#أحببت_جندي ( اقعية)
الحلقة5
زهرة : مش قتلي نبيع الدنيا ونشريك
علي : قلت وعند كلمتي 🔥✊
زهرة: إختار أني ولاتنزل للجبهة
علي : اكيد بننزل للجبهة ✋✋ مش لاني منحكبش ولا تراجعت ع كلامي قاعد شاريك ونبيك وقاعده #نبضى لكن بننزل ع خاطرك وخاطر أمي وخواتي بننزل باش تعيشي ف عز باش ترتاح البلاد ونجيبك عندي بنمشي للحرب وبنسلم امري ل ربي
ومدامك خيرتيني ح نختار الحرب وتوا بنقولك ردي بالك من روحك وخليك عاقله ووقت نروح يصير خير بإذن الله 💔
زهرة : لكن
علي : منبيش نسمع شي ✋✋✋✋ سلام توا وكان روحت نتفاهمو 🔥💔
..........................
زهرة: قلت كلمة وندمت فيها مكنتش نبي نخيره كنت نبيه يقعد ومنبيشي يمشي خايفه عليه اكثر من روحي لان الوضع غادي ميطمنش ومنصدمتش لما اختار الجبهة لان ديمه يقولي روحي متغلاش ع ترابنا 💔
وسكر الخط وولعت ف قلبي نار ومعاش عرفت نتصرف حسيت بروحي من اليوم ضعت وتشتت وهوا مليشي دقايق مصكر مني سلمته لي ربي واستودعته ليه صليت ودعيتلا ربي يحفظه واني ح نقعد نستنى فيه مهما غاب 💔
.................
جلال: رد بالك ف غيابي من كل شي عارفك مش لازم نوصيك لكن رد بااااالك راهم الثعالب هلببه 🔥
جهاد : ربي معاك ياغالي تمشي وتجي بخير وتروح وتقعد سند ليا طول العمر
جلال : ان شاء الله ان شاءالله
..............
نورية : أمته العزم ياعليوة
علي : شوي تاني ي غاليه
نورية : رد بالك من روحك ياولدي ومتنساش الي معاك خوك والي مقابلك خوك 💔
علي : ربي يصلح حالنا يأمي متخافيش عليا راني راجل ونهني
نورية : عمر الرجال قصير ي وليدي 💔
علي : محد يموت ناقص عمر
نورية : ربي معاك ويحفظك وتروح بخير وسلامه
علي : يااااااارب ....... خلاص قريب وقت بنطلع 👋
نورية : ربي معاك تمشي وتجي بالسلامه 💖
عبدالمهيمن : رد بالك من روحك ياغالي وخلي هاتفك مفتوح وكان صار شي كلمني طول
نيزك : تمشي وتروح بخير ياسندى
علي : نيزك خليك هادي وموضوع انك تنزل ل الجبهة توا فوته لين نروح ريحني ومتخلينيش نمشي واني مشغول
نيزك: حاضر 💔🔥 رد بالك من روحك ع خاطري 🔥🔥
علي: تمام ✊ تبقو ع خير 👋👋👋
وطلعو الشباب ووصلو للطرابلس وتاني ونزلو للجبهة
.............
زهرة : اليوم تاني يوم وأكيد علي حاليا ف الجبهة نار ووالعه ف قلبي معاش عرفت كيف نتصرف ندمت اني خيرته واني عارضته ياريت ريحته وخليته يمشي مرتاح زي المرة الاولي اقل شي كنت نكلم فيه ونطمن عليه وقعدت ف دوامه وكل شوي قلبي يزيد يغلي نتابع ف الاخبار وحاسه قلبي معصور نتصفح ع النت وخايفه يلاقيني خبر يدمرني 💔😭
وخطرلي ان نكلم نيزك خوه لان مرة باعتلي من رقمه مسج وقاعد محفوظ عندي ف الاول تررددت وخفت لان علي غيور ومحافظ لكن نيزك كان أحب واحد ف خوته لعلي وكان يعتبر فيه خو وصديق وف مواقف كان يعامل فيه ف معامله الأب 💖 فقررت اني نتصل واتصلت
زهرة : ايوا 😐😐😐😐
نيزك : ايوا من معاي
زهرة : أني زهرة 😟
نيزك : من زهرة 🙄🙄
زهرة : إنت نيزك خو علي ولاه😪
نيزك : اهلا اهلا وخيتي كيف حالك كيف حال العيله سامحيني راهو منحسابكش زهرة خطيبة علي
زهرة : اي اني زهرة نبي نسألك ع عليوة كيف حاله وشن صاير فيه 😭💔
نيزك : كويس الحمد الله يكلم فينا كل يوم مرات
شن مفيش تواصل بينكم هالفتره ولا كيف 🙄
زهرة : لا والله 😟😟💔 بينا سوء تفاهم ومفيش واني قلبي نار عليه ونبي نطمن طمني بالله عليك
نيزك : الحمد الله اموره كويسه وبخير متنشغليش عليه
زهرة : بارك الله فيك وخيه وياريت كل مايتصل بيكم اطمني بمسج ولا مكالمه ومتقولش ل علي لين يروح وتوا اني نقولا
نيزك : بإذن الله ولا يهمك ..... سلام وكان احتجتي حاجه كلميني طول
زهرة : صحيت 🔥.... سلام
..........................
زهرة : بعد كلمت خوه ارتحت شوي وقدرت نطمن صح وجعتني منه كيف عنده وقت ويكلم فيهم واني لا بس ميهمش المهم ان هوا بخير وكويس صليت ودعيتلا وحسيت توا بس قلبي ارتاح من يوم مشي
...................
علي : اليوم لينا أربعه أيام ف الجبهة واليوم المكان الي فيه الوضع هادي جدا واني كنت مرايف ومستاحش لين خلاص من يوم ارتبطت بيها هادي اول مرة نقعد اكثر من ساعات منكلمهاش حاس كأنه حاجه خانقنتني بلاها لكن ضغطت ع روحي وقررت نعاقبها باش تتعلم ان الوطن حاجه ميتساومش عليها
...................
فاتو 8أيام ع كل نفس الروتين علي وجلال ف الجبهة وخوتهم وعيلاتهم عايشين ع اعصابهم لان الوضع ف طرابلس ميطمنش نهائي زهرة كان المنفس الوحيد الي يطمن فيها ع علي نيزك وكانت مش مرتاحه والمعني الأصح انها مشغوله هلبه مش شوي ومستاحشه اكثر واكثر 💖🔥
................
علي : جلال شن رايك نروحو يومين تلاته ونولو بإعتباره الوضع هادي شوي
جلال: لا لا اني مش مروح توا مزال روح انت وتوا اني نلحقك بعد يوم ولا يومين ومعاش نولو لابعد العيد 💔
علي : علاش شن عندك كان عندك شغل ولا موضوع نقعد معاك لين نحلوه ونروخو جميع
جلال : لا لا مفي شي بنقعد هاليومين هني بالك تصير حاجه وبعدك طول مروح حتي ني
علي: عارف كيف شن رايك نروحو غدوة ونولو بعد غدوة
جلال : خلاص روح انت طمن العيلة وخوتك وطمن جهاد يطمن العيلة و ولي الجمعه تلقاني نستني فيك
علي : تم حتي هذا راي غدوة نروح وبعد غدوة بعد الجمعه نكون عندك
جلال : تم رد بالك من روحك ياغالي 🔥🔥
علي : تم تم ✊
.................
زهرة : نعد ف الايام باليوم بالساعه والدقيقه اليوم 17 ف رمضان واني حالتي مش تمام بكل بكل مشغوله بنموت عليه وقلبي فيه نار وكنت اغلب وقتي سارحه حتي العيلة لاحظو عليا الشي هذا
وقطع الشرد متاعي مسج فتحته بكل برود متأكده مش علي وفعلا مكانش من علي كان من نيزك
(كيف حالك وخيتي ان شاءالله تكوني بخير بنقولك عليوة كلمني وامورة تمام وغدوة مروح ان شاءالله)
فرحت هلبه ووردتلي الروح حسيت كأن حد نفخ فيا وولت ضحكتي تلقائيا قعدت نعد ف الساعات لين جي تاني يوم ونضت بكل نشاط نستنى ف اتصال عليوة
....................
علي : وصلت للحوش استقبلوني كلهم وفرحو بيا كالعاده وامي لاقتني بدموعها كأنها كانت مجهزه نفسها انها تسمع عليا اي خبر تاني لان المكان الي كنت فيه ميطلعش منه كان طويل العمر هدرزت وحكيتلهم شن صار معاي دوشت وغيرت وارتحت شوي وبعدها اتصلت بجهاد ومشيتلا ف الحوش طمنته ع جلال وقتلا ع هلبه حاجات وصاني عليهم ان نوصلهملا وصلتهملا
جهاد : شن ياعلي الكلام هذا شن مهوش مروح وبيقعد ولا كيف
علي : والله ماني عارف اني غدوة مولي غادي المهم حني امورنا غادي كويسه قلت نمر عليك ونطمنك لان غدوة بننزل تاني تبي حاجه توصي حاجه
جهاد : لا لا سلامتك بس رد بالك من روحك ومن جلال بس💔
علي : ان شاءالله هي سلام
وروح علي للحوش
..............................
زهرة : فات اليوم كله واني نستنى ف علي يتصل والوقت يفوت وهوا متصلش 💔 حسيت بشعور اخيييي لين خلاص معقوله عليوة نساني 💔🔥
وفات اليوم وجي اليل ورقدت ودموعي ف عيوني ولأول مرة نرقد واني مجروحه منا
........................
علي : فات اليوم وجي وقت مرواحي للحوش جيت ف نفس المكان الي نكلم فيها فيه شديت الهاتف ب نتصل لكن تراجعت ف أخر لحظه تذكرت ان مدورتنيش ولا كأني كنت ف حرب ولا قلبها هف عليا لكن شعور الشوق مسيطر عليا والحب الي عاميني وشعور الي مخليني قالق عليها وحاس ان فيها حاجه 😐😐😐 وكل الدوامه الي اني فيها مقدرتش نرقد لين صبح الصبح ورقدت ونضت مخلوع من رنت الهاتف هي الرنه المعتاده ومفروض متخلعنيش لكن نضت مخلوع رديت ولقيته نيزك ولقيت منه صدمة عمري الي مكنتش ف يوم متوقعها
نيزك : نوض نوض ياعليوة صاحبك مات جلاال مات العمر ليك 😭😭😭😭
على : حسيت سكاكين ف قلبي خشو تذكرت كلامه ليا قبل لانروح كيف يوصي فيا ع خوه وع عيلته وكيف يوصي فيا ع روحي حسيت الدنيا درات بيا صديق عمري واقرب شخص ليا وخوي الي مجاباتاش امي اليوم مات من اليوم تم كل شي صاحب الفزعه وصاحب الايام الحلوة صاحب الطريق الطويلة وصاحب السفر هذا مات
مشيت ف وفاته وكأني جثه هامده نعزي ف اهله واني محتاج حد يواسيني كنت نتصنع ف القوة لكن قلبي مشقوق عليه هوا مش صاحب بس كل الناس شافو منه الجانب المشاكس المغرور المترفع الا اني شفت جلال الحقاني الي مقدر يشوفه حد من وقتها حسيت صور كنت متكي عليه طاح 💔 وحضرت اسبوع عزاه ومنشوف ف شي الا هوا بس كلامه ووصيته اكثر شي آثر فيا
...................
زهرة : لما مكلمنيش عليوة نجرحت منه هلبه وزعلت وكنت مقرره تاني يوم انوض ونكلمه ونرضيه لان حسيت روحي غلطت لان خليته لكن تاني يوم انوض ونتفاجأ بخبر وفاة صاحبه وخوه واني واكثر شخص نعرف شن علاقة علي وجلال قعدت نتصل نتصل بيه ميردش عليا ونتواصل مع نيزك يطمن فيا عليه لمن مبطلتش اتصالات ليه هوا لين تالت يوم اتصلت بيه ورد
زهرة : أيوا عليوة كيف حالك واخبارك والبقيه ف حياتك
علي :..........
زهرة: 😳😳😳😳😳😳
# يتبع
