#أحببت_جندي(واقعية)
الحلقة6
زهرة: ايوا عليوة كيف حالك عظم الله اجرك والبقيه ف حياتك
علي : ف حياتك الباقي 😔
زهرة: (😳😳😳😳😳 سمعت ف صوته نبرة ولا مرة سمعتها انصدمت من تنهيدته الي طالعه من نص قلبه)
كيف حالك شن اخبارك طمني عليك
علي : الحمد الله 💔
زهرة:لقيته تعبان ونفسيته متحطمه جوه اخي وكئيب حسيت روحي أخيه عليا وين كنت اني كيف هان عليا نخلي حبيبي هكي ع اسباب تافه شفت ان الدنيا ترفع ف اي لحظه وحسيت لو كان هوا صارتله حاجه واحني متعاركين شن بيكون رده فعلي خفتتتتتتت هلبا وصغره بيا الدنيا تأسفت منه وقعدت معاه فتره واني نهون عليه ونصبر فيه
علي : توا بس كيف ارتحت شوي 🔥
زهرة : اني معاك ديمه ومش ح نخليك
...........................................
علي : فات الوقت وتم عزي جلال منسيتاش لكن بديت نتأقلم ع عدم وجوده والحمد اللله مشت الامور معاش نزلت للجبهة نهائي وتم رمضان ✋ جي العيد وفات العيد والكل كأن كئيب مش ع موت جلال بس ع موت جلال وهلبه شباب من منطقتنا مشو ف هذاكه الشهر وكأن شهر الفقد 😪💔
زهرة : رجعت لعليوة ووحالته تحسنت وتم رمضان ع خير ووليت للمعهد واني كنت امتحانات جاني عليوة اول يوم ف الامتحانات
زهرة : استاحشتك 😍
علي : حتي ني 💔
زهرة : اول مخش علي للمعهد حسيت سرح ف مكانه هوا وجلال ووجوه تغير وولت نبرة صوته الي سمعتها اول معزيته ف جلال وكان مقعمز معاي وباله ماشي بعيد وكل منكلمه ونوضه من الشرود الي هوا فيه يقول الله يرحمه وخلاص وفات هاضاكا اليوم كئيب ع عليوة لان فاقد صحابه الزوز 💔💔
فات اليوم عادي ووقت كلمني علي حسيته متغير
زهرة : خيرك علي هكي فيك شي
علي : لا مافيا شي
زهرة : متأكده ان فيك شي
علي : اليوم جاني........ وقالي.................... (مكتبتش الموقف حفاظا ع الخصوصية صاحبة القصه )
زهرة : مستحيل علي معقوله اني هكي ندير وانت كيف تصدقه
علي : شخص قريب مني مستحيل يكدب عليا ولا مرة دارها قبل 🔥🔥
زهرة : لكن بريئة من تهمته ✋✋
علي : توا يبان 🔥🔥🔥
..........................
زهرة : حسيت الدنيا ضاقت بيا علي الي كان كل شي بالنسبة ليا ولا يوم شك فيا وكانت تواجه فينا مشاكل بشكل مستمر لكن كان يجيني يناقش فيا ويصدق فيا حتي يزعلل ويتكنطى مني يقعد معاي وصلت بينا ف مرة من المران مرينا بموقف شبيه من هذا قعد معاي لين بانت الحقيقه قعد جنبي وزاد اهتمامه بيا لين نحلت القصه لكن المره هادي غير المرة هادي كان مصدق ونبرة صوته غريبه كانت نبرة واحد متأكد من الشي وقلص الكلام معاي محبش يطول معاي الكلام بسرعه قال الي عنده وسكر ✋✋🔥
............................
علي : وقت جاني الاتصال وقالي الشخص هذا نبيك ف موضوغ يخصك اخر شي توقعته بكون ع زهرة جاني وقالي الكلام تمنيت انوض انفتفته مع ان كلام عادي يعني مش الي يستحق كل هالانفعال لكن اني نشوف فيها شي خاص بيا منتحملش حد يلفظ اسمها وللأمانه هالمرة شكيت لان الشخص الي قالي يعتبر قريب ليا
فاتو ايام يوم وتنين وتلاته واني محاولتش نتتصل بزهرة صح كنت نستاحش فيها ويومي ميتمش من غيرها لكن ضاغط ع روحي منبيش نكلمها لين نثبت الموضوع ياننهيه ياتكذب الكلام اي نحبها ومش قادر ع بعدها لكن كنت نشوف ف الموضوع مصيري 🔥💔
لكن قررت نتصل بيها مشعارف السبب لكن الي نعرفه ان لازم نتصل
علي : ايوا
زهرة : اهلا😢😢
علي : خيره صوتك هكي شن فيك
زهرة : مريضه وراقده ف المستشفى
على : (حسيت بقلبي نار وقعدت نسأل ونستفسر لين اطمنت عليهاا لكن قاعد مش راضي وعرفت ان غدوة عندها امتحان فقررت مدامه هكي نتلاقى معاها غدوة وننهي القصه ✋✋ وكل حد يمشي ف طريق ) مدامه حالك كويس وبرده وخلاص غدوة بنجيك للمعهد باش نهدرزو ووننهو كل شب
زهرة : يعني صدقتني وعرفت ان ملياش علاقه
على : مش ح ننهى المشكله ح ننهى قصتي اني وياك كل حد يمشي ف حاله
زهرة : (حسيت قلبي انكسر لكن كابرت ): اوكي تمام .....سلام
علي : سلام....
صكرت هي وحسيت قلبي انعصر بجد تمنيت ان علاقتنا اطول اكثر من هكي.كنت نبي.نتموها بفرحه وبداية جديده مش بفراق 💔
.............................
زهرة : تمنيت تاني يوم ميجيش وبغير العاده فات الوقت بسرعه وجي تاني يوم كان عندي امتحان مجهزتلاش نهائي وونفسيتي ادمرت بعتت ل علي مسج ان الامتحان مزال وان يجيني قبل الامتحان وجي
علي : كيف حالك وشن وضعك توا
زهرة : الحمد الله كويسه 💔
علي : (كنت منبيش نفتح موضوع الفراق وكأن لما شفتها قلبي رق هلبه مش شوي ✋✋💔) شن تجهيزك لإمتحانك اليوم
زهرة : مش تمام مقريتش بكل ....... وعطيته بظهري وتكلمت لان معاش قدرت نتكلم .... خلاص علي امشي مش معاش تبيني شن مزال تبي مني
علي : متأكده نمشي 🔥💔
زهرة : ( غم عليا قلبي وعيوني تعبو دموع ) : أي متأكده 💔 مش انت تبي هكي خلاص امشي
علي : اوكي سلام
.............
زهرة : تلفتت ولقيته ماشي حسيت بشي مشي معاه وتحطمت مع هذا تصنعت القوة ولميت حطامي ومشيت للبنات وكان قريب وقت امتحاني ومبيتش نخش للإمتحان خشو الي معاي والقروب كله الا اني حالتي كانت تعبانه ومدمرة وشوي وااتصل علي
زهرة : ايوا شن مش معاش تبيني علاش متصل
علي : خشي ل امتحانك وبعدين نتفاهمو
زهرة : مش خاشه وخلاص خليني مش بتخليني 😭
علي : خشي احسن من نجي ندخلك بطريقتي
زهرة: خفت لان عارفاته يديرها ويجي وقتله تمام وخشيت للإمتحان ومجاوبتش نهائي ومكانش بالي معاي نهائى كنت نستنى امته نطلع بس 💔🔥
.......................
تم الوقت وطلعت لقيته يستنى فيا خداني ومشي بيا لمكانه المعتاد واني نهرت معاش قدرت نتحمل بكيت بكيت وهوا مقدرش يتحمل دموعي 🔥💖
علي : خلاص زيزو اني مستحيل نخليك كنت نبي نعاقبك باش معاش ادرقي عليا شي 💔
زهرة : لكن القصه مش زي موصلاتك القصه هي
علي : معاش تكملي معاش نبي نسمع شي خلاص قصة وتمت
زهرة: رضاني ورجعنا من جديد وكان جايني بالعسكري 💖💖💖 حسيت بهيبته زايده ومطلعش لين تأكد ان رضيت مع ان الغلط مني وبعد مكانت حالتي مصفره رجعت للبنات والضحكه شقت وجهي شق وفرحانه بنطير واني مع البنات نحكيلهم جتني بنت قالتلي
البنت : ....................
زهرة 😡😡😡😡😡😡 #يتبع
