ذكريات فصلية

البارت التاسع

#الكاتبة_دودو_الجبوري
{ريناد... مشيت ويه سجاد ووصلنه البيتهم بس جان
فارغ مابي احد كلي فوتي اكعدي هسه اتصل على امي يجوز راحو ع الخياطة راح خابرهم و اختفه خمس دقايق وراها اجمي سماح وامها سلمو عليه وكعدو حجيتلهم شصار. رحبت بيه امها.... وودتني سماح لغرفتها ارتاحيت وصبو الغده ما اكلت شي قليل بالي يم غياث وألف سؤال بعقلي ليش ما اجه وليش تأخر ولحد الان ما اجه}
ريناد:سجاد خابرت على غياث
سجاد:لا نسيت لحظه هسه اخابره.....الو ها غياث شلونك..... شبيك شو صوتك مو واضح وتعبان..... هااا لالا لتخاف ريناد يمنه.... هلا بيك.....الله وياك
ريناد:هاا شكال
سجاد:هسه يجي
{ريناد... الحمد لله اطمنت انو غياث مابي شي... كملنه اكل وكمت ويه سماح غسلنه مواعين الغده ورحت كعدت يم امها وسجاد الحد ما اجه غياث فات سلم وولا باوع عليه وولا سلم يمااااا بيانه متعصب شيخلصني منه اليوم... كاللهم يلا نترخص ورحنه صعدت بالسيارة وهو بقه بره حجه ويه سجاد دقايق وصعد بالسياره سد الباب قوي وحرك السياره بدون ولا كلمه}
غياث بصراخ:إلى متى تضلين هيج جاهله وطفله..... إلى متى هااااااااا
ريناد ببكاء:اسمعني غياث بس خلي اشرحلك
غياث:اشششش ولا كلمة لا اجنزج هنا... نوصل للبيت وهناك حسابج
{ريناد... اووف شحيخلصني منه اليوم حيل متعصب اول مرة اشوف غياث بهالعصبيه اكلني التوتر لحد ماوصلنا للبيت نزلت اركض خايفه حيل فتت لكيت بيت سماح كلهم وام غياث وابو وحته ولد سعاد لصغار جايبيهم والبيت مزين وبالونات وميز بي كيكه طابقين عليها صورتي نصدمت نداريت شفت غياث يضحك اتقدم باسني من راسي وكلي كل عام وانتي بخير هنانه اتذكرت انو اليوم عيد ميلادي بس شلون صار كل الصار
مسألت احد وفتت سلمت عليهم وصعدت لغرفتي ابدل فتت لكيت ع السرير فستان مال محجبات طويل ويمه حجاب نفس اللون والغرفة مزينة بدلت واجتي سماح تساعدني بالميكب واني سألتها}
سماح:هنيالج على غياث.... كلشي مخططله غياث وحته جيتج علينا وشوفت سجاد الج مو صدفه كلها غياث خططلها حته يكمل التحضيرات وانتي يمنه ونفاجئج بعيد ميلادج}
{ريناد... بعد روحي غيوثي بكلشي مفكر حته يفاجئني اني ناسيه انو اليوم عيد ميلادي بس هو مو ناسي... نزلت واحتفلنا وكلش تونسنه بس نقهرت لمن حسيت بمكان امي فارغ كلش ضجت بس غياث ميخليني انقهر ثانيه اجه يمي كعد}
غياث:شبي الحلوو ضايج.. اكو شي مو عاجبج؟؟
ريناد:لا حياتي كلشي حلوو.. شكرآ ع هل مفاجأة الحلوه
غياث:يدلل حبيبي... بس اني ماريد اكل من ذيج الكيكه اريد اكل من كيكتي بليل😉
{ريناد...مافهمت الي كاله غياث بس عرفت انو جايب كيكه انوب ويريد ياكلها بليل على ما اعتقد🙄اجتي سماح كعدت يمي وكالت هاا شعدكم تتبسبسون وسولفتلها بحسن نيه وماتت ضحك}
ريناد:وسم شكو تضحكين
سماح:🤣🤣🤣.....يولي شكد فطيره انتي
ريناد:ليش شكووو
{ريناد... كالتلي سماح معنى كلامه واني نصدمت....ضلينه نسولف اني وسماح وهي سولفتلي عن طفولتها... كملت الحفله وودعناهم صعدت لغرفتي بدلت ومسحت الميكب اليوم جان كلش متعب... تمددت اريد انام ووصل مسج لموبايلي من غياث (رورايتي انتظرج بغرفتي لتتأخرين) رديت(اماااا ما اجي) رد(هااا هيجي اوووووك ست رينووو) هههههه مارديتله وغمضت عيني دنام ونفتحت باب الغرفه بس محد فات رجعت اسمع صوت خطوات مخيفه كمت اشوف شنوو طلعت من الغرفه ماكو احد فتت ولكيت لعابه بيها لون أحمر كأنو دم ملكوحه بالغرفه خفت ورحت اركض ع غرفة غياث فتت حظنته وابجي خايفه وهو بس يضحك}
ريناد بخوف :غياث شفت هناك دم دم😭
غياث:ههههههه مو كلتلج تجيني يعني تجيني
ريناد:انت السويت هالفلم😳
غياث:ههههه اييينعممم
ريناد:يمااااا طلعت مو هين.. ينخاف منك
غياث:يي غير اني غياث😎
ريناد:يلا رايحه لغرفتي
غياث:اي مو اني جبتج حته تروحين 😒
ريناد:لبراسك مستحيل يصير
غياث:وليش شنو لبراسي
ريناد:غياث ترا اعيط وألمهم عليك
غياث:ايي عيطي محد يجي الكل نايمين😉
{ريناد... تقدم غياث حظني وأيده حاوطت خصري فل شعري ونظراته ع شفايفي باسني واني جمدت بمكاني وصوت دگات گلبي عالي... لزم ايدي وكعدني ع الكرسي وراح لكنتوره جاب علبة واجه خلاها بأيدي}
ريناد:حبيبي شنو هاي
غياث:هدية عيد ميلادج
{ريناد... فرحت بيها وفتحتها لكيت خلخال ذهب اخذه ولبسنياه... وورقة صغيره مافهمتها شنوو}
ريناد:حبيبي شنو هاي
غياث:اشتريت وصلين الج والي حته نروح للبصره تزورين ابوج... بس بعد متخلصين امتحانات نص السنه
{ريناد...اني هنا طرت فرررح واخيرا حزور بابا اويلي شكد مشتاقتله كمت حظنت غياث وشكرته}
غياث:مممم يلا حبيبي روحي لغرفتج نامي احسن متصير جريمه😉
ريناد:هههه اوك تصبح على خير
غياث:وانتي من اهله حبيبي
{ريناد... مرت الأيام واجتي امتحانات نص السنه وغياث ما عافني ظل يدرسني ويراجعلي الدروس اول امتحان عندي فيزياء كاعده بالغرفه ادرسه ووصلت لمسأله صعبه حاولت هواي بس ماكدرت احلها رحت على غياث كاعد ويه أمه وابو واخوانه بصالة}
ريناد:غياث درسني هاي مفاهمتها
غياث:ايي تعالي
ام غياث:شنو اول امتحان عندج
ريناد:فيزياء
ام غياث:يبو شكد اكره نيوتن الفيزياء بطلت من المدرسه بسببها
ريناد:لا والمشكله وكعت ع راسه تفاحه وابتلينه بقوانين كومه والمشكله ولا قانون بي تفاح😂
غياث:اي مو هوه فاتح أسواق حته بيهن تفاح 😂
ريناد:كوود واكعه ع راسه حجاره فاجه راسه ومموته ومرتاحين لا ونوب وكعت ع راسه تفاحه وهيج سوه بينه لعد لو ركيه😂
ام وابو غياث:😂😂😂😂
غياث:يلاا عاد انتبهي ويايه ام لسان 😂
ريناد:اووك
{ريناد.... غياث يشرحلي واني صافنه بعيونه بعالم ثاني}
غياث بهمس:رينو كافي انتبهي للشرح ترا نظراتج توترني لتخليني اشيلج كدامهم واصعدج لغرفتي
ريناد:ههههه لالا يلا انتبهت
{ريناد... امتحنت كل المواد والحمد لله مجاوبه خلصت منهن واجت العطله يعني حنروح اني وغياث للبصره واخييييراا}
أبو غياث:بمناسبة انو رينو خلصت امتحان عازمكم كلكم ع العشه بره
ريناد:ممممم ياا سلام 💃🏻رايحه ابدل
غياث:ولج على كيفج من تصعدين الدرج راح توكعين
ريناد:ييي ييي
{ريناد... رحنه للمطعم كاعدين وكدامنه ميز كله شباب  ظلو يباعون عليه وغياث كلش تعصب اجه واحد من الشباب كلي ريناد اني جفلت هذا شمعرفه بأسمي كامله غياث}
غياث:نعم شرايد
الشاب:والله انتي ريناد ماكو غيرج... يا كبرانه وحليانه
غياث:احترم نفسك واحجي بوضوح منو انت
الشاب:اني أبن عم ريناد... شنو ريناد ماعرفتيني.. اني معاذ
ريناد:ياا معاذ يي توني تذكرتك
معاذ:شلونج ريناد..... عمه وين
ريناد:ماما ماتت
معاذ:انا لله وانا اليه راجعون...الله يرحمها
ريناد:ويرحم امواتك... اعرفك.. هذا غياث ابن خالي وخطيبي.... غياث هذا معاذ ابن عمي
معاذ:اهلا وسهلا غياث اتشرفنه
غياث:الي الشرف
معاذ:هذا رقمي اي شي تحتاجي اني موجود
غياث بعصبيه:لا متحتاج....
ريناد وهي تحاول تغير الموضوع حته لتصير عركه:  معاذ شجابك البغداد
معاذ:طلبوني اداوم هنا بالمستشفى
ريناد:الله يسهلك
معاذ:تسلمين.. يلا اترخص
ريناد:الله وياك
{ريناد... اخذت الرقم من معاذ لو غياث راد يطك عيونه حمره من العصبيه راح معاذ وجرني غياث للحمامات دفعني للحايط اتأذيت وكمت ابجي}
غياث:شهالتصرف هذا لج شكد گويه انتي
ريناد:غياث شسويت ترا مو غريب هذا ابن عمي
غياث:ريناد ولسماج ريناد بعد إذا شفتج تسوين هيج تصرفات تشوفين شي مشايفته بحياتج
{ريناد... طلع غياث وسد الباب قوي وراه واني كمت ابجي ادري بي غار عليه لان باوعولي ولأن اخذت الرقم من معاذ بس عاد مو هيج يسوي بيه.... غسلت وطلعت حاولت ابين انو ماكو شي بس ام غياث انتبهت}
أم غياث:شبيها عيونج حمره... باجيه؟؟؟
ريناد:هااا لالا خاله بس غسلت وجهي وفات مي بعيني
ريناد:خاله وين غياث؟
أم غياث:رجع للبيت كال راسه يوجعه هسه احنا ناكل ونرجع
{ريناد... بدال ما افرح غياث طلعها من عيوني بغيرته القويه... اجه الأكل وما أكلت هوايه كملنه}
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مرحبا.. اني معاذ ابن عمها لريناد... ريناد جانت حب طفولتي لما جنا صغار جنه نلعب سوه بس جانت كلش مغروره وشايفه نفسها لأنها البنت الوحيده لعمي وهو مدللها.. امتحنت سادس وطلع قبولي طب عام سافرت للأردن هناك اكمل دراستي..ومن رجعت جنت أول شي مخلي ببالي اخطب ريناد.. رجعت وسألت أمي كالت عمي توفه الله يرحمه ومرته وريناد راحو لبغداد ومن راحو كلشي مايعرفون عنهم... عندي كم صديق مقرب اخذتهم ورحت ال بغداد ادور عليها تعبت واني ادور واسأل بعد ما قطعت الأمل انو الكاها قررنا اني وأصدقائي نرجع للبصره بس قبلها رحنا للمطعم نتعشا وهناك شفت بنيه شبها لريناد ركزت اكثر هاي رينااد وأخيراً لكيتها ممصدك عيوني رحت ركض عليها وجان وياها ولد ماحبيته وللأسف طلعت ريناد مخطوبه كلش نقهرت بس بعدين كلت خلص وتقبلت الأمر الواقع لان كلشي قسمه ونصيب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
{كملنه الأكل ورجعنه للبيت تلكانه غياث ما باوعت عليه رحت فتت لغرفتي كمت ابجي ماريده يزعل عليه حيل احبه... رحت لغرفته دكيت الباب مافتحه حاولت افتحه مقفول}
ريناد:غياث افتحلي الباب اريد احجي وياك
غياث:غيااث نايم
ريناد:ههه لعد منو الديحجي حبااب افتحلي الباب
غياث فتح الباب وكال:نعم شتريدين
ريناد بدلع وايديها محاوطه ركبته:غيووثتي لتزعل مني آسفه حيااتي
غياث بتعب:لج وخري شتعلت عشيرتج راح اجرم بيج
ريناد:ههه هاا حبيبي الزعلان رضيت
غياث:شلون ما ارضى بعد تصرفاتج هاي يا وكيحه
ريناد:هههه
غياث:عود حظري غراضج باجر من الصبح نطلع
ريناد:مآشي حبيبي تصبح على خير
غياث:وانتي من اهله حياتي
{ريناد.....رحت حضرت ملابسي ونمت كعدت الصبح سويت ريوك ورحت حظرت الغياث ملابسه وكعدته}
ريناد:حبيبي أكعد
غياث:صباح الخير حبيبتي
ريناد:صباح النور يلا اكعد بدل حته نتريك
غياث:اوك حياتي
{ريناد...رحت بدلت وتريكنه اني وغياث وتونه انريد نطلع وسمعنه صوت طلقات قويه ع البيت كسرت الجام اني حظنت غياث وابجي خايفه اندفر الباب وفاتو زلم مسلحين ووياهم شيخ جبير وخالو سعدون ووياهم نسوان بس شكلهم يخوف اني ضليت خاتله بحظن غياث طلع عليهم ابو غياث وام غياث}
...... يتبع