ذكريات فصلية

البارت السادس

#الكاتبة_دودو_الجبوري
ام ريناد بعصبيه:ريناد كافي انتي مو طفله هسه جبيره ولازم تعرفين تتصرفين إذا متحضرين شحيكولون العالم عليج يلا كومي بدلي وخلي نروح

ريناد:هفف اوك
{ريناد... رحنه للسوك اشتريت فستان كلش بسيط وشتريت كم شغله محتاجتها بس مو من نفسي طلعت بس لان ماما كالتلي}
{غياث... ضلي هواي مشايف ريناد و باجر العقد مالتي اكيد هي ماراح تحضر واكيد هي مقهوره هسه... والله ماريدها تنقهر رينوو بنت گلبي بس كلشي صار غصباً عنه}
{ريناد.. اجه اليوم المشؤوم 😔اجتي ماما عليه وصاحتلي}
أم ريناد :ريناد تعالي ورايه للحديقه
ريناد :اوك ماما
ريناد:هاا ماما شكو
ام ريناد:باعي بنتي اليوم العقد.. اريدج تصيرين سبعه وقويه ومتخليهم يحجون عليج
ريناد:ماما الله يخليج ألغي سالفه انو احظر ما اكدر
ام ريناد :بنتي اسمعي كلامي اني لمصلحتج هسه شوفين شلون حتجيج الجرئه والقوه واجهي سعاد وبينيلها انو انتي أقوى منها
{ريناد... سمعت كلام ماما و رحت لبست الفستان وخليت ميكب طلعت اميره.. وكلت لازم اصير قويه نزلت لكيت ببداية الدرج سعاد وحدها}
سعاد:هلاا بريناد
{ريناد... اني مشيت ومهتميت الها وبحركه سريعه دفعتني من الدرج ولزمتني اني كلبي كام يدك وخفت بس هي ماعرف ليش دفعتني ورجعت لزمتني}
سعاد:شفتي شلون اكدر اخذ روحج بكل سهولة ريناد ديربالج تخربيها... والله اطلع بروحج
ريناد:صح اخذتي غياث مني بس محتكدرين تاخذين قلبه مني لان غياث يحبني اني ومستحيل يحب نمارق
سعاد باستهزاء:هههه ضحكتيني ومالي خلك اضحك يلا دي من كدامي
{ريناد... هاي شبيها تخبلت رسمي اووي ختولي صح من كالت هيج حسيتها واثقه من نفسها وتكدر تاخذ غياث مني بس مهتميت ونزلت ع ماما وجانت الصاله كلها عالم ما اعرفهم اخذتني ماما وسلمت على كرايبهم وكعدت بصف بنيه تقريباً نفس عمري بس كلش حبابه اسمها سماح }
سماح :انتي ريناد موو؟؟
ريناد:اي حبيبتي اني ريناد
سماح:بيا صف انتي؟؟
ريناد:نجحت من الخامس اعدادي وسنة التجي سادس
سماح:اوف يماا سادس يولي يكولون حيل صعب شلون حدبري
ريناد:حبي ماكو شي صعب إذا ادرس بس المشكله اني ضميري الدراسي ميت
سماح :لج هاي مثلي اني يولي والله ذكيه وافتهم بس المشكله ما ادرس
ريناد:هههههه كلنا العراق
سماح :عندج موبايل؟؟
{ريناد... لمن كالتلي عندج موبايل ردت اكوللها اي بس اتذكرت انو غياث جابلي الموبايل استعمله بسكوت لان سعدون ميقبل فكلت خلي اكوللها لا}
ريناد:لا حبي ما عندي
سماح:ياا ليش شعجب
ريناد:والله خالو سعدون ميرضه
سماح:وهو شعليه بيج وامج ليش ما حجت لمن ما قبل
ريناد:جان عندي بس كسره وامي متكدر تحجي شي
سماح :ياا يلا معليج بي حبي لعد خلي نتراسل بموبايل امج تنطيني الرقم
ريناد: اووك سجلي يمج 0‪78*******
{ريناد.. جنت دا احجي ويه سماح ونضحك والصراحه شويه خففت عني القهر لان تضحك وكلش مرحه... كاعد نحجي وفاتت سعاد تهلهل ووياها نمارق اختها بس اني مجنت شايفه نمارق ابد ولا مره بس يماا طلعت تخبل مو مثل سعاد بيضه وحته معالم انوثتها واضحه وحلوه فاتو بس أشوو تباوعلي بحقد وبعيونها اطلع نار عليه... اني مهتميتلها لانها مدايمه هنا درت وجهي وضليت احجي ويه سماح الحد مكامو يهلهلون وفات غياث عمت عيني عليه شطاالع يخبل فديته القاط لايكله والعطر فوواح بس جان ضايج بعد گلبي من شافني ما شال عينه مني.. صار العقد ولمن كال الشيخ اعلنكما زوجاً وزوجة احس گلبي تكطع}
{غياث... بدلت وفتت واني ضايج وما رايد هالشي واول مفتت شفت بوجهي ملاكي الحلوو ريناد طالعه تخبل متوقعتها تجي بس عرفت انو هي جايه كسر خشم لسعاد لمن كال الشيخ هل تقبل بنمارق زوجة لك اووف احس نار وصارت بكلبي طلعت ال اي بخنكه ياريت لو بهيج يوم بصفي عشقي وحياتي ريناد.. بعدها لمن علنا الشيخ زوجا وزوجه نمارق هاي شكد ملكوفه ومحبيتها لزمت ايدي وكالت}
نمارق:حبيبي طالع كلش حلو
غياث:شكرا
نمارق:واني حبيبي طالعه حلو لو لا
{غياث.. مرديتلها وباوعت على ريناد الي احس نار وتطلع من عيونها بس مسويه روحها ساكته وممهتمه بس اعرفها كلش زين}
{ريناد... گلبي صار نار كمت امشي بإتجاهم وعيون غياث اتكلي رجعي بس مهتميت ورحت يمهم بوست نمارق}
ريناد:الف الف مبروك نقانق اووه قصدي نمارق😏
نمارق:الله يباركلج😏
{ريناد... ماطولت خلك وياها وصعدت لغرفتي ابجي متحملت المنظر قاومت هواي وسويت روحي قويه بس مكدرت طلعت موبايلي وطلعت بي اغنية (ياهو) وطفيت الاضويه وابجي واغني وياها.... ياهوو الي يقرر نصيبه و ياهوو الماعافه حبيبه بالسنين يحبله وحده وتالي يتزوج غريبه الله يااخذ كل محب اذه الحبيب... وصلت لهناوشهكت بصوت عالي وبجيت وبدون سابق إنذار فات غياث للغرفه ولمن شافني تعصب واجه يمي حظني}
غياث:ريناد حبيبي بلا هالخبال كلتلج اني الج انتي وبس وكلتلج حطفشها وافصخ الخطوبه ليش هالخبال هذا اعرف صعب عليج هالشي بس صيري قويه رينوو
{غياث... حظنتها واحجي وياها واهديها ماحس الا ونامت بين اديه ملاكي الصغير تعبان اووف يروحي ادموعج غاليه عليه نومتها بسريرها وطلعت من الغرفه مالت ريناد ورحت لغرفتي اول مفتت شفت نمارق كاعده ع سريري}
غياث:نعم نمارق شعندج هنانه
نمارق:حبيبي احنه ستونه عقدنه وصرت خطيبتك ليش تحسسني انو غريبه عنك اني من زمان احبك وجنت انتظر هذا اليوم من زماان......... }
{ريناد...ستوني نمت وفزيت حسيت نغزه بگلبي باوعت لكيت موبايل غياث ناسي يمي شفت واصله إشعار رسائل فتحت الموبايل لكيت محادثات واتساب مسجل عليها اسم حبيبة قلبي قريت الرسايل وعرفت انونمارق الحاجي وياها واكو رسايل تاريخهن قبل اسبوع من العقد ورسائل غرام وكاتبلها انتظر الجمعه بفارغ صبري واني احبج وهي كاتبتله وريناد شلون خاف تزعجنه كاتبلها اصلا ما احب ريناد والفترة كلها هاي اني ما احبها بس مستخطيها لان يتيمه كاسره خاطري لتخافين نمارقتي... ريناد مجرد طفله وما احبها و محد بگلبي غيرج...... قريت الرسائل واني مصدومه شلون هيج شنوو هااي معقوله اكييد لا معقوله دا اتخيل شلون اتخيل وذني الرسائل كدامي  طلعت مثل المخبله ادور ع غياث  وصلت لغرفته وفتحت الباب وشفت نمارق كاعده بحظنه ودتبوسه نصدمت ومبقه بعقلي اي فكره حسيت روحي ماتت طلعت من غرفته اركض وابجي مثل الطفله الضايعه لعبتها مستحيل غياث يسوي بيه هيج يعني كل حجيه وحبه جان جذذذب شمرت الموبايل وفتت لغرفتي قفلت الباب عليه وابجي}
{غياث.. لمن فتت للغرفه ولكيت نمارق حجت ويايه وتقدمت عليه دفعتني وكعدت بحظني وباستني بكل صلافه توني دا اوخرها وفاتت ريناد شايله موبايلي وتبجي طلعت ريناد من الغرفه وردت الحكها بس وكفت كدامي نمارق}
نمارق:غياث ليش هيج دتسوي وياي
{غياث... دفعتها وكعت بالكاع بس مهتميتلها وشلت موبايلي وقريت كلشي وكل المحادثات نصدمت صدمه جبيره تقدمت على نمارق وضربتها راشدي}
غياث:لج عاار اكيد انتي واختج وره هالموضوع
{سعاد اجتي تركض}
سعاد:غياث كافي لتضربها شبيك
غياث:شنوو هاي المحادثات وشلون وصلن لريناد
سعاد:شعبالك اخليك انت وريناد الساقطه تجرحون اختي لمن جنت يمها وكلتلها الا اطفشها مني سمعتك وانتظرت يوم العقد ولمن فتت وطلعت من يمها.. جبت موبايلك الي سويت اني بي المحادثات وخليته يم راس ريناد
غياث :شنوو انتي من بشر ليش هيج اتسوين الا افصخ الخطوبه وهسه هم
سعاد :شوف استاذ غياث انت تعرف انو سعدون خاتم بإيدي والله ثم والله اخليه يذبح ريناد هسه هي مو بنيه وهيه خبصت وكسرت نفسها مو زين سكتو عنها وما ذبحوها والله اذا تعوف اختي او تبرر لريناد اي شي والله اخليه يذبحها وتعرف سعاد شنو
{غياث.. طلعت هي ونمارق من الغرفه ضربت المرايه بإيدي وإيدي نزفت افكر بحجيها صح اني الرجال ولازم ما اطبق تهديداتها بس اذا شيشت سعدون على ريناد اكيد يذبحها شلون بينه هسه اوف معقوله ما النه رجعه اني وريناد كمت احجي ويه نفسي وكلت غيااث عوفها بحالها عوفها عايشه صح راح تتعذبون انت وياها بس هي اكيد فتره وحتنسه أهم شي متتأذه رينو}
{ريناد... بعد الصار كرهت غيااث كلش وصرت جسد بلا روح ما احس بكلشي مر شهر ع هل شي واني ماشايفه غياث وهو ولا اجه وبرر موقفه حته معتذر الله ليسامحه هالحقير طلع يضحك عليه وميحبني بهالشهر هذا قوت علاقتي ويه سماح طلعت كلش حبابه ومرت الشهور وخلصت العطله وبديت اداوم سادس وكلش صعب بس شديت حيلي ونسيت غياث وكمت اكرهه ولا اطيقه ع الشي السواه بيه وقتي صار عباره عن نوم دراسه موبايل حت من غرفتي ما اطلع هواي... جنت كاعده ادرس وفاتت امي عليه}
ام ريناد:فديت بنوتي الشطوره
ريناد:مممم ترباتج ماماتي
أم ريناد:يلا ترا عكب باجر حفلة الحنه مال غياث كومي خل نطلع نشتري فستان الج والغراض الي تحتاجيها
ريناد:اووك ماما
{ريناد.. مهتميت انو باجر حنة غياث(بس گلبي اهتم دا اكابر واكول هيج اخ گلبي😭😭) كمت ورحت ويه ماما للسوك واشتريت احلى فستان واتفقنه ويه صالون حته اسوي المكياج بي... اجه يوم الحنه واني ماعندي شعور جسد بلا روح لبست فستاني وسوتلي الماكيرا الميكب والشعر الحفله حتكون مختلط وهيه حنه هيه مهر حيسووها بقاعه... اني غياث جبرني اتحجب الفتره المضت بس هسه دامه حيتزوج شله شغله بيه حنزع الحجاب بالحفله.. رحنه اني وماما بالسياره ووصلنا للقاعه اول منزلت صار بوجهي غياث بعد روحي شكد مشتاقتله اووف اموت عليه نسيت كل الكره الي بگلبي اله وكل الحقد ع السوا بيه بس رجعت اتذكرت كلشي وگلبت وجهي عليه سلمت ماما عليه وباركتله وهو عيونه تريد تطلع من العصبيه لان ملابسه حجاب وفستاني ضيق باركتله وفتنه ويه باب الدخول لزم أيدي}
{غياث...مرت الأشهر الي متت بيها بس كابرت ومكدرت ابررلها احبهاا اووف اجه يوم الحفله مالتي الي مطايقها  وصلو عمتي وريناد بس مو ريناد صايره تخبل الشعر والمكياج والفستان........ يتبع