أحببت_جندي(واقعيه)
الحلقه 7 والأخيره
البنت : حي قصدك حبيبك عسكري وكان تصيرلا حاجه لاقدر الله يموت ولا ينجرح كيف بيصير فيك
زهرة: 😡😡😡 اي عسكري والموت ع الكل مش ع العسكريين بس تجي حتي للمدنيين (وف داخلي بديت نفكر لو فعلا نخسره كيف يصير فيا وبديت خايفه 😢)
وفات عليا اليوم كئيب هلبه كلمة البنت قعدت ف وداني مبتش تمشي وحسيت بالخوف القوي عليه تعكر مزاجي لين خلاص ومعاش قدرت نفكر ف شي الا فيه وندعيله ربي يخليه ليا وميحرمني منه
كان يوم السبت طبعا اليوم هذا.
الأحد عطله يوم الاتنين قلت خلي نهديله حاجه يتفكرني بيها كونه هذا اخر اسبوع وبتجي العطله خديته هديه ورفعتهاله وعجباته وحبها ♥️
علي : توا انتي عطيتيني الهدية الحلوة هادي واني بنعطيك حاجه حتي ني 💛
زهرة : شن هي
علي : حولت الساعه الي كنت لابسها وعطيتهالها خليها عندك 💛💛💛
زهرة : حاضر
يوم التلات شفته وكان يوم حلوووو
زهرة : عليوة اطلالتك ناقصه اليوم
علي : شن ناقصه
زهرة : خيرك مش لابس ساعه اليوم
علي : خيرك ياالحب مش عطيتهالك امس ولا نسيتي 😉
زهرة : لا منسيتش لكن اهي قاعده ف شنطتي خودها البسها توا ومرة تانيه جيبهالي لان نحبك وانت اناقتك كامله 💛💛
علي : توا بالله عليك جايك بالعسكري وحالتي حاله وتقولي اناقه 😂😂
زهرة : اكيد اناقه 💛💛💛💛👑 ولبستلا ساعته وهدرزنا وقت طويل وجي وقت مرواحتي 💛
والأربعاء كذالك جاني وقعدنا وقت مع بعضنا
.....................
زهرة : جي يوم الخميس اليوم يلي معبي ذكريات اليوم الحلو المميز ويلي ف نفس الوقت يووجع يصادف تاريخ 18/7/2019
المهم يوم الخميس بعد طلعت من الامتحان طول لقيته قدامي بدون حتي يتصل وكان لابس مدني ومفتلك روحه ليا فتره نشوف فيه ف العسكري بس اخر يوم كان لابس مدني زي اي يوم عادي ❤️
الساعه10:30 بالزبط طلعت من الامتحان صبح عليا وقعدنا واقفين ف الممر نهدرزو طول الوقت كان سارح فيا ويتغزل عيونه دبلانات بس لمعتهم تجننن🤤 كان يشوفلي بكل حب وحنان ومانقدرش نحكي شن فيهم معبيااااااات حب ي ناس نقدرش توصفلكم راحتي معاه طبعا وقتها كان عرس اختي ومحنيه اني طبعا هوا غير كل شي فيا طريقه لبسي ولما نحني نلبس قوانطي وكل شي ف زهره لما حبها علي تغير كل شي رجوليته وغيرته وكل شي فيه اني نعشقعم تفاصيلي معاه قعدنا واقفين قريب ساعه عيت اني رجليا قالي تعالي نقعمزو قعمزنا وقعدنا نهدرزو كل حرف وكل كلمه قالها كانت وداع بديت كل شويه نحس وكأنه بيسيبني 😢 خوووفت قتله خيرك معاش تبيني؟
علي : لا مش هكي لكن الواحد ميدريش ع الدنيا والنصيب
زهرة : كيف يعني مفهمتش 😢😢😭
علي : خلي نقولك اني طول ماموجود ف الدنيا هذي انتي ليا ونوعدك رمضان السنه الجايه تصيميه مع امي زهرة : باه علاش هكي تقول
علي : امي تقول الراجل عمره قصير💔💔
زهرة : شن قصدك انت حبيبي وراجل وسيد الرجاله وعمرك طويل المهم ماتقولش حاجه فيها موت😢
علي : نوعدك اني مش ح نخش ع بنت غيرك ووووعد زهرة : حسيت بشعور غريب💔 بوسته ع راسه وقتله سامحني ع كل يوم جرحتك فيه وغلطت فيه معاك سامحني وقتها بيبوسني ع راسي م خليتاش
علي : 😡😡😡😡
زهرة : حسيت ان مش ح نحرمه 😢 باسني وقالي سامحيني 💔
زهرة : ع شن انت ماوجعتنيش
علي : المهم سامحيني🔥
زهرة : مسامحاتك دنيا وأخرة ربي يحفظك ليا وميحرمني منك
علي : زيزو كان متلا ربي ماجمعناش خلي نقولك
زهرة : أسكت منبيش نسمع كلام هكي 😡😡 ورقالي وقتها بجديات
علي : والله غير هكي نحكيلك لو متلا النصيب ماخلاناش ناخدو بعض
زهرة : خرف اني نحبك وانت تحبني وبناخدك ومافيش كلمه اسمها نصيب انت ليا اني ببسسسسسسس افهم✊✊🔥💛
علي : فاهم والله فاهم بس اسمعيني ماتعنديش زهرة : قعمزت وقتله باه توا نسمعك قول هي
علي : لو ماخديتكش اوعديني تاخدي راجل ماتخليش الدنيا تغركك وقت توا قليل تلقي راجل كلهم ياخدو شن يبو ويمشو خليك زهرة يلي نعرفها واعيه وفاهمه ومافي حد يقدر يضحك عليها لما بتختاري اعرفي كيف تختاري واختاري راجل يخاف ربي فيكك قبل كل شي وديما خلي علي بين عيونك حتي وانت بصغارك 😢💔 🔥
زهرة :حسيت الدنيا صغرت بيا حطيت يدي ع فمه قتله خلاص معاش تخرف انت حبيبي ودنيتي كلها وحضني وقته الحضن حسيته خلاص قريب ضلوعي تكسرو من قوته 🔥😍
علي : خلاص بنروح ومشي طلع
زهرة : طلعت لصاحباتي نبكي ويسالو فيا شن فيه حكيتلهم استغربووو علاش هكي يقول شويه رجع للمعهد بدون حتي يتصل يقولي نضت لحقته
زهرة : خيرك وليت مش ع اساس بتروح
علي : قاعد مستاحشك وبعد روحت حسيت روحي قاعد نبي نهدرز معاك زهره العطله طوووويله شن بيصبرني ع شوفتك
زهرة: علاش هما 3 شهور بس توا نتلاقو ف السوق ولا اي مكان علاش هكي قالق
علي : والله ماعارف كيف بنصبر ع شوفتك 😍
اتصلي ب اختك
زهرة : اتصلت بيها برقمه كلمها هوا باركلها كونه عرسها يومها وقالها ردي بالك ع زهره اختي استغربت قتله اني ماشيه لحوشي انت رد بالك عليها قاللها لالا انتي اختك انتي ردي بالك عليها كويس وربي يكملك ع خير وصكر الخط
زهرة: كل شويه نزيد نضايق من كلامه ونخاف بعدين ريحني شويه وهدرزني لين ارتحت وبعدين جي وقت اني بنروح
زهرة : بروح توا قالي باهي هي طلعنا مع بعض لين وصلت الباب
علي : بنخش للعميد
زهرة: علاش قالي بنوصيه عليك 🔥💛
زهرة : توا تم السيمستر ع شن بتوصيه
علي : مادخلكش 😂😂😂💛
زهرة : ومشي خش استنيته وين طلع قتله خايفه من النتيجه 😭
علي : تبيني نرضا عليك عمري كله
زهرة : اي اكيد هذا الي نبيه
علي : نشوفك طالعه من السميستر هذا وخاشه التالت وقعدت نودع فيه باعتباره اخر يوم ف المعهد وطلعت
................... المهم روحت اول ماركبت الباص كلمته وبعدين معاش كلمته وصلت الحوش ومشيت المزين مع اختي و يومها حفله اختي ولهيتتتت الساعه 9 ف الليل اتصل بيا راقيله علاش ناسيتيني واستاحشتك وهكي قتله مش فاضيه وانت عارف توا يتم العرس ونهدرزو ع راحتنا حبيبي قالي لا توا نبي نهدرز عليك اني قتله والله زحمه ودوشه قالي افتحي الكاميرا نشوفك فتحتها شافني باش ارتاح شويا وصكرت بعدين ماشيه رافعين اختي لحوش راجلها كلمته ع النت طول الطريق واني ماشيه واني مروحه قالي توصلي اتصلي بيا قتله باه بس كنت تعبانه معاش نتفكر ف شي وقتها لعند الجمعه الصبح اول شي خديت فوني شفت لقيت منه مكالمه الساعه 7 وربع الصبح ضحكت وقلت توا راهو راقيله فوته مبارح 😂😂
واني كيف بنوض جت مكالمه من صاحبتي رديت عليها
صاحبتي ايوا زيزو ها صبح شن جوك كويسه وانتي قتلها كويسه قتلي راقده قتلها اي قتلي كلمك علي هنايا نضت واقفه قتلها لا خيره شن فيه قتلي قصفو منطقتهم وقالو علي استشهد اي هكي بالحرف قالتها معاش عرفت صكرت عليها ومشيت طول ع رقمه ا اتصلت بيه خارج التغطيه عاودت مره وعشره وعشرين لأن مش من عواده خارج التغطيه نلقاه وقتها كنت نعرف خوه الصغير ومغامرات معاه وقت نتعارك مع علي نكلم نيزك وهوا يقولي شن يدير علي ووين قاعد وكل شي بالتفصيل اتصلت ب نيزك مايردش عقلي خلاص وقف معاش عرفت شن ندير حوشهم بعيد كيف ندير ي ربي طلعت لحوش عمي ع رجليا نجري للبنات مصدومه قتلهم الخبر وبديت نبكي ونعيط ومش متأكده من شي مع اتصال راجل بنت عمي يلي سألي عليه و يعرفه قالي زهره اهلين قتله اهليين قالي عظم الله اجرك 💔 صاحبي اتصل بيا قالي الولد يلي يبي بنتكم استشهد اليوم الصبح هنايا انتهت زهره ومات كل شي معاه بديت نقول اكيد مخطوف ولا متصاوب وملوح ف مكان ولا في حد ساعفه وهما مايندروش كيف يموت مستحيل حبيبي يخليني ووين وعوده وكل شي ف هذيكه التواني بدي شريط يوم الخميس وكلامه وكيف يوصي فيا ويودع كله بدي يرجع ونحس ف كلامه ي ربي يودع فيا واني مانعرفش ي حليلي هبلتتت وكله مش مصدقه جي الظهر وشفت الخبر ف النت وجنازته اي جنازته يعني دفنوه بدون مانشوفه حطو عليه التراب خلاص معاش نقدر نشوفه تاني قلبت الدنيا ع راسي مشيت لولد عمي المقرب صديق الطفوله نبكي قالي خيرك قتله علي مات💔 هيا ارفعني لحوشهم قالي كيف ي زهره وقتها ازمه البنزينه والطريق مصكره وهلبا مواضيع عرقلة قتله مايهمنيش كله قالي واماليك قتله كل شي مايهمنيش وخلي تنقلب الدنيا اني بنمشي ويلي بيصير يصير ومشيت بدون علم حد ع اساس بنردو الفيلو متاع اختي وكان بعيد الحوش شوي مسافه ساعه وربع يمكن ومشت معاي بنت عمي وصلت حوشهم نزلت ول اول مره الحوش يلي كنت نستنا بنخشه كنه جايه بنعزيهم ف ولدهم نفسه يلي بيجيبني كنتهم شفت الخيمه والزحمة تقول حلم ونستنا حد ينوضني خشيت مانعرف حد أمه تعرفني يمكن شايفتني ف الصوره خشيت لاقتني بنت تقرأ معاي ف المعهد بنت عمه حضنتني قتلها مات حق قتلي اي دخلتني اول وحده سلمت عليها اخته نتفجر ومصدومه وبعدين خشيت الحوش ل أمه وحضنت أمه ي نااااااااس صدمه عمري وحياتي وكل شي بدت أمه تعيط وتقول بنجيبها كنه جتني تعزي فيه بيزفها عروسه جت تزف فيه شهيد كل هذا مش مستوعبه انه مات ونبي حد يقولي زهره نوضي خلاص ويطلع كل شي حلم طلعتني أمه الخيمه ورفعتني لبناتها وقتلهم هذي يلي قبل بنجيبها كنتي وبعدين معاش نتفكر عياط والدنيا مقلوبه وكل شي يخوف ف هذاكه اليوم بعدين دخلوني لداره اي داره وحوايجه ودولابه وكل شي يخصه 😔😔😔 طلعولي لبسه لبسته يوم الخميس وكل شي ريحته ف هذيكه الدار اااااااااااااااااااااااه ع الدنيا قداش توجع خديت سوريته وروحت بيها وخلاص وقت مغرب لازم نروح طلعت روحت وكله مصدومه وكل شويه نشوف لهاتفي نستنا ف اتصاله مش من عوايده مايتصلش ولا مايبعتش رساله وجعتني كيف دفنوه قبل نشوفه لكن مافيش ف يدي شي نقدر نديره روحت الحوش تعبانه ماما خيرك وبابا وخوتي العيله كلها تعرف بس امي وبوي ماقتلهمش لأن خوفت يبطلوني من المعهد باش ننساه واني نبي المعهد ونبي كل شي يفكرني فيه نبي منطقته ونبي بلاده وكل شي البلاد يلي مات فيها طبعا قصفه الطيران وهوا ف أرضهم ف منطقتهم لا ف الحرب ولا شي خالاتي وكلها تعرف انه مات وم خليتهمش يقولو لماما تعبت ويوم ع يوم نفسيتي تزيد تتعب وماما تحسابني مريضه صارلي شي ف عرس اختي ولا حد عيني المهم هكي تفكيرها وبترفعني لشيوخ بعد شهر يمكن مشت لحوش خالتي حكتلها خالتي كل شي بس تصرفت معاي وكأنها ماتعرفش طبعا بعد تلاته شهور بدت القرايا
خشيت المعهد يلي ف كل زاويه عندي ذكره معاه الباب ضروري لما نطلع بنروح نلقا سيارته بديت معاش نشوف فيها💔 ف المعهد البنات والكل ف عيونهم زي الشفقة ولا مانعرفش كيف ولما يجو يعزو فيا ولما نخش المحاضره ونطلع مانلقاشي اخر مكان وقفنا فيه والكفتيريا يلي جمعتنا وهلبا ذكريات ماكتبتهاش باش ماتطولش القصه كيف ننسا وكيف نتأقلم؟؟
كان سيمستر كئيب ومملل وكل نكد ف نكد السميتر التالت طبعا طلعت النتيجه ونجحت وفرحت اني فرحته ف قبره قعدت ماده بس يلي قتلكم ماجاوبتش فيها ونجحت حتي السميتر التالت وقاعده الماده نفسها ماصفيتهاش حتي ف التالت ورحلتها معاي للرابع خوه الصغير كان مهون عليا شوي صوته زيه وكان يجي للمعهد ومايرضاش فيا دقه الشوكه كان يقولي اني خوك وكل شي هنايا وطول مااني حي مافيش واحد يقدر يوصل فيك كان يعامل فيا كأني مرت خوه يسأل عليا ويطمن ويجي للمعهد يشوفني ويروح وياويلهم لو حد يوصل فيا وكنت لما نستاحش خوه نقوله تعالا ف سيارة عليوه يجيني فيها ولين تم السميتر التالت وهوا هكي خوووي يلي مجابتاش امي طبعا طبعا صغيرون م2001 بس توا رمضان السنه هذي استشهد حتي هوا ف قصفه طيران 💔💔 صدمته موته لأن صغير وف عز عمره وووجعني حبيبته صاحبتي وغاليه عليا ربي يصبرها ويصبر اميمتهم وتلقاهم قدامها ف الجنه ياربي
مشيت للعزي بس المره هذي رفعني بابا وخشيت تاني لحوشهم وكل خطوه نخطيها جهه الحوش كان عقلي يرفع فيا للخيال نتفكر كيف كان يحكيلي ع تفصيله حوشهم ووين يقعمز وكل شي ف خاطري علاش ي ربي علاش كان خاطرنا نتزوجو ونعيشو حياتنا وتكون نهايتنا حلوة والله نحبه ومن قلبي وهوا نفس الشي كان جنه ع هيئة انسان كان بحجم الوطن كان يخاف عليا اكتر من اي حد غيرني ف كل شي ولليوم قاعده نستنا فيه يرجع لليوم قاعده نستنا فيه يجيني نتمناه يجي ولو ساعة
وهكي تمت قصتنا ✋✋💔
يلي زيها الاف القصص الي نهتها الحرب
# بس نصيحه حبو بعضكم وخافو ع بعضكم رآهو الموت متستاذنش وكلمت ياريت ماتنفعش وماتردش يلي راح والله تندموووو ع كل تانيه وجعتوهم فيها تنازلو وضحو ع خاطر يلي تحبوهم الدنيا فانيه والله
