#أحببت_جندي(واقعية)
الحلقه4
علي : كيف ناض ممن النوم وخدي فونه اول شي متأمل ان يلقى مسج او مكالمه من زهرة لكن نصدم وجي واقف لما لقي اكثر من 30 مكالمه من جلال ومسجات محتواهم كله كان رد وينك نبيك ضروري طول قلبه ولعت فيه نار لأن عارف ان جلال معروف وف نفس الوقت عنده اعداء هلبه فخاف يكون صاير معاه شي وع طول اتصل بيه
جلاال : عريس الزين يتهني 😂😂😂😂
على: بالله عليك شن تحس انت اني متصل ومتخيلك حتي ميت من عدد المكالمات الي لقيتهم وانت تتسهوك
جلال: مش متفاهمين نبو طرابلس مع بعض نضت من الصبح نتصل بيك ومرديتش نشغلت عليك شديتها ف جرتك هذا علاش
علي : الوووووووه نسيت مره وحده 😟😟 وتوا كيف صار فيك
جلال: نزلت اني وجهاد
علي: باهي 100% المهم نظم امورك وكان صارت حاجه كلمني طول
جلال: تم تم
علي : سلام
................................
زهرة : فات اليوم بصحبة العيله وكان يوم رائع ع الكل واني بالذات زاد شعور الراحه وقت طمنتني بنت عمي بالكلام الي قالتهولي عليه وعرفت ان فعلا صادقا 🔥
وهوا مخلانيش بعد كل دقيقتين ولا تلاته يوصلني منه مسج كل مسج يوصف فيه شعور جديد واني مع كل مسج يزيد شي يتحرك اتجاها 🔥💖
واتصل بيا علي وقعد وقت طويل يحكي للفجر وكان من الاشياء الحلوة الي فيه ان محافظ ع الصلاه فكان حتي وقت نحكو ويأذن الأذان يقص المكالمه ويصلي واستمر الوضع هذا أيام واني ع نفس الروتين تعودت ع علي وبدي شي قوي اتجاهه وبديت نستني ف اتصالاته ومسجاته وكل يوم يجي للمعهد ويشوف فيا من بعيد ويستنى فيا لين نروح وكان مهتم بيا اهتمام مش طبيعي واني للأمانه بديت نكنله مشاعر قويه او بالأحري نقدر نقول فترة التعارف تمت وخشيت معاه فترة حب كان ضروري ولازم من اولوياته ان يشوفني للأمانه كان سب ف تغيير هلبه حاجات فيا لان كان شخص غيور جدا ومحافظ عليا اكثر من الكل واستمرينا الحمد الله مع ان تعرضنا لتنغيص من اقرب الناس ليا وليه لكن هوا كان متفاهم لأبعد الحدود وفوق هذا كله كان يحبني بجد .
.............................
في حوش علي
عبدالمهييمن : الجبهة ف طرابلس ع الخط 🔥
على : اي سمعت وبعد غدوة بننزل اني وجلال ✋
عبدالمهيمن : وسعو بالكم بالك تنحل الامور لان قالو ان لما الجبهة حمت بيلجؤ لحل سلمي
علي : هذا وطن والوطن ميبش توسيع بال قررت بننزل بعد غدوة بإذن الله رد بالك من امي 💔
عبدالمهيمن : منبيش نعرضللك ربي معاكم تمشو وتجونا سالمين
علي : يارب 💖 لكن مشكله توا أمي كيف بنقووللها
عبدالمهيمن : اي مش ح ترضى 💔🔥
علي : مش ح نقوللها اليوم غدوة ح نقووللها وان شاءالله ترضى
وتوا نوض اربح من بحداي الساعه 12 كان بترقد
عبدالمهيمن : اكيد بنرقد 😉😉😉 وهاني نضت سلم ع غوالي 😂💖
علي : ناض من جنبي عبدالمهيمن واتصلت بزهرةوهدرزنا وحكيتلها شن درت ف يومي كامل ولأن اخر ايام ف المعهد لان بعدها ح تكون عطلة رمضان فقررت ان نفتح معاها موضوع اني نوقف عليها شخصيا فقررت اول شي نقوللها اني ح ننزل بعد غدوة للجبهة وبعدها نفتح معاها موضوع الوقوف 😁
علي : زيزو بنقولك خبر 😁
زهرة : ان شاءالله خير
علي : بعد غدوة بننزل لطرابلس اني وجمعه بنمشو للجبهة دعواتك ياحبي 💖
زهرة : وين علي جبهة شن الي بتمشيلها الوضع ميطمنش غادي 😳😳
علي : منبيكش توقفي ضدي نبيك تدعيلي وننبيك تكوني متريحه لان اني راجل مينخافش عليا ✊
زهرة : 😭😭😭😭😭😭😭
علي : خيرك زهرة ليش الدموع توا اني ح نمشي ونجي بإذن الله
زهرة : مش ح نخليك تمشي اني تعودت عليك وانت جزء كبير من حياتي منقدرش نفرط فيك 😭
علي : ح نمشي وانت ح تكوني مذ زعلانه ومش ح نقطعك ح نكون ع تواصل معاك لين نروح
زهرة : منقدرش نصبر عليك حس بيا 😭😭😭💔
علي : خلااااااص عاد زيزو بالله عليك متخلينيش نمشي واني مشغول كان تبيني نمشي واني مرتاح نبي طلب
زهرة : أطلب عيوني 💔
علي : غدوة بنجي للمعهد وبنشوفك ومش زي قبل من بعيد نبي نوقف عليك 😐
زهرة : عادي وحتي لو انت مقلتش اني كنت ح نقولك
علي: خلاص تم غدوة ح نجيك للمعهد ونوقف عليك وح تكون اول مرة لينا 😁😁😍
زهرة : اي اي 😥😥💔
علي : عيييوووووني بلاش زعل ح نمشي ونجي نوعدك ✊💖
زهرة : كنت خايفه من موضوع مشيته بس لقيته مقرر محبيتش نوقف ف طريقه
واستمرت هدرزتنا وبعدها صكرنا ومشيت ف النوم
.......................
تاني يوم عند علي
علي: نضت بكري كأني مرقدتش الفجر بس 😁 متشوق اول مرة بنوقف عليها ترليون شعور كنت حاس بيه وتجهزت وطلعت وقررت نمشي بروحي حتي جلال فوته اليوم 😁👋
............
زهرة : نضت وحاسه شعور حلو لبست وجهزت نفسي وطلعت للباص كنت نحسب امته اتم هالطريق ونوصل للمعهد ووصلنا واخيرا 😍😍
نزلنا وكانت عندي محاضره اولي خشيت طول لمحاضرتي وكانت ف المسرح خشينا وبدت المحاضره منتبهتش ع الاستاد كان عيوني ع الفوون ونراسل مفكرتش ف ولا حاجه الا فيه وسألني وين ناخدو ف المحاضره وبعدها معاش وصلني مسج 💔
سها : حي زيزو شوفي من واقف ع الباب😂
زهرة : حي عليوة 😍😍😍
علي : كنت سارح فيها ومنبيهاش نتحرك كأن أول مرة نشوفها سرحت فيها بشكل خيالي لين قصت عليا صاحبتها وقتت قالتلها وشافتلي وابتسمت
زهرة : وقت تلفت ولقيت عليوة واقف ع الباب حسيت الابتسامه طلعت من قلبي لان الإضافه الحلوة ف حياتي 💖 معاش قدرت نقاوم نتلفتت للاستاد شوي ونرجع نلقاه سارح فيا نفس الشي واكثر واستمر الوضع لين تمت المحاضره 💖
وطلعنا
سها : شوفي علي غادي ف الممر شكله يستنا فيك
ريان: شن بتوقفو ع بعض
زهرة : اي .... باي بنات توا نجيكم
......................
علي : وهي جاية منزلتش عيوني عليها نشوف فيها كأنها إنجاز 💖🔥
وجت سلمت وهدرزنا شوي وسألتها ع الحال والأحوال وتفاهمت معاها ع حاجات وكانت متجاوبه معاي وحسيت منها بالحب ف تصرفاتها كلهم وجي الوقت الي لازم نطلع فيه من المعهد
علي : زهرة اني توا بنمشي خلاص وقت جلال من بكري معشش عندنا شوي أمور بنتموهم قبل لاننزلو لطرابلس
زهرة : اوكي ...... دير بالك ع روحك
علي : ونوعدك لمعة الحزن الي ف عيونك نمسحها واني علي ✊🔥
زهرة: ان شاءالله تمشي وتجي بخير وتروحلي بالسلامه يارب
علي : ان شاءالله يارب اني طالع توا بينا آلوووو
زهرة : ربي معاك 😍💖
وطلع
...................
جلال: ت وينك من الصبح نتصل تصكر عليا
على : هاني جايك دقايق ونوصلك
وصل علي ل جلال نضمو أمورهم وجهزو أرواحهم وروح علي للحوش ع خاطر بيحكي لأمه ع موضوع نزلته للجبهة
علي : امورك ياغالية
نورية : بخير مدامكم بخير 😍
علي: عليوة غدوة نازل لطرابلس انتي الي ربتيه وعلمتيه يكون راجل ميهابش الموت وانتي الي فهمتينه ان محد يموت ناقص عمر وانتي الي تقوليلنا شوفو بلادكم شن صاير فيها جي الوقت الي بنمشي 🔥👋 ونتمني من كل قلبي انك متوقفيش ف طريقي وتدعميني بدعواتك وتكوني راضية عليا
نوريه : لااه ي وليدي انتم عيوني الي نشوف بيهم منبيش نسترزا ف حد منكم 😭
على : بإذن الله ح نمشي ونجي توا الجبهة حامية ويبو الدعم وح نمشي ونجي اول ميخف الوضع شوي ونتمني من ربي انك متقفيش ضدي لانك لو مش راضيه ع مشيتي مش ح يصيرلي خير
نورية : إستودعتكم لي ربي الي متضيعش ودائعه
أنتم ولاد ربي عطاكم ليا ربي ويعرف امتا ياخدكم 🔥
امشي وليدي مفتوحه قدامك قويك ع من يعاديك وتروحلي بخير ومنصور
فرح علي هلبه هلبه بموافقة امه وكلم زهرة وحكالها وقعد يفهم فيها حتي هي انها متخافش وانها تدعيله
وروح ف اليل حتي هوا كلمها وهدرزو وتاني يوم مشي علي لاجبهة وفاتو ايام يتصل مره مره لكن مش زي قبل
سها: خيرك زهرة مش تمام
زهرة : اخر يوم ف المعهد بعدها رمضان كاملل ومش ح نشوف علي وهوا ف الجبهة ومشغوله عليه ربي يحفظه يارب
سها : مش يكلم فيك ولاه
زهرة : أي يكلم فيا كل يوم شوي لكن مش مطمنه ومشغوله
سها : ربي يحفظه
...............
علي: بدل الأسبوع قعدت 10 أيام ف الجبهة مقدرتش نروح لين تهدا الجبهة مستاحش امي وخوتي وزهرة 💖 وروحت اليوم اني وجلال لان الوضع هدي
........
علي : نوريةة😍😍😍✊
نورية : مرحبتين مرحبتين
وعلي استقبلوه خوته وامه واحسن استقبال وفرحو ان بيخشو رمضان وهوا معاهم وهدرزو وضحكو وولت الفرحه من جديد
..............
أما زهرة فكانت فرحانه بطير واتم ف شغلها كله قبل لايثصل بيها علي كانت تفضي ف روحها ليه
........
كنت مستاحش امي وخوتي لكن وقت شفتهم وهدرزة معاهم نطفي شوقهم وبديت ندور ف طريقه باش نستفرد ونكلم زهرة💖
وفعلا قدرت ننسحب منهم بحجة اني تعبان بندوش وبنرقد وع طول كلمتها
زهرة : ايوا 😍
علي : استاحشتك هلبه هلبه هلبه🔥🔥🔥🔥
زهرة : واني اكثر والله 💖🔥
واستمرت الهدرزه بينهم وقت طويل طويل وكأن البعد زاد ف حبهم .
وجي شهر رمضان وزاد حبهم وتعلقهم ف بعض بشكل كبير 😍😍😍
وكانت المسجات بينهم متوقفش نهائي وهوا فرحان بيها أكثر من اي شي تاني ويشوف فيها شي رائع
................
جلاال : أسمع ياعليوة الوضع ف طرابلس حامي بنولي للجبهة 🔥
علي: ع موتك معاك وغلاك 🔥
جلال: خلاص تم موعدنا اليوم بعد الفجر
على : تم امالا توا حطني ف الحوش ونتلاقو بعد صلاة الفجر
...............
علي : أمي غدوة مولي لجبهة إدعيلي
نورية : لاالا المرة هادي معندكش الادن الوضع متأزم
علي : بالله يأمي متوفقيش ف طريقي وخليني نعيش بعز ولا نموت بعز 🔥💖
نورية : عارفاتك كان صكرت راصك لكن كان تاخد رايي متمشيش ي ولدي الوضع طلع من السيطره فكر فينا وف خوتك وخواتك فكر ف زهرة بنت الناس الي معلقها معاك
علي : (وقت قالت إسمها كأن حد عصر ع قلبي وحتي امي لاحظت الشي لكن كابرت) : اعطيني رضاك يأمي وبإذن الله ميصير كان الي كاتبه ربي
أمه : راضيه عليك لاييوم الدين وربي معاك
وطلع علي
.....................
زهرة رن فونها لقتها نورية ام علي
نورية : أهلين بنتي كيف حالك واحوالك وكيف حال عيلتك
زهرة: كويسين عمتي كيف حال البنات والولاد وشن وضعك انتي كويسه
وحكت نورية لزهرة الي صار وطلبت منها تضغط عليه وتفنعه ان ميمشيش اقل شي هالفتره لين يهدا الوضع شوي وقتلها زهرة انها ح تحاول ونهو المكالمه
وزهرة ققعدت تستنى ف اتصال علي واتصل
علي : هلا هلا 😍😍
زهرة: اهلين شنجوك
وهدرزو شوي ومحبتش زهرة تبدا ف الموضوع لين يقوللها هوا واخيرا قال
علي : زهرة بنقولك اليوم بعد الفجر ح ننزل لطرابلس بنولي للجبهة
زهرة : مستحيل علي مستحيل نخليك تمشي للموت برجليك 😭😭😭
علي : ح نمشي ونجيك نوعدك ومش ح يصير الا الي كاتبه ربي ادعيلي بس
زهرة : علي المره هادي مش ح نخليك تمشي ويصير فيا زي مصار المرة الاولي مامشيت وجيت لين قريب متت
علي : قل لن يصيبنا الا ماكتب الله لنا
زهرة: ونعم بالله ..... مش قتلي نبيع الدنيا ونشريك صح ولاه 🔥🔥🔥
علي : قلت وعند كلمتي 🔥🔥🔥✊💖
زهرة: إختار يأني يإنك تنزل للجبهة✋😭
علي .................#يتبع
