ذكريات فصلية

البارت السابع

#الكاتبة_وتين_الجبوري
{غياث...مرت الأشهر الي متت بيها بس كابرت ومكدرت ابررلها احبهاا اووف اجه يوم الحفله مالتي الي مطايقها وصلو عمتي وريناد بس مو ريناد صايره تخبل الشعر والمكياج والفستان جنت كلش مشتاقلها وگلبي ناط ع شوفتها بس لمن شفتها بدون حجاب وفستانها ضيق والعيون كلها عليها متت غيره وتعصبت ولمن رادت تفوت يم باب الدخول لزمت ايديها}
غياث:لج ريناد انتي مو طفله شهالبس وليش مالابسه حجاب
ريناد:وانت شعليك😏
{ريناد.. فلتت ايدي من ايده وفتت وهو مات عصبيه وغيره رحت يم امي شفت سماح ويمها اخوها وامها سلمت ع سماح وكعدت اسولف وياها اسوي روحي اضحك وفرحانه بس بداخلي كسره فضيعه متنوصف بالكلام هالكد مجنت مقهوره ضليت احجي ويه سماح بس مشفت نمارق وسعاد لان جانو بعدهم مجاين بالصالون شغلوا اغاني قبل ميجون وغياث يم اصدقائه واكف وعينه عليه متعصب كامو الكل يركصون وسماح لحت عليه ورحت وياها شويه ركصت بس بهدوء ومسويه روحي ممهتمه لغياث وهو مات من العصبيه}
{غياث... جنت يم اصدقائي واكف لان بعدها نمارق مجايه واباوع ع ريناد اكلوها الشباب بعيونهم وهي صدك طالعه صااكه لحد ما صديقي سامر كال}
سامر:لك غيااث دشوف ذيج لبنيه الا تكطع اذا ما اكبل وياها ميصير اسمي سامر
غياث بعصبيه:سامر الزم حدك ترا هاي بنت عمتي
سامر :اسف والله معبالي بنت عمتك اسف
{غياث... تعصبت لمن سامر كال هيج صح اني راح اتزوج بس احبها لريناد وبعد كل الصار اموت عليها صافن وجان يدك موبايل عمو سعدون رد كال ها ها بعدين نصدم ونزل موبايله}
غياث:شبيك عمو
سعدون :سعاد ونمارق مسوين حادث من راجعين من الصالون وهسه هم بالمستشفى
{ريناد... سعاد واختها مسوين حادث الحفله خربت وكلمن راح لبيته وسعدون وأهل سعاد راحو للمستشفى وغياث اشوفه بلا شعور لا مهتم ولا شي زين الي فهمته من المحادثات انو هو يحبها لعد ليش منقهر ومراح للمستشفى... اخذنه غياث بالسياره ورجعنه للبيت ماما وام غياث راحو للمستشفى بقينه بس اني وغياث واخوته وجهال سعاد الصغار كسرو گلبي بس يبجون ع امهم صح اني اكرها بس خطيه ذوله الجهال شنو ذنبهم وكلتهم ونومتهم وطلعت للحديقه المطله ع النهر كعدت وجان الجو وكت غروب اجه غياث كعد يمي وظل ساكت باوعنه للغروب حسيت الهوا خنكني بذاك الوكت تذكرت كلشي مرينه بي اني وغياث رفعت عيني ع غياث لكيته يباوعلي صارت عيني بعينه ونزلت دمعتي حظني ماقاومت ولا حجيت نسيت كلشي وكل الصار قرب وجهه عليه وانفاسنه تخالطت محسيت الا وباسني بشفتي وطول بالبوسه كطعها لمن دك موبايله واني جامده احس روحي بعالم ثاني مدا اقاومه رد ع موبايله}
غياث:هاا امي... اي اي... إنا لله وإنا إليه راجعون اسم الله.. ماشي امي هسه اخابر ع الولد أصدقائي ونجهز للفاتحه
ريناد:شكو غياث؟
غياث:والله مدري شكلج
ريناد:احجي شكو خوفتني
غياث:نمارق ماتت
{ريناد... انصدمت إنا لله وإنا إليه راجعون بس گلبي فرح كمت ع حيلي واكمز}
غياث بعصبيه:ريناد اكعدي بلا خبالج
ريناد:ولو اني ليش افرح الله يرحمها انت تحبها... شوف مثل مكسرت گلبي حينكسر كلبك
غياث:ريناد بلايه تفاهاتج هاي واكعدي خل احجي بعدني ممكمل حجي
ريناد:شكو احجي
غياث:وسعاد هم ماتت مفوتيها ع الطوارئ لان زجاج السياره فايت بركبتها ومطلعيها من العمليات ميته
ريناد:إسم الله ياا ستار صح اني اكرها بس خطيه الجهال شنو ذنبهم تيتمم
غياث:هاي ارادت رب العالمين شنسوي انا لله وانا اليه راجعون
غياث:رينااد الوقت والوضع مو مال احجي بهيج موضوع بس لازم احجيلج
ريناد:شنو الموضوع الي لازم تحجي
غياث:ريناد تتذكرين المحادثات الشفتيهن بموبايلي
ريناد بقهر:ايي شلون انساهم حافظه كل كلمه بيهن
غياث :رينوو الله شاهد هاي مو واني لمن طلعتي من الغرفه ردت الحكج بس سعاد ما خلتني كالت إذا متبتعد عنها اشيش سعدون عليها واخلي يذبحها ع سوايتها.. وهي كالتلي انو هيه لمسويتهن ومخليه الموبايل يمج وكالت إذا اكلج تسوي لبراسها وتشيش سعدون عليج واني خفت عليج ووالله جنت بكل لحظه اتعذب الف مره بدونج
ريناد:معقوله يعني انت مجنت تحبها لنمارق😍
غياث:لا ورب الگعبه محد بگلبي غير بنت وحده والي هي رينوو غيرها ماكو
ريناد:مممممم
غياث:بعدج ع ال مممم ما بطلتيها ههههه
ريناد :هههههه زين غياث
غياث:عيونه و روحه و گلبه
ريناد:ولمن فتت عليكم ولكيتها بحظنك
غياث:وداعتج هي بله حياء دفعتني وكعدت بحظني وباستني ووالله توني دوخرها وفتي انتي
ريناد:مممم ماشي اووف لو تعرف شكد تعذبت وبجيت
غياث:شوفي شلون القدر يريدنه لبعض احنه جنه ممتوقعين هيج شي
ريناد:يي والله
غياث:يلا حبيبي روحي يم الجهال حخابر أصدقائي يجون حت ننصب خيم الفاتحه
ريناد:ماشي يروحي
{ريناد.. فتت للغرفه لكيت واحد من جهالها كاعد اجه يمي وكلي ماما ليش الحد الان ما اجتي شتاگيتلها هو كال هيج اني انفجرت بالبجي ماعرف شسوي اتذكرت لمن توفه ابويه وتيتمت اخخ الله صعبه هم صغار ويتيتمون صح سعاد مكروها بس بوكتها بجيت عليها وماعرفت شكول لابنها حظنته وابجي وماعرف شكله لحد ما اجمي كلهم واجتي ماما اخذتهم وطلعت بره شفت خالو سعدون بس شصاير بي مكطع روحه حته دشدادشته شاكها سوو الفاتحه لمدة 7‪ ايام والجهال اخذوهم اهل سعاد وخالو سعدون يوميه مريض وميطلع من غرفته بهالسبع أيام مشفت غياث بس شي قليل لان هوسه وهواي ناس بعد هذولي السبع أيام اجتني رساله من غياث كاتبلي بيها تعالي بليل للحديقه... خليت ميكب وبدلت وطلعت للحديقه دورته مالكيته كعدت انتظره اجه وهو يضحك وفرحان حيل{
{غياث... رحت ع امي وجانت وحدها بالغرفه فتت بستها وكلتلها}
غياث:هلاوو امي
أم غياث:هلاوات وليدي
غياث:امي اجيتج ولترديني بداعت الله والله تعبت
أم غياث:احجي يمه
غياث:ماما نمارق وماتت لتعرضيلي وخليني اتزوج اني وريناد
أم غياث:وليدي والله مدري شكلك.. ذبحتني بريناد يوميه ريناد و ريناد
غياث :ماما والله امووت من دوونها
أم غياث :اسم الله شهالحجي هاهيه خلص موافقة
غياث:معقووله واخييرا احبج احبج احبج
أم غياث:ديلا روح لا ترا ارفض😂
غياث:اوك اوك يلا رايح😂
.......................................................................
ريناد:هههه ها شو تضحك
غياث:خبرر الا بشده
ريناد:شكو كول😂
غياث:لج ممصدك بعدني معقوله واخيرا
ريناد:غير يحجي هو.. احجي شبيك
غياث:امي
ريناد:شبيها أمك
غياث:وافقت
ريناد:ع شنوو
غياث:لج ثوله فتحي عقلج 😂لج ظلي ساعه احجي وياها وقنعتها وافقت انو نتزوج
ريناد:مستحيل شنووو شنووو😍😍😍
غياث:اي والله
ريناد شلون قنعتها؟
غياث:هسه احجيلج
{اجه غياث وحجالي}
{ريناد... طرت من الفرحه واخيرا راح نجمع اني و حبيبي... قررنا اني وياا انو بعد اسبوع تصير الخطبه ومر الاسبوع بسرعه نمت وباجر هو يوم الخطبه........ كعدت الصبح فتحت عيوني لكيت غياث كاعد ع الكرسي يتصفح بموبايله ويمه كوومة اكياس واغراض}
غياث بضحك:همززين كعدتي عيني
ريناد بنعاس:انجب غياث
غياث بجديه:دخل اسمعج تكوليلياها كدام احد وذاك الوكت حسابج يكون عسير
ريناد:جيد جدن😒
غياث: يلا اكعدي صحصحي بين ما اروح اجيبلج الريوك
ريناد:لحظة لحظة
غياث:هاا
ريناد:حبيبي شنو هاي الاكياس الي بلغرفه
غياث:شنوو رينو ناسيه
ريناد:شنو ناسيه؟
غياث:اليوم العقد
ريناد:لا حبيبي مناسيه بس قصدي شنو ذولي
غياث:فساتين والاغراض الي تحتاجيها اليوم
ريناد :ايي والله ذكرتني كلشي ممجهزه همزين انت مجهز
غياث:ديلا كومي لعد شوفيهن ع بين ما اجيب الريوك
ريناد:اووكي غياث
{ريناد.. كمت غسلت وجهي ورجعت اركض ع الاكياس كلش متشوقه انو اشوف شنو بداخلهن... فتحت اول كيس لكيت بي فستان بنفسجي يخبل فد شي مفتوح من جهة الظهر وطويل وفتحت الكيس الثاني لكيت بي حذاء نفس لون الفستان والكيس الثالث بي ميكب وعطورات والكيس الرابع فتحته بس عززه كلش انحرجت لكيت بي ملابس داخليه جايبهم دا اطلع بيهم اشوفهم فجأة فات غياث وبيده صينية الريوك جفلت وكمت الملمهن حت اضمهم}
غياث:شبيج نخبصتي ع فكره كل قطعه موجوده نكيتها اني وشايفهم كلهم🙄
ريناد بخجل:غيااث ششش
غياث:هاي بعدنه تونه بسم الله وكمتي تخجلين😉
ريناد:غيااث عفيه سد الموضوع
غياث :ديلا كومي اكلي
ريناد:اي حبيبي
{ريناد... كعدت اكل.. مديت ايدي حت اسوي لكمه واكل بس بعد ايدي غياث وهوه بده يسويلي اللكم و يوكلني}
غياث:وره الريوك امي اتفقت ويه ام الصالون تجي تسويلج هنانه لان مراح تكدرين انتي تروحيلها
ريناد:اوكي غيوثتي
غياث:شنوو شنوو شكلتي
ريناد :كلت اوكي
غياث:اي بس شنو الكلمة البعدها
ريناد :غيووثتي
غياث:اف لج يروحلج فدووه غيوثتج وعشيرته كولها
ريناد:امممم
{ريناد.. كملت الريوك واجتي ام الصالون سوتلي المكياج حبيته انو يكون كلش خفيف وفعلا طلع حلو ونازك شعري سوتلياه تسريحه ورفعت كل شعري حت تبين حركة الفستان الي بالظهر بس شنو بدون مبالغة صدوك طلعت اميره 😁 فاتت خاله ام غياث بوستني وهلهلو بعدها نزلوني من الدرج ونصدمت شفت كومه نسوان اول مره اشوفهم رحنه صاحوني اجه الشيخ لبسوني الشال وودوني الشيخ عقدلنا وظل يدعينه بالحياة السعيدة بعدها كعدوني بالاستقبال مال بيت جدو وجان كلش جبير كامو يهلهلون ممصدكه روحي واخيرا صرت مرت غياث وأخيراً غياث صار إلي كملت الحفله وصارت بسيطه كلش لان سعاد متوفيه توها جديد وعيب نسوي حفله جبيره فبعد مخلصت الحفله ردت اروح لغرفتي توني صعدت الدرج واحد سحبني جفلت}
ريناد :غياث شبيك جفلتني
غياث:اووي عيني جفلتها😂
ريناد:لا جديات ترا جفلت
غياث:يمه يمه حبيبي الجفلان شطالع اليوم ولك كيكه وربي
ريناد:مممم انته هم طالع حلوو
غياث:فدووه لطولج
ريناد:فداك عداك يروحي.. يلا وخر اريد اروح لغرفتي ابدل
غياث:اوخر بس بشرط
ريناد:شنو الشر....
{ريناد.. بعدني ممكمله حجي وطبع بوسه ع شفايفي فتحت عيوني حيل ودفعته}
ريناد:غياث شبيك لحد يشوفنه وخر
...... يتبع