ذكريات فصلية

البارت الاول

#الكاتبة_وتين_الجبوري
مرحباً..... إسمي ريناد طالبة خامس إعدادي باباتي من البصره ويشتغل بميناء أم قصر وماماتي من بغداد واهلها كولهم ببغداد تزوجوا ماما وبابا عن حب
بابا رايح لبغداد بشغل وشايف ماما وحاول
يخطبها اكثر من مره بس اهلها جانو رافضين لان البصره بعيده عن بغداد وهيه بنتهم الوحيده فما حبو تبتعد عنهم بس بعد محاولات عديده وكعدات شيوخ وافقوا اهل ماما وتزوجوا بابا وماما وجنت اني الوحيدة إلهم و إلي كل سُبل الراحه والامان والدلال وكلش شطوره بدراستي👩‍🏫 لان حلم باباتي انو اصير دكتوره واني اريد احقق حلم باباتي الي ما قصر وياي بكولشي.....
أما مواصفاتي:
عيوني كبار عسليات وشعري طويل و لون شعري اسود وطولي163ووزني50وبشرتي لونها حنطيه..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أم ريناد: بنتي أكعدي راح تتأخرين ع المدرسه يلااا
ريناد:هووف ماريد اداوم نعساانه ماما الله عليج خلي اغيب
أم ريناد:ديلااا حبيبتي كافي نوم دراستج اهم يلا كومي
ريناد:اممم ماشي ماماتي حكوم
{ريناد.. كعدت وبدلت ورحت اتريك لكيت بابا كاعد وماما هم بوستهم وكعدت اكل بس بابا مو على طبيعته كل مره يسولف ويضحك بس هاذي المره بس ساكت}
أم ريناد:أبو ريناد شبيك شو ساكت وضايج
أبو ريناد :مدري شبيه شو مخنوك حيل
ريناد:اسم الله عليك باباتي متشوف شر ان شاء الله يروحي
أبو ريناد :الله يحفظج ويخليج النا
{ريناد.اجه الخط ورحت للمدرسه ومر اليوم بشكل عادي فجأءه سمعنا صوت أنفجار حسيت بنغزه بگلبي مادري حسيت اكو شي مو طبيعي شعور غريب...كمل الدوام ورجعت للبيت اول ما وصلت شفت  اكو خيم منصوبه كدام البيت وبيتنه متروس زلم ونسوان ناس تفوت وناس تطلع فتت للبيت وكلهم يباعولي بنظرات غريبه  شفت ماماتي  وبس تبجي رحت حضنتها وابجي مادري شصاير فجأءه سمعت ماماتي كالت أبو رينادوين رحت وعفتنه منو النه غيرك لمن كالت هيج  عرفت انو باباتي مات وهو جان بمكان الانفجار ونزل عليه الخبر مثل الصاعقه نصدمت صدمه قويه وأغمى عليه فتحت عيني لكيت روحي بالمستشفى وبس اصرخ وابجي أصعب شي يمر بي الإنسان هو فقدان شخص يحبه وخصوصاً اني جنت الوحيدة الاهلي حياتي عباره عن ماما وبابا خسرت سندي بهالدنيا ماعرف الايام التجي شضامتلي بس لازم أصبر وأتحمل واكون قويه لخاطر ماما..... مرت سنه واني ع هل الحال كلش اثر بيه فراق باباتي... تركت المدرسه وبعد فتره اهل ماماتي دزو علينه انو نروح يمهم لبغداد لان الناس ضلو يحجون لان ضلينه اني وماما وحدنه بالبيت وطبعا اهل ماما بعمري ما شايفتهم وتواصلنا بيهم ضعيف}
أم ريناد :بنيتي حضري غراضج راح ابيع البيت و نروح لبغداد
ريناد ببجي: ماريد ماما هل بيت بي ذكرياتنه ويه بابا الله عليج إلكي حل المهم نبقه هنا
أم ريناد:يحبيبتي تحملي لخاطري مالنه غير اهلي بعد واحنه نسوان وحدنه هنا ادري صعبه نترك بيتنه بس هذا قدرنه ونصيبنه من هالدنيا ولازم نتحمل
ريناد:ماشي ماما الي تشوفي صح سويه
{ريناد.. باعت ماما البيت ورحنه ودعنا اهل بابا ومشفت بعيونهم او تصرفاتهم اية حزن او اهتمام وهذا الشي الي خلاني اقتنع بأنو روحتنه لبغداد افضل لانو مابقالنه احد هنانه بعدها رحنه للمقبره ودعنا بابا وقرينا قرآن يم قبره وطلعنا بالسيارة الطريق كله اني نايمه لحد ماوصلنه  لبغداد وأول موصلنه أستقبلونه أهل ماما وماما عرفتهم عليه وعرفتني عليهم}
عائلة ماماتي:
إثنين خوالي الأول إسمه سعدون متزوج من سعاد وعنده ولدين تؤأم إسمهم همام و كيان وعمرهم 1‪0سنوات
وخالي الثاني إسمه فراس متزوج من ساره وعنده تلث ولد غياث عمره 25‪ وتؤأم ولد ليث وغيث وعمرهم 6‪سنوات
{ريناد.. إستقبلونه وجانو فرحانين بينه ماعدا خاله سعاد جانت مثكله وجها وضايجه منه بس اني مهتميتلها وفتت للغرفه الي انطونياها الي ولماماتي وتمدت لان كلش تعبت من الطريق ونمت وماحسيت إلا ع صوت ماماتي تكعدني ع العشه كمت واكلت رجعت للغرفه لزمت الموبايل مالتي أتصفح بي وفجأة فات خالو سعدون للغرفه جفت بدون حت ميدك الباب ولمن شاف الموبايل بيدي عيونه صارو حمر وصار عصبي نار واجه اخذه وكسره}
ريناد ببجي:هااي ليش هيج كسرت موبايلي
سعدون بصياح :أكسره وأكسر راسج هم بنت الكلب
ريناد:لتكول على باباتي كلب تااج راسك
سعدون:ولج أدبسسز منو تاج راسي
{ريناد.. ماحسيت إلا براشدي ووكعت بالكاع حسيت إذني صوفرت هالكد ما قوي ولزم شعري قوي واني ادفع بأيده واجتي ماماتي حاولت تفكه مني}
ام ريناد:خوويه بداعت الله عوفها بعدها صغيره متعرف آني اربيلكياها بس عوفها
{ريناد.. ما كدرتله امي الا أجه غياث وفاككنه وكلهم طلعو بقينه بس اني وغياث كومني ع السرير ومسح دموعي}
غياث:اشش كافي عيونج حلوه لتخربيهم بلبجي
ريناد ببجي:ليش وإذا عندي موبايل ليش هيج سوه ويغلط ع باباتي انوب
غياث:شوفي الموبايل أنسي هنا هذا قوانين البيت يعني مو عبالج بغداد يعني فرري تره كلش هنانه شديدين ع البنات
ريناد ببجي:اووف لو باباتي موجود جان ما خله احد يمد ايده عليه من طفولتي محد ضربني و يجي هسه هذا يضربني
غياث:ششش خلص لتبجين وعد بعد ماخليه يضربج
واذا ع الموبايل اني حشتريلج موبايل وحاولي تستعملي بدون محد يشوفج ومن الكل ينامون وعيونج الحلوه هاي لتبجيها
{ريناد .. انصدمت من حجي غياث وحنيته مبين عليه خوش ولد وگلبه طيب}
غياث:يلا إلى النوم باجر لازم تكعدين من ال5الفجر تحلبين البقر وتزرعين طماطم
ريناد بصدمه:شنوو😐
غياث:ههههه اتشاقه شنو ساكنين بالريف مثلا ههه يلا نامي
ريناد:ههه تصبح على خير
غياث:وانتي من اهله
{غياث.. اجمي عمتي وبنتها من البصره والي بعمري ما شايفهم لان عمتي جانت متجي علينه... بنت عمتي مبين عليها مؤدبه وحبابه بس احسها مكسوره من الداخل لان ابوها توفه راح احاول اوكف وياهم واساعدهم بكلشي لان اعرف انو  عمو سعدون وسعاد راح يسون مشاكل وياهم}
{ريناد..تمددت ع السرير ومحسيت ع روحي من نمت حسيت ع صوت ولد يكعدني فتحت عيني ولكيته غياث}
غياث:ريناد رينااد اكعدي يله صار الصبح
ريناد:اممم صباح الخير
غياث:صباح النور.. يلا لاحكج ع المطبخ تعالي وراي
{ريناد.. راح غياث ع المطبخ وكمت اني غسلت وبدلت ورحت لكيت الطاوله عليها ريوك ومخلمه وغيااث كاعد ينتضرني}
ريناد:واااو ما هذا
غياث:هههه انها مخلمتون 
ريناد بدلع:لتقلد ع حجيي
غياث:ههه يلا يابه منقلد هاي أوامر ست ريناد
ريناد:ههههه هاي منو سواها
غياث:اني😎
ريناد بصدمه:انتتته؟
غياث:اينعم اني يلا اكلي وشوفي طبخ ابن خالج شكد طيب
ريناد:تباً للتواضع هههههه
غياث:ههههه
{ريناد:أكلنا واحنه دناكل اجتي ع المطبخ خاله سعاد}
سعاد:والله ي الله هيه هاي العايزه كمنه نوكل يتامه وارامل
{ريناد:اني نزلت راسي وعيوني دمعت وفجأة حسيت غياث ضرب بأيده ع الطاوله}
غياث:رجاءا لتحجين هيج ريناد وعمتي منه وبينه واذا مو احنه نوكفلهم منو يوكفلهم غيرنه
سعاد:كطييعه التكطع هاليتيمه بعدها توها اجتي وبدت تتحكم بيكم
{ريناد.. ضلت تسولف وتعاركت هيه وغيااث طبعا غياث الكلام ميوصف حنيته وطيبة گلبه ضل يتعارك وياها ويدافعلي ويدافع لماماتي اخر شي هيه طلعت واني ضليت ابجي وانشغ بجي اجه يمي غياث كعد ومسح دموعي}
غياث:شش ريناد كافي بجي الله عليج معليج بيها هاي وحده مضغوطه منج ختولي
ريناد:بس صدوك الكالته عليه اني يتيمه ومالي احد اهئ اهئ
غياث:شش كافي بجي وهذا الحجي ماريد اسمعه منج مره ثانيه
ريناد:ماشي😔
غياث:يلا كملي الاكل
ريناد:اممم اوك
{ريناد:كعدنه نكمل اكل وهو يسولفلي عن شغله و عن حياتهم هنانه واني هم سولفتله عن حياتي بالبصره كملنه اكل وكمت صبيتله جاي وهو ظل كاعد ع الطاوله واني كمت غسلت المواعين و فجأة دخلو علينه خالو سعدون و سعاد بس سعاد وجها مخرمش وشعرها مكفش}
سعدون:لك غيااث هاي ليش هيج ضارب سعاد
غياث:عموو والله ما سويت الها شي بس هيه حجت على ريناد واني دافعتلها
فراس(ابو غياث):شبيكم صواتتكم واصله للشارع خير ان شاء الله شكو
سعدون: هذا ابنك يرادله تربايه من جده وجديد شوف شلون ضارب سعاد
سعاد:اهئ اهئ ابو غياث شلون ترضاها هيج يضربني
غياث:يابه والله جذب اني ماسويتلها شي الله شاهد
سعدون :  لك ادبسز تكول عليه جذاب
فراس:سعدون شبيك تره ما مقبوله منك تحجي هيج على ابني... غياث ترباتي واعرف بي ميسويها
{ريناد.. ضلو يتعاركون وصواتتهم علت واني ابجي اخر شي غياث زعل وكال مالي كعده بهالبيت مو اني الي احد يدعي عليه هيج ادعائات كاذبه... غياث راح ع الباب راد يطلع واني ركضت ورا علمود اوكفه لزمت ايديه واني ابجي}
ريناد:غيااث امانه لتروح كلشي صار بسببي وكعتك بمشاكل انته بغنه عنها الله يخليك لتروح
غياث:وخري ريناد مالي كعده بهالبيت بعد
{ريناد.. اجت ام غياث تركض ووره مافهمت السالفه ضلت تتوسل بغياث ميروح بس هوه مارضه}
ساره(ام غياث):غياث وليدي لتروح
غياث:لتلحون كلت بهالبيت ما ابقه
{ريناد..رحت لزمت ايده واني ابجي واباوعله بتوسل}
ريناد:غياث لتروح وتكسر بيه انته مو وعدتني تبقه يمي ودافعلي وكلتلي انو مراح تعوفني الله يخليك ابقه
{غياث.. ريناد كسرت خاطري لمن حجت هيج كلش نقهرت عليها صدك ردت اطلع واروح بعد ما ارجع بس لمن شفتها هيج نقهرت وكلتلهم ابقه}
غياث:اشش كافي لتبجين ماروح
{ريناد..فتنه للبيت وغياث راح لغرفته وسد الباب وكال لحد يفوت عليه مالي خلك... اني فتت لغرفتي واجتي ماماتي وعرفت بالي صار واجتي رزلتني وحذرتني من انو مينعاد هالشي مره ثانيه مع العلم انو اني معليه بالسالفه بس مع ذلك نبع الحنان رزلتني...مر الوقت واجه الليل وغياث ماكو جانت امه تفوتله الاكل وميطع هوه من غرفته ابدا. اني رحت بليل للمطبخ سويت كوبين نسكافي ورحت دكيت الباب وفتحه غياث}
غياث:هااا
ريناد:عادي افوت
غياث:نعسان اريد انام.....يتبع