه وحده كيف توصل فيكم المعلومات ف حياشكم
رزان : توصل 🙄
نيزك : مش اني طبعا قلتلها اني كلمت أماني وسلوى وقتلهم لكن هي خاطيتني مش اني 😯
علي : خاطياتك 😐 ت انت الجريمه لابساتك لبس
رزان : المهم عليوة نبصر عليك من هي ومن وين وامته معناها عندنا بيان 💃💃
علي : المعلومات كلها عند امي وبيان توا مفيش وبرضو السبب عند امي اني طالع توا ومستعجل
نيزك : أصبر بنطلع معاك
علي : هي
رزان : شن ي امي احكييلي
وهدرزت ام علي ل بنتها ع كل القصه وفرحت لخوها وتشوقت تشوف البنت الي يكلم فيها 💖
.......................
أما زهرة ف روحت ع طول طلعت مع اختها فرح ع خاطر البتات حاجه وفكرت ان راجل بنت عمها عنده معارف ف منططقة علي وان ح تكلمها باش يسألها عليه
لكن مطاقهاش الصبر لين يروحو وتكلمها فبعتتلها مسج ب إسم علي واصرت عليها يسألها عليه أحمد الي هوا راجل بنت عمها وردت عليها بنت عمها واستريحت زهرة 🔥
قعدو البنات يتبضعو كل مرة ياخدو حاجه وف الوقت هذا فون زهرة مبطلتش رنان من علي 💖 وهي متردش
لين روحو الحوش
رحمه : ماشاءالله العشي قريب أذن قعدتو رقدتو فالمحلات
زهرة : اسكتي وابعدي من قدامي تاعبه دابني نصلي ونرقد
رحمه : هذا فاش فالحه 😡
فرح: تعالي رحمه دخلي معاي البضايع
جت رحمه وساعدت فرح ودخلو الحاجات وزهرة صلت وكيف بترقد جت عينها ع الفون لقت فيه كم هائل من المكالمات وهي كانت تاعبه وبترقد فقررت ان مش ح ترد وبترقد وكيف بتحط الفون جاها اتصال
علي : وينك خيرك انتي 😡😡😡
زهرة : شني خيرني خيرك تكشخ 😯
علي : من العصر نتصل بيك معقوله حتي مرة مترديش
زهرة : كنت طالعه ل السوق مع اختي ومقدرتش نرد
علي : بعتي مسج ع الاقل
زهرة: مفضيتش 🙄 والفون لما كترو المكالمات حطيته صامت
علي : باهي باهي اني توا طالع ومنقدرش نهدرز توا انروح مع ال 12 نكلمك ورددددييي 😡
زهرة : شن ال 12 اني بنرقد من توا تاعبه هدرزنا شوي وساد
علي : لا مش ساد خلي هاتفك عام وارقدي اني توا انوضك
زهرة : مش عارفه انوض ولا لان تاعبه
على : غدوة جمعه يعني عطله ف متتسبليش بانك تاعبه وتبي ترقدي متبيش تحكي براحتك✋
زهرة : لا مش هكي 😯 اوكي خلاص بنحط الفون عام ولو نضت علي الرنه باهي ولو منضتش الله غاالب🙂
علي : غير ارقدي توا واني توا انوضك توا بنصكر بعدين نكلمك
زهرة : اوكي
علي :سلام
زهرة : سرحت شوي مشي بيا خيالي لمكانات بعيده اني وين ماشيه واني شن ندير بس استوقفني احساس الراحه الي حساته وقف هالخيال كله واستسلمت ل النوم 😪
.....................................
أما ف حوش علي
فكانو كلهم موجودين الا علي قاعد موصلش
نيزك : أمي ع فكره حصلتلك كنه كان بتدعيلي دعوات حلوة
عبدالمهيمن : 😂😂 قعدت غير اني من المغضوب عليهم
نيزك : غير زيد فكر بالك عندك 😉
نورية : شن ي نيزك من هي وبنت من
نيزك : توا مش ح نقولك شي مزال لين يحصلو الجماعه الي قبلي
عبدالمهيمن : 😒😒😒😒😒😒
نورية: انت مدخلكش فيه قولي وخلي يقعد
عبدالمهيمن : اسمها يسرى ي امي 😂😂😂
نيزك : 😳😳😳 وطلع هرب من الحوش مرة وحده
علي كيف خش للحوش : خيره نيزك لقيته طالع خط
عبدالمهيمن : كشفت المستور 😁😂
علي : عيب عليك 😂😂😂
نورية : ربي يخليكم ويحميكم ليا يارب 😍
علي وعبدالمهين : ويحميك لينا ياغاليه
علي : عبدالمهيمن المربوعه بنملكها من اليله دبر وين وين ترقد
عبدالمهيمن : نأجر حتي إيجار عادي غير انت لقيت من تخابر 😂😂😂
علي : تحشم من امه ومشي للمربوعه شاف الساعه لقاها 12:30 واتصل ب زهره
..................
زهرة : كنت غاطسه ف النوم لين رن الفون نضت مخلوعه ورديت
زهرة : ايوا 😪
علي : هلا😍😍😍😍😍😍
زهرة : ...........
علي : الووووو زهرة وين مشيتي نوصي صحصحي
زهرة : نضت وصحصحت وهدرزنا وانسجمت ف الهدرزه هلللبه لان هوا كان يحكي واني نسمع حكالي كل شي عليه عيلته شغله حوشهم حتي وين يقعمز وين يرتاح من اصحابه واقرب صاحب ليه من امته شافني اوا مرة وكيف قعد يتابع ف اخباري واستمر ت هدرزته من اول يوم شافني فيه لعند ماخش توا للمربوعه وكلمني وكان كلامه مريح وصادق وفعلا فعلا اطول مدة مكالمه ف حياتي استمرت من 12:30 لعند ال 8 الصبح 😍 ومحسيتش فيها بالملل ولا شي مع إن لاتوا مفيش اتجاها اي مشاعر حب مع ان هوا من كلامه متيم بيا 🔥 بس حتي ني بديت نكنله مشاعر راحه وسعاده واعجاب مرات ☺
وانتهت المكالمه لان اني معاش قدرت نقاوم النوم وهوا استسلم ونهينا المكالمه
زهرة : أني ع طول مشيت ف النوم محسيت بشي
علي: مقدرتش نرقد بعد نهيت المكالمه حسيت مزال فيه هلبه كلام بنقوله وهلبه مشاعر مطلعتهمش وغيره غيره لين خداني النوم حتي اني ومشيت
..................
جلال : نتصل من الصبح ب علي ومايردش
جهاد : باهي خلاص توا نمشي معاك اني بالك مش فاضي
جلال : ت لا منتحركش من هني لين نكلمه قبل بالك صاير معاه حاجه ولا مشكله ولاشي
جهاد : خوك راني الي جايباته امك
جلال: وهوا خوي الي جاباته الايام 😉🔥✊
جهاد: احسن حل نتصلو ب نيزك توا يرد ويقوللنا خيره ميردش
واتصلو بنيزك وقاللهم ان راقد وطلعو جلال وجهاد ل طرابلس
.........................
زهرة : نضت الصبح ودرت روتيني اليومي
بما ان اليوم جمعه فمعروف لمة العيله وهكي وكانت لمتنا ق حوش عمي فاستغليت وقت فراغي وبإعتباره جمعه خطر ف بالي ان نصلي استخاره وصليتها فعلا واستريحت عليها هلللبه
وبعدها طلعنا لحوش عمي وتلاقينا كلنا وعم الضحك والفرح المكان وفات الوقت من غير لانحسو وجو حتي بنات عمي المتزوجات واكتملت اللمه 🔥😍
رجاء(بنت عم زهرة) : زهرة ترا شوي نبيك😉
رحمه : الاسرار الي مقطعه بعضها تكلمي حتي بجنبنا
زهرة : دخلكش انتي واسكتي
وهي رجاء هاني جيتك
رجاء : أحمد سأل صاحبه ع الولد الي بعتيلي اسمه وقاله عليه كل خير وان من انعم الناس وراجل معروف وليه كلمته وشخصيته
زهرة : باهي صحيتي 🔥😍 ريحتيني
رجاء : شن من عندنا بيان ولا كيف
زهرة : نقولو ان شاءالله
وولو للبنات واستمرت الهدرزه
.......................
علي: كيف ناض من النوم وخدي فونه اول شئ متأمل يلقي مسج او مكالمه من زهرة
لكن نخلع وجي واقف لما لقي .........😳😳😳
# يتبع
