ماسة في يد القاسي

لقاء آخر

قطع حديثهم صوت صراخ يأتي من أعلى السلم : لاااااءاا يا عشق متوقعتش الخيانة تبقى منك انتي بتخوني ابن عمي يا عشق
رفعت عشق عيناها بخضة لتجده ليل وكان يرتدي تيشرت زيتي وشورت قصير للركبة باللون الابيض وحذاء رياضي باللون الزيتي
عشق بخضة : خضتني يا زفت
خرج صوت رعد الذي نزل للتو وكان خلف ليل : وانت مال امك واحد واخته وبيتغزلو ببعض ايه الي حاشرك بينهم هاه ايه الي حاشرك
ليل وقد جعد ملامح وجهه وكأنه يبكي : قولي يا ابني انت بتكرهني ليه كل مقول حاجة تقوم تقفلي
رعد بضحك : ما انت الي حاشر انفك بكل حاجة
ليل وهو يمسك انفه بحركة مسرحية وكأنه يرجعه للخلف : خلاص هرجعه ومش هدخله بحاجة تاني
انفجر الجميع ضاحكين عليه
رفع رعد عيناه لتلتقي بجميلته كانت عشق ترتدي بنطال باللون السكري وتيشرت طويلة تصل للركبة باللون النيلي وترتدي حجاب اسود اللون وحذاء رياضي باللون الاسود ( واللهي معرف ازبط الوان مع بعضيها ده الي طلع معايا 😂 ) كانت جميلة للغاية غمز لها رعد بعينيه واشار لها بيده بمعنى هموت عليكي ( وانا كمان هموت عليك يخويا 😂 )
ابتسمت عشق بخجل انتبه رعد لنظرات كنان المحرقة : اححمم مش يلا بينا نخرج
خرج صوتها المرتفع : مكنش العشم يا ابن عمي عايز تخرج وتسبني انا بنت عمك هنا لوحدي اهئ اهئ
رعد بضحك : واللهي لو استنيتي شوية بس كنت هسأل عليكي بس انتي مشاءلله عليكي مبتديش حد فرصة انه يتكلم
ليل بمزاح : لاء معاك حق في دي
حور : وانت مالك يا اخويا
ليل بسخرية : انا لاء وهيكون مالي
عشق بتدخل : لاء طالعة جميلة يا بت
حور وقد وضعت عيناها ارضاً تمثل الخجل : اخجلتي تواضعي يا بنتي
ضحك الجميع عليها
كانت حور ترتدي فستان باللون التوتي وحجاب كحلي اللون وكوتش كحلي . اما رعد كان يرتدي بنطال اسود وقميص اسود واضعاً نظارة سوداء على رأسه
خرج الجميع وذهبوا ليمرحوا عدا كنان وقف يراقبهم من بعيد اتى اليه رعد : بتفكر في ايه
كنان : ولا حاجة كنت بتفرج عليكو
رعد : امم
رفع كنان عيناه لتلتقي بها فكانت حقاً تسحر الانظار كانت ترتدي تيشرت باللون الاحمر تعكس حمرة خدودها وجيب باللون الاسود وحجاب ابيض وحذاء رياضي ابيض كانت بجوارها لجين تمسك يدها بقوة وكانت ترتدي تقريباً طقم يشابه طقم ماسة ولكن بلون آخر تيشرت باللون البنفسجي وجيب باللون الاسود وحجاب اسود وحذاء رياضي اسود كانت جميلة بحق ( اللون الاسود واللون الابيض دول يبقوا حبايبي محدش يقولي بتقولي اسود وابيض كتير 😂😂 )
رعد وهو يشير امام وجه كنان : هوهو يا ابني رجعت سرحت فينا برضو
كنان وقد التفت اليه : هاه لا ولا حاجة
واستدار بوجهه مرة اخرى اليها
رعد وهو ينظر الى ما ينظر اليه كنان فوجدها تقف على مقربة منهم
رعد : بتفكر بيها
كنان : اكيد لاء بس عاوز ابدأ من دلوقتي هروحلها
اومئ له رعد وهو يتمنى ان يتراجع عما سيفعله

.......***.......
على بعد مسافة قصيرة عنهم
ماسة بإبتسامة : لجين يا حبيبتي انا هروح السوبر ماركت الي قدامنا ده واشتري حاجة نتسلى بيها ماشي متخافيش خليكي هنا وحاولي انك تنسي الي حواليكي ومتفكريش بحد
لجين بخوف : طب مآجي معاكي
اغمضت ماسة عيناها بحزن على حالة اختها فهي تريد ان تجعلها تعتاد على العالم الخارجي : لاء انا هروح بسرعة وهرجع على طول مش هاخد وقت
اومأت لها لجين وجلست على الرمال واضعة رأسها بين قدميها بينما ماسة توجهت للسوبر ماركت وهي تنظر الى لجين بحنان وخوف في نفس الوقت تتمنى لو تستطيع ان تخرجها مما هي فيه وتجعلها تكمل حياتها دون خوفٍ من أحد قطع سيل افكارها ارتطامها بصدر عريض
ماسة وهي تضع يدها على رأسها من قوة الارتطام : ااااه انا اسفة بجد
كنان بإبتسامة : انا الي آسف
ماسة وهي تدقق بالصوت ايعقل ان يكون هو رفعت عيناها والتقت عيناها بعيناه
ماسة : انت
كنان وما زالت الابتسامة لم تفارق محياه : ايوة انا مكتوب لينا نلتقي من تاني
انزلت ماسة رأسها بخجل ولم تجيبه
كنان : مقولتليش رايحة فين وجاية مع مين
ماسة وهي تشير على لجين التي لم تبتعد عنها كثيراً جاية مع اختي لجين وكنت رايحة على السوبر ماركت الي هناك ده
كنان بهدوء : طب يلا بينا خليني امشي معاكي احسن متفضلي لوحدك
ماسة برفض : لاء مينفعش
كنان بعصبية : يعني ينفع تمشي لوحدك اتفضلي امشي معايا ( طب مآجي انا امشي معاك 😂😂 )
ماسة بعصبية : وانت مالك وبتصرخ عليا ليه انت مين اصلاً
كنان بهدوء كي ينجح مخططه : معلش انا مش عارف ايه الي حصلي لما تخيلت انه ييجي حد ويأذيكي وانتي ماشية لوحدك
ماسة وهي تنظر لعيناه : ليه
كنان : مش عارف حاجة كده جوايا مش عارف افسرها خلينا نمشي ومتدقيش عليا كتير
شعرت بقلبها ينتفض بسرعة من كلماته القليلة التي تحمل معنى كبير
بدأت بالسير بجواره بسرحان ولم تلاحظ انه يجعلها تقترب من البحر ومن منطقة خالية من الناس ثم بلحظة توهان منها دفعها لتسقط في البحر
ماسة وهي تخرج رأسها من الماء وتمسح على وجهها : عااااا عملت كده ليه
كنان بضحك : منا ماشي جنبك وانتي بعالم تاني فقولت اصحيكي بس بطريقة خاينة 😂
ماسة برفعة حاجب : يراجل
كنان وهو يوميئ لها بإستفزاز : يا ست
ماسة وهي تملئ يدها بالماء وتقوم برشها عليه وتبدأ بالركض
كنان وهو يركض خلفها : ليه عملتي كده يا مجنونة
ماسة بإستفزاز : انا مجنونة واللهي محد مجنون هنا غيرك وبعدين انت الي بدأت وانا الي هنهي
وبدأو بالركض خلف بعضهم وسط جو مليئ بالفرحة والبهجة والسعادة حتى كنان كان يعيش هذه اللحظة دون التفكير بشيء آخر يشعر بسعادة لم يشعر بها من قبل حتى هي تشعر وكأن السعادة تغمرها حينما ترى ضحكته الرجولية تعلم انها لم تلتقي به سوى مرتين ولكن تشعر وكأنها تعرفه منذ أعوام فالقلب وما يهوى

.......***.......

عند ليل كان يتابع سيره على الرمال وهو يلعب بالهاتف الذي بيده ولأول مرة لم يعير النساء من حوله اي اهتمام رفع عيناه فوجد فتاة تجلس على الرمال واضعة رأسها على قدميها وترتجف استغرب واقترب منها ليسأله ما بها وضع يده على كتفها فرفعت رأسها وازاحت يده بسرعة وهي تنتفض وتتراجع للخلف
ليل برفعة حاجب وهو يرفع يديه للأعلى وقد عرفها فهو من اتى بالمعلومات عنها لكنان : مش هعمل حاجة انا بس كنت شايفك بتترعشي فجيت اسألك ان كان في حاجة او في حد دايقك
لجين بعصبية : ملكش دعوة بيا ويلا من هنا
ليل وقد بدأت العصبية تحتل ملامحه : ومالك بترفعي صوتك عليا كده انتي عارفة انا مين
لجين بخوف ولكن ترتدي قناع القوة : لا معرفش ومش عايزة اعرف وقولنا يلا من هنا يا عم مش ناقصني عيال فاضية
ليل بعصبية وهو يمسك يدها ويقربها منه : هيه يا بت انتي احترمي نفسك واتكلمي معايا بطريقة احسن من كده لحسا واقسم بالله مهتشوفي نهار طالع عليكي بعد كده
لجين ومن خوفها ورعشتها عندما امسك بيدها رفعت يدها الاخرى وضربته بالقلم
ليل بصدمة فمن هي لترفع يدها عليه اصبحت عيناه حمراء مظلمة ومخيفة جداً : انا تضربيني بالقلم
امسك بيدها وجعلها تستقيم وبدأ بالمشي بسرعة لجين وهي تحاول ان تجعله يترك يدها كرهت اليوم الذي وافقت فيه ان تخرج من البيت لاحظت انه قام بأخذها الى مكان لا يتواجد به أحد
ليل وهو يدفعها للحائط ويحاوطها بيديه وعيناه ما زالت حمراء : انتي عارفة اعملتي ايه انتي رفعتي ايدك على ليل السيوفي
لجين وهي تجلس ارضاً وجسدها كله يرتعش وضعت يدها على وجهها تحمي نفسها : بالله عليك متضربني انا آسفة بجد انت الي جيت لحد عندي بالله عليك تسيبني واللهي آسفة آسلة متضربنيش
ليل وقد أحس بنغزة في قلبه لما فعله بها ولكن هي من أخطأت قامت برفع يدها عليه
ليل بهدوء : متعيطيش
لجين ببكاء : والله آسفة والله آسفة سيبني ارجع
ليل بحنية : مكنتش هعملك حاجة بس انتي عصبتيني ازاي ترفعي ايدك عليا
لجين وهي تشهق : و..وربنا آسفة رجعني تا..ني
ليل بإستغراب من نفسه لانه لم يفعل بها شيء على ما فعلته مد يده لها : قومي هرجعك
لجين بشهقة : بجد
ليل وهو يغمض عيناه ليستطيع نسيان فعلتها : ايوة بجد يلا
لجين وهي تقف عن الارض دون ان تمسك يده الممدودة لمساعدتها
ليل برفعة حاجب من فعلتها ولكن تركها وبدأ بالسير الى المكان الذي وجدها فيه وهي تسير خلفه وعند وصولهم للمكان التفت اليها : المرة دي عديتلك الي حصل بمزاجي لكن وربنا لو اتعادت متبقي يوم في الدنيا دي
لجين وقد بدأ خوفها يعود لها فهي رأت الجانب المظلم من ليل وليس المضيء : ماشي انا اصلاً مش هشوفك تاني خلاص روح وسيبني
ليل بضحكة استهزاء : بيتهيألك هتبقي تشوفيني في كل مكان هبقى زي خيالك بالضبط
قطع حديثهم صوت يأتي من خلفهم : مين ده

.. يتبع ..
.. بحبكم جداً ..
.. بقلم ملك رامز ..