ذكريات فصلية

البارت الخامس

#الكاتبة_وتين_الجبوري

{ريناد... كعدت من النوم من وكت لان اليوم اني وغياث حنعقد طبعا كلش فرحانه لان اني حيل احب غياث وهوه الشخص الوحيد الي يفهمني ويقدر مشاعري رحت ع غرفة غياث  حته اكعده ونروح للسوك اشتري فستان لان كلشي ممجهزه}
ريناد:غيياث غيوثيي يلاا اكعود
غياث بنعاس:امممم
ريناد:غياث الله عليك اكعود عاد ماظل وكت يلا حته انروح اشتري فستان للعقد اليوم
غياث بقهر:ريناد ماكو عقد
ريناد:شبيك غياث شنو ماكو عقد
غياث:والله ماعرف شكلج بس والله سويت كل العليه بس مديصير الشي الي انريده
ريناد:غياث لتحجي بالالغاز احجيلي شكو
غياث:البارحه فتحت الموضوع ويه ماما وامي ما قبلت
ريناد:لتزعل غياث جنت متوقعه هالشي خلص ما النه نصيب
{ريناد.. ركضت بغرفتي وبجيت هواي لان اني حيل احب غياث بس شسوي إذا امه مقبلت خلص خو الزك عليه.. مر شهر كامل واني ماشوفه اجتي الامتحانات ودرست وامتحنت بس بكسل وخمول لان كضيتها ابجي ومقهوره احس الساعه تمر عليه سنه محد حيحس بشعوري الى لمجربين هالشعور رحت وامتحنت نهاية السنه وبوقتها مدرست بس تفاجئت بنتيجتي انو ناجحه وسنة الخ سادس بدت العطله واني كالعاده ماشوف غياث كل الي اعرفه انو ميجي للبيت بس بليل وقليل حيل يجي اكثر وقته ببيت صديقه... واني وماما تصالحنه}
{غياث... لمن كلت الريناد انو امي مقبلت هي كالت عادي وراحت بس اني اعرف انو لبداخلها عكس هالشي مرت الشهور والليالي واني مشايفها كلبي ناط ع شوفتها وكلش مشتاقلها بس ما اكدر اروح واواجها إذا ما اقنع امي بزواجنه سمعت برينو نجحت وكلش فرحت واني ما اجي للبيت بس بليل انام واطلع من الصبح او اكثر وقتي اقضيه ببيت صديقي بس بهالفتره هاي اني ميأست وستمريت ويه امي يوميه افتح وياها الموضوع بلكت يحن كلبها وتوافق..... بعد يوم كلش طويل رجعت للبيت كالعاده بوقت متأخر واني فايت ما اشوف الا بوجهي ريناد شافتني وجفلت}
{ريناد.. جنت نايمه وفزيت من النوم عطشانه ردت اروح للمطبخ اشرب مي وفجأه ما أحس الا بوجود غياث كلبي نط من الفرحه اووف شكد احبه ومشتاقتله}
غياث:هلاو ريناد شلونج
ريناد:ههه😏شلوني.. والله ي الله هم الك عين تحجي
غياث:ريناد السانج عام عليج اسكتي لا اجنزج ومحمد
ريناد:يمه خفت اووي😏
{ريناد.. بحركة سريعه لزمني غياث ودفرني ع الحايط وصار كلش قريب عليه  وكلبي صوت دكاته صارت عاليه}
غياث :السانج يولي انتي تذبين سم مو كلام
ريناد:اممم
غياث :هم كالت اممم يولي بعدج خبله متغيرتي
ريناد :ريناد متغيرت بس كلبها تغير وصارت مطيق شوفتك اكرهك انت دمرتني
{ريناد... وخرت عنه ورحت لغرفتي اووف شكد احبك يا غياث والله الكلام الكلتلكياه مو من كلبي بس تعبت خلص لازم افتح صفحه جديده}
{غياث.. وخرت عنها لمن كالت هيج وراحت لغرفتها اووف كلبي ورم لمن كالت هيج معقوله ريناد الجانت تموت عليه كرهتني مستحيل كعدت بالكاع وخليت راسي بين رجليه كلش تعبت يوميه احجي ويه امي احاول اقنعها بس ماكو فايده رفعت راسي للسمه ودعيت امي تقبل وشكيت همي لربي ودمعتي طاحت صعبه تحبون احد ومتكدرون توصلوله كمت ردت اروح وشفت امي واكفه وره الباب مشيت وعفتها محجيت شي ولا هي حجت}
{ام غياث... صح رفضت انو غياث يتزوج ريناد وهذا قراري اني مصره على انو هو الصح لان كل ام تتمنى الأفضل الابنها بس جنت طالعه من غرفتي وشفت ريناد وغياث و سمعت شحجو ولمن سمعت بغياث وهو يحجي ويه نفسه وتعبان صفنت وكلت ميصير اسوي هيج بابني ادمر صار لازم ازوجه حت ينساها ويبدي صفحه جديده بحياته}
،،،،،،،،،،،،،،،،،،،،،،،،،،،،،،،،،،،،،،
ثاني يوم..
أم غياث :هلو سعاد شلونج
سعاد:هلا وغلا عيني
أم غياث :سعاد اريد ازوج غياث واريد اني وياج اندورله ع بنت حلال نزوجهيا
سعاد:كللللللوووش هاي الساعه لمباركه
أم غياث :اشش لحد يسمعج خلي الشغله تبقى بيناتنه بعدني محجيتها لغياث
سعاد :هااا اي ماشي البنيه موجوده
أم غياث :منو عيني
سعاد :ولو يجوز عيب اكلج وأعرض عليج هالشي بس اختي نمارق الوحيده المناسبه لغياث ما شاء الله عليها خلقه واخلاق
أم غياث:اي والله صح ماشي لعد العصر نروح اني وياج على اهلج نفتح وياهم الموضوع
سعاد:هاي الساعه لمباركه حياتي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
{سعاد:ايووا يريناد مو كتلج لتخلين راسج براسي بنت الكلب خلي اروح اكول لريناد واحرك گلبها}
سعاد :هلاو ريناد شلونج
ريناد: نعم شرايده
سعاد:لا مرايده بس دا افكر شألبس لان اليوم نروح اني وام غياث نخطب لغياث
ريناد:شنوو تريديون تخطبون الغياث😳
سعاد :اي عيني نخطبله وشناقصه حته منزوجه هو كايل لامه اخطبيلي نمارق اخت سعاد
ريناد:اختج ؟؟ 😳
سعاد :اي عيني نمارق اختي وشبيها خلقه واخلاق ع الاقل مستوره وبعدها بنيه مو مثلج يالمكسوره
{ريناد.. متحملت حجيها لزمتها من ركبتها وخنكتها}
ريناد :شهالحجي هذا اني اشرف من الشرف يا حقيره كافي تحملتج هواي
سعاد :لحكوووني حتموتني هاي العار 
{ريناد.. اجه خالو سعدون وضربني راشدي اذاني كامت تصوفر هالكد ما قوي وظل يضربني كسرني الله لاينطي}
سعدون :لج تمدين ايدج ع سعاد يا عار
أم ريناد:سعدون كافي متعيدها بعد عوفها بعدها طفله صغيره سعدوون كافي حتموت لبنيه
{ريناد.. وخر سعدون عني وماما ودتني للغرفه تمسح الدم من خشمي وحلكي وأداوي جروحي.. وجهي تزورك}
أم ريناد :يبنيتي ليش هيج تسوين مو گلبي فرفح عليج ليش هيج احنه ما النه احد لتخلين راسج ويه رأس سعاد
ريناد بإنكسار:ماما غياث حيتزوج😭كايل الامه تخطبله اخت سعاد ماما اني احبه
أم ريناد:رينو بنتي اني ماربيتج هيج بنتي الاعرفها قويه لتخلين هيج شي يأثر عليج إذا هو كايل لأمه انو تخطبله يعني خلص معناها ميريدج صيري قويه...
ريناد:ماما بس غياث يحبني ليش سوه هيج
أم ريناد :بنتي كافي لو يحبج ما باعج شبيج فتحي عقلج زين
ريناد:بس اني احبه ما اكدر بدونه
أم ريناد :خلص سدي الموضوع لان الموضوع هذا نقطة وانتهت.. وجان اني زوجتج تاج راسه بس اووف شسويتي بنفسج يولي ليش كسرتي نفسج هيج مو زين خوالج سكتو وسترو عليج وما ذبحوج
{ريناد... حجت ويايه ماما وطلعت واني ابجي مدري من وجع الضرب وقساوة خالو سعدون مدري من وجع گلبي معقوله غياث باعني هيج.... اكيد لان البارحه راددته هيج سوه اووف}
{غياث... جنت كاعد بغرفتي وافكر بريناد وشلون اقنع امي اووف يربي ساعدني..... فجأه اجتي امي}
ام غياث:هلا وليدي
غياث :هلا امي
ام غياث:عندي موضوع وياك
غياث :شنوو
ام غياث:اني راح ازوجك
غياث: اووف امي واخيرا قبلتي ب ريناد.. الحمد لله
ام غياث:لا مو هيه
غياث:لعد منو أمي انتي تدرين انو غير ريناد ما ازوج
ام غياث:غياث هي كلمتين اكولها واطلع اني امك واعرف بمصلحتك اكثر منك ريناد متتزوجها واليوم رحنه اني وسعاد خطبنالك اختها نمارق وهذا آخر كلام عندي إذا متتزوجها لا اني امك ولا انت ابني
غياث:ماما الله يخليج لتسوين هيج والله ما اكدر بدون ريناد
ام غياث :باي رايحه اني وخلص خطبنالك والجمعه العقد بقه ٥ايام
غياث:بس امي
أم غياث:خلص هذا العندي
{غياث... نصدمت من حجي امي متوقعت توصل السالفه لهل حد اكيد هواي حيكولون ليش متعارضهاوانت الرجال وهي المره بس مهما يكون هي تضل امي ما اكدر اكسر كلمتها ولو شو شنو... اوف بوكتها صدك طاحت الدمعه من عيني مو بس ع هل شي هم من صدمة ريناد لمن تعرف بالموضوع اكيد حتنقهر هواي.. لازم اروح اشرح لريناد الوضع اكيد عرفت وانقهرت}
{ريناد.. جنت كاعده بالغرفه وابجي اووف ع حظي صعبه تشوف الي تحبه يصير ملك غيرك يحظن غيرك ويضحك ويه غيرك... كمت اضرب ع وجهي وابجي بقوه وبشهكه معقوله هيج غياث باعني وفجأة فات غياث}
غياث:رينوو حبيبي لتسوين بروحج هيج..
رينادبقهر وبجي :اطلع برره ماريد اشوفك مو انت البعتني الله لا يسامحك وخر عني
غياث:رينااد بس سمعيني
ريناد بصراخ:كلتلك وخر عني ماريد اسمع منك شي اكرهك اكرررررررهك
{غياث... فقدت وضربتها راشدي حته توعى عليه وتسمعني}
غياث بصراخ:لا اسوووين هيج مو بس انتي المقهوره مو بس انتي.... لج گلبي يوجعني.... اجتي امي وكالت إذا متتزوجها اتبرره منك ولا انت ابني ولا اني امك
ريناد ببجي:واني اني شنو ذنبي والله اني احبك
{غياث.. سمعتها كالت هيج وتكطع گلبي حظنتها ولا إرادياً وكعت الدمعه من عيني ومسحت ع شعرها}
غياث:رينوو حبيبي والله ولا الف وحده تكدر تاخذ مكانج بگلبي معليج هسه اني اطفشها والله لكرها بروحها ونلغي الخطبه بس لتبجين كافي والله دموعج غاليه
ريناد:توعدني متعوفني😔
غياث:اوعدج يروحي اعوف الدنيا كلها وما اعوفج
ريناد:أحبك اني😍
غياث:اموت عليج يروحي
{غياث.. شكد جنت ضايج وتعبان من شفت ضحكتها وبرائتها نسيت كل التعب اموت عليها هي روحي من الدنيا}
{ريناد.. مستحيل اخلي غياث يصير لغيري غياث كلشي بحياتي اموت عليه هو حبيبي وابويه واخويه وصديقي هو كلشي بحياتي}
{غياث.. طلعت من الغرفه تلكتني سعاد بالباب جانت تصنت علينه عززه بس لا سمعت حجينه}
غياث :هاا عمه شسوين هنانه
سعاد:لا بس جنت امشي ولا شي
غياث:هاا ماشي
{غياث... خوش الحمد لله ما سمعتنه شنحجي}
{سعاد.. جنت امشي وسمعت صوت حجي من غرفة ريناد عرفت انو غياث يمها وديحجون سمعت غياث يكوللها يريد يطفش اختي لا عيني لا مو بكيفك والله لربيلكم قلب انت وهاي ريناد}
{ريناد... مرت الايام والي بلبيت يتحضرون لعقد غياث الجمعه العقد  يعني حيصير باجر  وغياث ابد مشفته ولا شافني ولا حجينه.... اقضي وقتي ابجي صح هو طمني وكلي انو مراح يبقى وياها وهو الي بس اكو نغزه بگلبي ماعرف شنو ينتظرنه بالايام الجايه}
ام ريناد :هاا حبيبتي كاعده
ريناد :اي ماما
ام ريناد:كومي يلا خلي نروح اني وياج للسوك حته اشتريلج فستان لعقد غياث
ريناد:ماما مستحيل ما اكدر اشوفه يصير الغيري كدام عيني
....... يتبع