ماسة في يد القاسي

غيبوبة

رعد بصدمة : ككنااان
ليل بخوف : قوم بسرعة خلينا ننقلوا المستشفى بالعربية الإسعاف هياخد وقت مسافة ميجي
اومئ رعد له بسرعة وامسك بكنان بمساعدة ليل ونقلوه للسيارة وتحركوا بها متوجهين للمشفى

بعد فترة قصيرة توقفت السيارة امام المشفى لينزل ليل صارخاً : دكتور بسرعة
اقترب منهم العديد من الممرضين ومن بينهم كانت اية المنصدمة ان كنان هو المصاب
وبيدهم نقالة لحمل المريض ووضعوا كنان بها وبدأو بالسير داخل المشفى اقترب العديد من الأطبة اليهم عندما رأو المريض لينقلوه بسرعة لغرفة العمليات
ليل للطبيب : مش عايز اسمع غير انو كنان كويس
الطبيب بخوف وإرتباك : انشاءالله يا ليل باشا كلو بإيد ربنا
ودلف مسرعاً لغرفة العمليات وَأُغلق الباب خلفه
جلس رعد على المقعد بحزن وأسند رأسه للخلف : يارب يارب ليه الهموم والمتاعب بقت بتيجي ورا بعض ده احنا بقينا ما بنلحقش نخرج من المستشفى نلاقي واحد تاني داخل تعبنا يارب
جلس ليل بجواره والحزن مسيطر عليهم : فترة وهتعدي يا صاحبي وكنان هيقوم زي الأسد وهيبقى اقوى من ما كان
رعد بتنهيدة : انشاءالله
قطع حديثهم صوت صراخ التفت رعد بسرعة وانتفض بصدمة كانت تصرخ وهي تركض تجاههم تقع على الأرض ثم تعتدل وتكمل ركضها اليهم تقدم رعد منها بسرعة واحتضنها بقوة وبدأ بتهدئتها
رعد : خلاص يا عشقي اهدي يا قلبي
عشق بلا وعي : مات ابيه كنان مات لاء هاتوه مات راح سابني لوحدي رعد
رعد بخوف : عشق انتي كويسة
نظرت له بألم وارتخت يدها القابضة على الجاكيت الخاص برعد وسقطت بين يديه فاقدة للوعي
رعد بقلق : عشق عشق يا حبيبتي فوقي
ليل بخوف : في ايه مالها
رعد : مش عارف مش عارف
تقدمت منه ممرضة عندما رأت ما حدث وأشارت لغرفة ليضعها بها اومئ لها وحمل عشق بين يديه ووضعها على السرير في الغرفة وخرج عندما دلفت الطبيبة للداخل

خرجت الطبيبة بعد فترة ليتقدم منها رعد بقلق : هاه مالها يا دكتورة ليه اغمى عليها
الطبيبة : الإغماء حدث نتيجة نوبة خوف وصدمة شديدة من سبب معين حصلت ليها والحمدلله هيا كويسة دلوقتي ولازم تاخد بالك منها لإنها ممكن تسبب ليها إنهيار عصبي من الخوف او الصدمة وده خطر عليها اوي تقدر تشوفها دلوقتي
رعد بحزن : انشاءالله مش هيحصل ليها حاجة متشكر يا دكتورة
الطبيبة بإبتسامة : ده واجبي
ذهبت الطبيبة من امامه ودلف رعد للداخل وجدها تبعد المحلول عن يدها لتستطيع القيام
اقترب رعد بسرعة ليصرخ بها : انتي اتجننتي انتي بتعملي ايه
عشق بتعب : عاوزة اشوف ابيه
رعد بصراخ : تقومي تإذي نفسك يا مجنونة
عشق بعدم اهتمام : مش مهم المهم عاوزة اشوفوا
تنهد رعد تنهيدة طويلة : عشق مينفعش الي بتعملي انتي تعبانة دلوقتي ولازم ترتاحي والدكتور لسا مخرجش من عند كنان وأول ميخرج هقولك قال ايه
عشق بإصرار : لاء هروح متحاولش معايا
رعد بصراخ : يا عشق اساساً انتي عرفتي منين
عشق ببكاء شديد : عشق ايه اخويا قاعد بيموت وانا معرفش هوا ازاي وكمان مش عايزني اعرف ده هوا الي فاضلي من الدنيا دي هوا كل حاجة ليا ابويا وامي وعيلتي عايزني اسيبوا وأفضل مستنياك هنا علشان تقولي ايه الي قالوا الدكتور وعرفت منين فالسوشيال ميديا كلها بتتكلم بالخبر ده
اقترب رعد واحتضنها بقوة : خلاص يا قلبي هعملك الي انتي عاوزاه متعيطيش انا مش حمل ده كمان بس اول حاجة هجيب الممرضة علشان الدم الي نزف من ايدك اما شلتي المحلول
اومأت عشق له ليذهب ويعود بممرضة فتبدأ بمسح الدم الموجود على يدها وتلفها بشاش
انتهت الممرضة من عملها فأقترب رعد من عشق وقام بإسنادها عليه وبدأ بالسير متوجهاً امام غرفة العمليات الموجود بها كنان