ذكريات فصلية

البارت الرابع

#الكاتبة_وتين_الجبوري

{ريناد... ماعرف احس مو احنه الي دنسوي هيج احس انسان داخلي فجأه نفتح لباب وطبت سعاد}
سعاد:😲😲😲عززه لعززاكم صخااام الصخمكم
{ريناد.. طبت سعاد حسينه على نفسنه وابتعد عن غياث كلش اتندمت ع هالشي بس صدك لو كالو كل اثنين ثالثهما الشيطان... سعاد كامت تعيط بأعلى صوتها}
سعاد:وينج ام رينااد...... وينك سعدون..... وينك ابو غياث تعالوووو تعالو شوفو.. شوفو الحرام الي ديصير بالبيت.. شوفو المي الي دتمشي من جواكم ومو حاسين بيها
{ريناد... أجمي خالو سعدون وماما وكلهم التمو واني بس ابجي}
ام ريناد:شبيج سعاد شكو صوتج واصل للشارع
سعاد:دشووفي ريناد بنتج وربيها
ام ريناد:سعاد الزمي حدج بالكلام الي دتحجين عليها ترباتي
سعاد :هاي الي تكولين عليها ترباتج فتت للغرفه لكيتها بحضن غياث
سعدون:لج سعاد شدتحجين
سعاد:واذا ممصدكين شوفو الاثر الي بركبتها
{ريناد... تقربو عليه واني نشف دمي وارجع لي وره لزمتني ماما وشافت اثر بركبتي ضربتني راشدي احسه من قوته اذني صووفرت كمت ابجي واباوع لغياث عيونه حمر ومنزل راسه لمن ماما ضربتني حسيت عيونه رادت تطلع من مكانها بس ما حجه لان الي سويناه غلط لو ما فايته سعاد جان الشيطان وسوسلنه والله يعلم شيصير... ماما لزمتني من جتافي وتكلي}
أم ريناد :لج هيج اني ربيتج انتي بنتي الي افتخر بأدبها هيج تسوين
{غياث... الي سويناه اكبر غلط وريناد مو ذنبها هيه طفله بس اني الي لازم الزم نفسي بس الشيطان الله يلعنه.. لمن ام ريناد ضربت ريناد احس روحي رادت تطلع احبها احس اني الاتأذه مو هيه..}
سعاد:ام ريناد بنتج هاي طلعت سخيفه والله اليعلم شمسويه النوب خلي ناخذها ع الدكتوره تفحصها.. شمدرينه هاي الساقطه شمخبصه..
ام ريناد:.... لاكلام
سعدون:يلا ع السريع ختبدل وناخذها
{ريناد.. لمن ماما مادافعتلي وما حجت وسعاد طعنت بشرفي شهكت من الصدمه وبجيت بوجع احس گلبي تكطع باوعت لغياث بكسره طاحت الدمعه من عينه}
{غياث... تقدمت على ام ريناد وكلتلها}
غياث:عمه انتي تعرفين ريناد شنو من شنو ريناد ترباتج واني الغلطان مو هيه امسحوها بوجهي واني وريناد نحب بعض وخلص اذا على سعاد فمعليج بيها اني رايدها لريناد واحبها حيل و اني وريناد نعقد ونسكت الكل
سعدون:لا إله ناخذها للدكتوره تفحصها علمود نطم عارهه
{ريناد.. غياث حاول يقنع ماما بس ماما جانت قافله على هالرأيي معرفتها مو هاي امي ليش هيج خلتهم يحجون عليه ونوب سعدون وساره قفلوو اضطريت اروح واني دموعي ما وكفت احس كلبي يتكطع تكطع صعب هالشعور... اخذنه غياث بسيارته والطريق كله معصب وبكل سرعته وكم حادث ردنه نسوي بس الله ستر.. وصلنه ونزلت فتت للعياده وعيون غياث ما فارقت عيوني فوتتني الدكتوره حته تكشف عليه واني بس ابجي فحصتني وشافتني طاهره وطلعت بلغت اهلي}
سعدون :هاااا دكتوره بشري
الدكتورة :البنيه عفيفه
غياث :هاا عمه هيج سويتي ببنتج وبهذلتيها مو حرام عليج هيج
{غياث.. كاعد احجي ويه عمه وعيني على سعاد وسعدون واباوعلهم بنظرة نصر واشمئزاز فجأءه سمعنه عيطه من الغرفه الي بيها ريناد صوت صياحها اعرفه لصوتها شبيها يربي راحت الدكتوره تشوفها وفتنه لكيناها متغطيه بس الكاع كلها دم وملكوح مكص صغير بالكاع متروس دم ركضت الدكتوره عليها}
الدكتوره:هاي ليش هيج سويتي بنفسج
{ريناد.. راحت الدكتوره تبلغ ماما داخلي جان كلش مكسور على الشي السوو بيه شياطين الكون كلها تجمعت براسي واني من نوع عنوديه وعصبيه شفت مكص وسويت السويته بس شنو متت وجع اجتني الدكتوره تركض وكلهم اجمي يركضون ع صوت عيطتي اجتي يمي الدكتوره كالت ليش هيج سويتي بنفسج اني ما رديتلها وكمت امشي ردت اروح يم ماما بس احس الطريق صار عليه الف طريق من وجع بطني ورجلي رحت وكفت يمها ودمعتي بعيوني}
ريناد :هاا ماما هيج تسوين بيه وتخليني انهان كدام الكل خليتي هالكم دمايه تبينلج اذا اني شريفه لو لا هالكم دمايه تحدد مصيري اذا اموت لو اعيش خلص راحن ارتاحوو}
{غياث.. ضليت مصدوم كل ذني الاشياء صارت بساعه ياربي ليش كل هالمشاكل والي سوته ريناد مو قليل بس كسرت كلبي وخاطري حيل حجت ويه امها واغمه عليها ركضتلها شلتها وديتها ع السرير عالجتها الدكتوره وانطتها مهدئ ومنوم و هيه بس مجلبه بأيدي ما عافتها سوينه اوراق الخروج وطلعتها وجانت شبه فاقده وماكدرت تمشي شلتها وجها ذبلان انفاسها تضرب على ركبتي عطرها كلشي بيها احبه اووف شصار بيها بسبب زلة الشيطان بس لازم اعوضها عن كل هذا وباجر لازم نعقد حته نسكت سعدون وسعاد إضافة إلى انو اني اموت عليها.. رحنه صعدنه بالسياره وسعدون ساقها واني وريناد كعدنه وره وطول الطريق حاضنتني محد كدر يحجي لان شافو حالتها فتحت عيونها واحنه بطريق اويلي يروحي شكد تعبانه باوعتلي بتعب وكالت}
ريناد :غياث
غياث:عيونه وگلبه
ريناد:راح تعوفني؟
غياث:وليش اعوفج
ريناد :بعدك تريدني وره الصار
غياث بحنيه : بنيتي رينو شهالحجي حبيبي انتي مو بس حبيبتي انتي بنت روحي وگلبي
ريناد:غياث
غياث:هاا
ريناد:أحبك
غياث:يروحي اموت عليج
{ريناد..حجيت ويه ماما ومحسيت الا وفقدت الوعي كعدت لكيت روحي يم غياث جلبت بايده ومحسيت على نفسي ونمت النوب وفتحت لكيت روحي بحضن غياث بالسياره بس شنو احس بالم فضيع وراسي مموتني حجيت ويه غياث و اوووف لمن كالي بنيتي احساس حلو احسه عوضني عن كل الحنان حيل فرحت وحضنته وصلنه للبيت شالني وداني للغرفه وجابلي ملابس حت ابدل وطلع كلي يجيب اكل ويجي وماما بس تبجي واني ابدل اجتي كعدت يمي}
أم ريناد :ريناد بنيتي اني اسفه مو قصدي اسوي هيج بس شفتني خالج سعدون وسعاد شسوو جان لازم اخذج حته اسكتهم بس شسويتي بروحج يبنيتي ليش كسرتي نفسج
ريناد :.......... لا كلام
أم ريناد : ريناد احجي شي لضلين ساكته
ريناد:رجاءا عوفيني ارريد ارتاح شويه
{ريناد..طلعت ماما و اني بدلت ودك الباب غياث فات وجايب وياه صينيه كولها اكل اشكال الاكل والعصاير كعد}
غياث:يلا همتج اريدج تاكلين كول هذا الاكل
ريناد:امممم بس هاي كومه امااا ما اكلها كلها
غياث:لج يمه من عنادج يلا اكلي ونجبي
ريناد:اممم اوك
{ريناد.. كمت اكل ورجع غياث يحجي}
غياث:اكلج رينوو
ريناد:كول
غياث:الوضع حيل ماعاجبني ودتشوفين المشاكل الي دنوكع بيها... حبيبي باجر لازم نعقد
ريناد بصدمه:صدووك؟؟؟
غياث:لا جذوووب 😂لو بس تحجين مثل البشر
ريناد: هههه لا عده الشقه صدوك
غياث:اي والله

يناد: اني نصدمت لانو بهالسرعه وشلون باجر بعدنه ممجهزين كلشي ودتشوف حالتي انت
غياث:بنوتي معليج خليها عليه باجر كلشي مجهز ونعقد
ريناد:غياث
غياث:عيونه
ريناد:متأكد من قرارك
غياث:شبيج رينوو طبعاً متأكد
ريناد:مممم ماشي
،،،،،،،،،،،،،،،،،،،،،،،،،،،،،،،،،،،،،،
سعاد:هلاوو ام غياث
أم غياث:هلا سعاد
سعاد:تونستي يم بيت اهلج
أم غياث :اي الحمدلله
سعاد:اكلج ام غياث اريد اسولفلج شغله صارت بغيابج
أم غياث:اي احجي
سعاد:بس مو تزعلين مني
أم غياث :ساره احجي بلا لف ودوران شعندج
سعاد:سمعت بغياث يريد ريناد
أم غياث:اهاا اي ليش لا ريناد خوش بنيه
سعاد :وج خيتي يا خوش بنيه
أم غياث :ليش
سعاد:لان الشغله الي صارت لمن جنتي ببيت اهلج هو انو فتت لغرفة ريناد ولكيتها هيه وغياث مقربين ع بعض وتعرفين انو كل ثنين ثالثهم الشيطان وشنو ما شنو يسون
أم غياث :عزززه معقوله بس غياث ترباتي ميسويها
سعاد :والله ي خيه ادري اصلا قبل لا افوت سمعت بريناد هيه التتحارش بي وهوه يوخرها حته هيه القربتله مو هوه
أم غياث :شكد عديمة تربيه لعد هاي ريناد
سعاد :لا ومو بس هيج رحنه للدكتوره حت نشوفها اذا عذراء لو لا وفاتت كسرت نفسها
أم غياث:عزززه لعزاهااا شنو من بنيه هاي
سعاد :اي خيه كلت اكلج لان غياث مثل ابني واريدله وحده زينه مو هاي الساقطه
أم غياث:ايي ماشي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
{غياث... نومت ريناد ورحت على امي وابويه عمود افتح الموضوع وياهم دكيت الباب مال غرفتهم}
ابو غياث :منووو
غياث، :بويه اني غياث
ابو غياث :تعال وليدي فوت
غياث :السلام عليكم
ابو وام غياث :وعليكم السلام هلا وليدي
غياث:عندي موضوع وياكم
ابو غياث :اي وليدي احجي
غياث:اريد اتزوج
ابو غياث:اي حبيبي تدلل هاي الساعه المباركه
ام غياث :اي شعدنه غير غياث تدلل باجر اروحلك ع ام نبراس هيه تعرف بنات المنطقة واخطبلك احله وحده بيهن
غياث:لا فهمتوني غلط البنيه موجوده
ام غياث :منووو
غياث:ريناد
ام غياث:ريناد بنت الارمله ماغيرها
غياث:اي ماما ريناد بنت عمتي
أم غياث :لا والله ع كطع ركبتي تريدني أخذلك بنت الارمله لا حسب ولا نسب
ابو غياث :ساره احترمي نفسج الي دتحجين عليهم ذولي اختي وبنتها وبعدين غياث واعدها بعد المشكله الصارت
ام غياث:يا مشكله صارت اني جنت ببيت اهلي كم يوم صارت الف مشكله شكو
غياث:اميي الله يخليج مو وكت هالسوالف امانه سهلي الوضع ولتعقدي اني احب ريناد وغير ريناد ما أخذ ومتفقين انو باجر نعقد
ابو غياث :ام غياث عوفي الولد ع راحته هوه اعرف هوه الي راح يتزوج مو احنه
أم غياث :تريدها موو
غياث :اي ماما حيل احبها وما اتخيل حياتي ويه وحده غيرها.
أم غياث :اي عادي اتزوجها بس لا اني امك ولا اعرفك اتبره منك ليوم الدين
غياث:ماما الله يخليج لسوين هيج لتعرضيلي
أم غياث:اني كلت العندي ولتحاول تلح اكثر من هالشي روح لغرفتك اريد انام
{غياث.. ظليت احاول ويه ماما بس قافله مترضه يعني واذا يتيمه شنو بيها شي عيب اشو خلقه واخلاق بس اوف ماما عرضتلي بالسالفه اكيد احد حاجي براسها شلون راح ابلغ ريناد الخبر مادري ياربي ساعدني ريناد بعدها صغيره والي صارلها اليوم كفايه بعدها صغيره ع العذاب.... دا اروح لغرفتي ورجليه ودتني لغرفتها فتت لكيت عمه نايمه وريناد نايمه وماكو بس ضوه خفيف والغرفه بارده فتت ع ريناد كعدت يمها وهيه نايمه ياويلي ع عطر أنفاسها اووف شلون راح اكدر اكوللها انو باجر مراح نعقد صح اني مستحيل اعوفها وراح اظل احاول ويه امي لحد مترضه بس اكيد ريناد حتنقهر لان حتعرف انها مرفوضه}...... يتبع