ذكريات فصلية

البارت العاشر

#الكاتبة_وتين_الجبوري
الشيخ :هاا سعدون وين الفصليه إلي كلتلي عليها
ام غياث :هاااي الفصليه
{ريناد... لمن كال الرجال الجبير وين الفصليه حظني غيااث اقووا والصدمه لمن ام غياث كالن هااي واشرت عليه شعوري بذاك الوكت ماينوصف حظني غياث اقوى وخلاني وراه واني مجلبه بي وابجي}
غياث:ماعدكم فصلية يمنا....
الشيخ:سعدوون انت جبتنا هنا حته تذلنا لو لا
سعدون:لالا شيخنا هاي الفصليه ريناد
غياث تقدم ع سعدون وضربه:ولك شدتحجي ريناد خطيبتي ما تصير فصليه
الشيخ:يلاا أرمي عليها يمين الطلاك وخلي نمشي من هنا
غياث:شدتحجي انت ب احلتمك يصير هيج يا حثاله
الشيخ:ولك على منو تكول حثاله وين الولد
{ريناد... لمن غياث كال هيج اجمي ولد ضخام وبدوو يضربون بي اني طكيت من البجي اتوسل بيهم يوخرون عنه كسررو تكسرر الله يكسر ايديهم بعدها وخرو عنه ورحت حظنته وحجابي وردي فاتح بسرعه طبع بي دم غياث هالكد ما نزف حظنته وابجي وهو مابي حيل فدنوب منتهي بسته بخده وهو حظني حاولت شكد ما تكدر اشبع منه ومن عطره لان ادري اليوم ماراح يمر ع خير وراح يبعدوني عنه}
سعدون:يلاا طلكها
ام غياث: بنت الارمله مااحصلنا منها غير المشاكل يلاا طلكها خلي نخلص من هيج حثاله
{ريناد... غياث ماقبل بس واحد من الولد صاح نسوان 2 كبار وضخمات شكلهم يخوف اجمي عليه جروني من شعري طكو راسي بالحايط حسيت روحي رادت تطلع من الألم خشمي نزف دم.. غيااث لمن هيج سوو بيه رادت تطلع روحه عااط ب اعلى صوته كاافي يصير لتريدو بس لتأذووها لا تضربوها... بعدها رما عليه يمين الطلاك لمن كال انتي طالك حسيت ب ألم قوي روحي الي توجعن مو جسمي بعدها صااح ريناد لتخافين مراح ابقيج يم ذوله....جروني النسوان واني عيني بعين غياث صعدوني بالسياره وهنه يمي اني حته دموعي نكطعت مانزلت هيج حسيت روحي جسد بلا روح اتمنيت يكوون كلشي حلم وافز منه الاكي روحي بحظن غياث... مشت السياره واني صافنه بعالم ثاني وعيت لمن المرا كرصتني بخاصرتي موتتني الحقيره باوعت عليها كالتلي( تسمعين الكلمه وتحترميني احسن مايصير شي ما يعجبج سمعتي لو لا)اني هزيت راسي ب أي لان مجان عندي حل ثاني رجعت كرصتني كرصه أقوى عززا ايدها شكبرها وكالت(من احجي وياج مو تهزين راسج لاا تحجين) كلتلها اي
وصلنه هناك بيت كلش جبير نزلت وهنه ويايه فتت للبيت مسوين فاتحه وكلهم لابسين أسود توني فتت من الباب تلكتني مره ضربتي ضرب بعمري ما شايفته وولا مره من الموجودين فكتها عني الحد ما سمعت صوت خشن صااح وابتعدت عني انداريت اشوفه واني الدموع بعيوني لكيته رجال جبير كلش بكد بابا الله يرحمه
جاسم:شدتسوون انتو اذا مو محترمين وجودي احترمو حرمة الميت احنا بفاتحه وحته الجنازه بعدنا ممطلعيها..... رشااا تعالي
رشا:هاا بويه
جاسم:تعالى اخذي البنيه بغرفتج وممنوع تهلين احد يجوسها إذا صارلها شي احاسبج انتي
رشا:ماشي بويه
{ريناد... اخذتني هاي البنيه لطابق الثاني فوتتني بغرفه صغيره على ما اعتقد غرفتها}
رشا:شنو اسمج؟
ريناد: اسمي ريناد
رشا:انتظري اهنا لحد ما يجي الشيخ يعقدلكم انتي وسيف
ريناد:منو سيف
رشا:سيف اخويه الي اخوج كتل مرته
ريناد:بس اني ماعندي اخوان
رشا:عوفي هالجذب ويلا حروح باي
{ريناد... شديحجون ذوله كلامهم ما مفهوم... ضليت بالغرفه ماحسيت على روحي لمن غفيت فزيت على ضربه فتحت عيني لكيتها نفسها المريه الي كعدت يمي بالسياره وكرصتني}
المره:يلااا كومي... بسرعه انزلي خلي يعقدولج
{ريناد... نزلت وياها وفتت من يم الصاله بيها كومه نسوان بس محد تقربلي رحت فتت للاستقبال كلش جبير وهناك اكو زلم وكفوني يم رجال رفعت راسي شفته ضخم اسمر لابس دشداشه سوده بس عيونه تطافر غضب وحزن ماعرفت كلشي.. عقدلنه الشيخ ورجعت المره اخذتني جرتني من ايدي حسيتها نشلت ودتني للمطبخ وكالت( يلا نظفي المطبخ اروح واجي الكاه يلمع لمح فهمتهي)كلتلها اي ورجعت باوعت للمطبخ لان فاتحه متروس ترس مواعين وكلش وصخ ونوب هو نظيف... اضطريت اتقبل الأمر الواقع وكعدت انظفه واني اغسل مواعين وكلبي وبالي يم غياث اووف يروحي هسه شصارله... واني دا اشتغل سمعت صوت وحده ماعرف يسموها ملايه مادري شنو كامت تنعي بصوت يكسر الكلب تذكرت كلشي مريت بي موت بابا وموت ماما اتذكرت غياث وكعدت ابجي واكتم صوت شهكاتي كلبي صار بي ألم كلش قوي تمنيت اكون بحلم واصحى منه الكا روحي موجوده يم غياث اوووف ياا حبيبي شكد مشتاقتلك... رجعت باوعت على حجابي شفت بي دم اي دم هذا دم حبيبي غياث لمن ضربو اخخ يا ريناد ماتعرفين شضامتلج الايام ويه ذوله... كملت الشغل وصار المغرب تعشو الناس وراحو واني بالمطبخ ولا لكمه خاله بحلكي من الصبح بطني كامت توجعني من الجوع.. اجتي للمطبخ بنتهم رشا}
رشا:تعالي وياي ابوي يصيحج
ريناد:اوك
{ريناد.. رحت وياها فتت للصاله بيها مره جبيره والاب الجبير وبيها بنيتين ورشا و٣ ولد من ضمنهم سيف}
جاسم(الاب):شوفي يمره جبناج فصلية هنا لان اخوج كتل مرت ابني
ريناد:بس اني ماعندي اخوان
{ريناد.. كلت هيج وما احس الا ايد جبيره ضربتني راشدي احس فكي نشل من قوته رفعت عيني المتروسه دموع وشفت سيف هو الضربني}
سيف: من يحجي أبوي شي ممنوع تقاطعيه
ريناد ببكاء:حاضر😔
جاسم: جبناج هنا فصليه.. تشتغلين حالج حال الخدم إلي هنا من ال7 اريدج تكعدين تشتغلين ويه الخدم وتبقى يم سيف اذا يرضا تنامين بغرفته او لا واذا لا تنامين بالمطبخ
سيف: لا بويه متنام هيج قذاره بغرفتي توصخها
ريناد بصوت عالي:محد قذاره غيركم همج متخلفين بيكم خير روحي حاسبو الي قتلها مو جاين تستقوون ع مره
{ريناد... كلت هيج وياريتني ماكلت.. جرني سيف من ايدي وصعدني الدرج بسرعه كلسع اريد اتعثر حسيت ايدي نشلت شمرني بمكان اظلم بس غراض قديمه اعتقد مخزن من شمرني من قوه الشمره وكعت بالكاع وخشمي طك دم شو هذا نزغ حزامه وبدا يضرب بيه واني اصرخ وادعي عليه وهو يكوول(منوو مابي خيرر هااا منووو لج ليش تتجاوزين ع اسيادج) ماكدرت ارده وكمت اتوسل بي يبطل يضربني لان كسرني تكسر وراها طلع وسد الباب قوي وراح واني ب الكاع ملكوحه حالي حال الجثهه الفرق بيه روح بس مابيه حيل جسمي كله يوجعني.. ماحسيت ع روحي شلون نمت.. كعدت من النوم اباوع من جوه الباب الوقت صاير ليل اني جسمي يوجعني و بطني اطلع اصوات من الجوع... ظليت افكر ادك الباب واصيح لو اسكت خاف انكتل أنوب.. ظليت افكر لحد ما اتخذت قراري راح اصيح وأشوف شيصير}