ماسة في يد القاسي

خدعة محكمة

خرج من مكتبه رفع عينيه بغرور وثقة وابتسم من نظراتهم الي هتموت منه وعليه وفيه وضع نظارته السوداء وخرج من الشركة متوجهاً اليها وجد السائق يقف بإحترام وقد قام بفتح باب السيارة له
كنان : لا روح انت انا هروح لوحدي
السائق وهو يمد له المفاتيح : حاضر يا فندم تؤمرني بحاجة
كنان : لا اتكل على الله . ركب كنان السيارة وتوجه الي المكان الذي تتواجد فيه وصل لها وبدأ يراقب كل تحركاتها
كانت هي تسير بسرحان وتفكر بحياتها وبما قد يحصل بالمستقبل اقترب كنان بالسيارة منها بسرعة كبيرة كادت هي ان تقطع الطريق ولكن تجمد جسدها بأكمله من السيارة التي جاءت مسرعة اليها اغمضت عينيها مستسلمة للموت
لاحظ كنان اقترابه الشديد منها وفي آخر لحظة وضع قدامه على دواسة الفرامل وتوقفت السيارة مصدرة صوت قوي نتيجة للسرعة الي كان فيها ولكنه تعمد ان يجعلها تخبط بها بمقدار خفيف دون أن يحدث لها أي شيء
نزل من سيارته وتوجه إليها بسرعة ليجدها ممدة على الأرضية فاقدة للوعي ليقوم بالخبط على وجهها بخفة حتى تفيق وبالفعل فتحت عينيها بهدوء وصدمت منه عندما وجدت رأسها على قدميه وهو قريب منها بشكل يهيء للغريب انه يحتضنها
كنان بأسف وبصوت حزين : انا اسف مكنش قصدي الي حصل كنت مسرع وسرحان مش شايف قدامي انتي جرالك حاجة
ماسة بهدوء : لا انا كويسة بعدين انت مش غلطان انا الي قطعت بوقت غلط
رفعت نظرها لتجده قد ازال تلك النظارة التي تعيق رؤيتها لعيناه لتظهر تلك العينان التي تحمل اللون الرمادي لتجد نفسها غير قادرة على إنزال أنظارها عنه وبينما كان هو قد وجد ضالته في وجهها لينظر اليها دون ارادة
ماسة بخجل : احم احم ممكن تبعد
كنان : اه اكيد . وقام وامسك بيدها في محاولة لمساعدتها في القيام
امسكت يده الممدودة وارتكزت عليه حتى تقف ولكن ظهر الالم عليها : ااه
كنان وهو يمسك بها جيداً : انتي كويسة
ماسة : اه بس اتوجعت عشان ضغطت على رجلي مش عارفة مالها
كنان : انا هاخدك على المستشفى
ماسة بإعتراض : لا خلاص مفيش حاجة هيا وجعتني بس عشان دست عليها انا هروح بيتي وارتاح وشوية وهتروق
كنان بإصدار : لا مينفعش لازم اخدك معايا المستشفى اطمن واريح ضميري
ماسة باستسلام : اوكي
امسك بها واسندها بخفة لكي تصل الى سيارته
ماسة بخوف : لاء انا مش هطلع معاك لوحدي
كنان بإبتسامة جميلة : ياسيدي اعتبريني سواق عادي وركبتي معاه
ماسة بتردد : ماشي بس انا هركب ورى
كنان : الي يريحك
دلفت الى السيارة ليتوجه بها كنان نحو المستشفى
كنان وهو ينظر اليها من المرآه : انت اسمك ايه
ماسة بخجل شديد : ماسة اسمي ماسة
كنان بإبتسامة : ماشاءالله اسم على مسمى
ماسة وهي تقاوم خجلها : متشكرة جداً
كنان : عالعموم انا اسمي كنان
ماسة : اتشرفت يا استاذ كنان
كنان وهو يغمز لها بعيناه : الشرف لياا
شعرت وكأنها عاجزة عن النطق لتقوم بتوجيه انظارها الي شباك السيارة لتلاحظ توقفه : احنا وصلنا
اشار كنان لها بمعنى نعم وخرج من السيارة يساعدها على النزول وتوجه بها إلى الطبيب ليقوم بفحصها
الدكتور بإبتسامة : متخافيش يا انسة مفيش فيكي حاجة . رفع عينيه ونظر لكنان فوجده ينظر له وهو يرفع حاجبه
خرج منه الكلام بتأتأة : المم..د.ام مفهاش حاجة والله دا بس محل الوقعة يوم يومين وهتروق تقدر تاخدها دلوقتي
نظر كنان لها بإبتسامة تسلية عندما رأى وجنتاها التي غلب عليها الإحمرار من كلمة مدام ليعيد نظره الى الطبيب : اوكي متشكر . ولأول مرة يردف بها كي لا يظهر بصورة المتغطرس أمامها
نظر له الطبيب بصدمة وفتح فمه بقوة ودون مبالغة كاد يصل إلى الأرض معقول كنان مهاب الحديدي شكرني انا طب ازاي دي لاء اكيد انا سامع غلط اراد أن يتأكد ان كان قد سمع بصورة صحيحة ولكن لم يجد لهم أي اثر فقد اخذ كنان ماسة وترك الطبيب يحدث نفسه
الطبيب وهو يخبط رأسه بخفة : وانا اهبل اصلاً اصدق انو شكرني اكيد مشكرنيش لا انا هتهبل اروح اشوف المرضى احسنلي

*******...********

عند كنان وماسة
كنان : هاه قوليلي بيتك فين عشان اوصلك
ماسة لتقوم بوصف عنوان بيتها له
ماسة بإبتسامة جميلة : متشكرة مرة تانية ابتسم لها كنان وهز برأسه
نظرت لإبتسامته لتجد نفسها على وشك السرح بها لتفيق على نفسها وتركض بإتجاه بيتها حتى انها نسيت الم قدمها
دلفت الى البيت واغلقته بقوة تشعر وكأنه قد استمع لنبضات قلبها اغمضت عينيها واعادت فتحهم لتتذكر ان والدها خارج البيت ليظهر عليها الطمأنينة
رفعت عيناها لتلتقي بعينان اختها المتعجبة من مظهرها
ماسة بتنهيدة : اووف
لجين باستغراب : مالك
ماسة بإبتسامة تضيع للموضوع : ولا حاجة اه كنت هقولك هو
لجين بإبتسامة تلاعب لا تظهر الا لماسة : متغيريش الموضوع وقولي في ايه
ماسة باستسلام : هقولك . وجلست تسرد لها كل ما حدث معها
لجين : يعم يعم يحصل معاكي كل ده وتشوفي بتاع العيون الرمادية وانا قاعدة هنا لوحدي
ماسة بحزن : انتي الي مش موافقة تروحي معايا الجامعة وتحضري محاضراتك ومقررة انك تروحي بس امتحانات
لجين بخوف : انتي مش ش.شايفة العالم الي برة بيخوفوا ازاي
ماسة بحزن على حالتها : يا لجين هما مناح بس انتي الي رسمالهم صورة بدماغك ومش عايزة تغيريها عاجبك كدة يعني وانتي متعرفيش حد ومن غير صحاب
لجين بحزن : انا عارفة انك تحملتيني كتير اوي بس اعمل ايه ده شيء فيا ومقدرش اغيره وانتي مش مجبرة انك تستحميليني
ماسة بسرعة : لا والله مقصدتش كده انتي فهمتيني غلط انا بس كنت عاوزة اخرجك من الي انتي فيه والوحدة الي عيشاها انتي متعرفيش انا بطلع ازاي وانا خايفة عليكي انو يجي بابا ويعملك حاجة
لجين بإبتسامة : عارفة وربنا عارفة انو انتي قصدك كده بس انا مقدرش مقدرش انا بخاف اوي من العالم الي برة بحس وكأنهم وحووش
ماسة بإبتسامة حنونة : وانا معاكي ومستعدة اقضي عمري كلو معاكي لوحدك
لجين وهي تحتضنها : ربنا يخليكي ليا يا احن اخت بالدنيا دي كلها
ماسة : ويخليكي ليا يحبيبتي

*******...*******

في مكان آخر كان يجلس في سيارته يبتسم من نجاح خطته وسيرها كما يريد لتظهر صورتها امامه وهي خجلة وابتسم دون ارادة منه ليتذكر وعيده لهم وخرج صوته المخيف : دي مجرد وسيلة انتقام وعن طريقها هاخد بتار اهلي واخليه يتمنى انو متخلقش

.. يتبع ..
.. بحبكم ..
.. بقلم ملك رامز ..

وانتهى البارت لليوم وبنرجع نحكي التفاااعل يا بشر والله ما هتخرب الدنيا لو عملتي فوت وكومنت حلو كده 😂😂 او حتى لو انتقاد والله بتفرحوني وبتحسسوني انكم مهتمين بالرواية واحداثها
ويلا نشوف اسئلة النهاردة ويارب هاه يارب نجاوب علييها 🤭
* يا ترى لجين مالها وليه بتخاف من العالم الخارجي ؟
* يا ترى ماسة قلبها دق ليه ؟
* واخيرا يا ترى هيحصل ايه بين ماسة وكناااان ؟