#امستردام11
انفتح الباب فجاءة
مقداد: السلام عليكم
سيف اتلبك: وعليكم اتفضل يا ابوي
مقداد: اوراق شنو يا مجاهد ؟
مجاهد عاين لسيف وسكتت ..
سيف: دي اوراق..
مقداد قاطعو: اديني الاوراق الجنبك
مجاهد شالهم واداهم لي مقداد .. بس ما اتفاجأ لما قراهم .. وواضح انو كان عارف
مقداد: لقيتوها وين الاوراق دي انا كنت بفتش فيها
مجاهد:في القبو
سيف: انت كنت عارف انو فياض اشترى بيت ؟
سيف: عرفت بعد وفاتو المحامي بتاعو كلمني بس الاوراق كانت مختفيه والحمدلله اتلقت ..
شال بعضو وطلع من دون ما يسمع باقي كلامهم والراحه ماليه وشو ..
اما شمس كانت ماشيه بخطوات بطيئه لحدي ما وصلت مكتب شهاب ، طرقت الباب ودخلت ..
شهاب كان مركز مع اللابتوب القدامو وما انتبه ل دخولها ..
شمس: قالو عاوزني
شهاب رفع راسو: شكلك متعودة انك ما تستأذني قبل ما تدخلي
شمس: للمرة التانيه بقولك ما مشكلتي انك مابتسمع
شهاب: وما بشوف برضو ونظري على قدري فا اتفضلي الايميلات دي وردي عليها خلال اليوم ..
شمس اتقدمت خطوات وعاينت لشاشه اللابتوب كانت ايميلات هائله ..
شمس: دا شنو ؟
شهاب: ايميلات
شمس: اوكي عارفه بس ديل 2000 ايميل كيف ارد عليهم ومتين
شهاب وقف: انتي ادرى طبعاً
ووقف جنب باب مكتبو: حرسلك ايميل الشركه اتمنى انك تبدي من اللحظه دي ..
وطلع خلاها واقفه في مكتبو ..
مسكت اللابتوب وعاينت ليه تاني وعقدت حواجبها بإشمئزاز من كميه الرسايل ..
طلعت ورجعت مكتبها .. خلصت جزء بسيط ورجعت البيت قبل نهايه الدوام ..
_________
الساعه 4:00 مساء
اياد كان ماسك تلفونو وساند على السرير ، عكس وضاح الكان نايم ..
اياد: وضاح
وضاح: ....
اياد: يا وضاح؟
وضاح:...
اياد شال المخدة ورامهو بيها ..
وضاح رفع راسو بخلعه: خلي عندك اتكيت مرة وحدة يا ابني
اياد: تعال تعال شوف
وضاح: اشوف شنو ؟
اياد: تعال بقولك
وضاح جا وقعد جنبو: اوكي دي منو ؟
اياد: عملت لي فلو في الانستا
وضاح: اها وبعداك
اياد: انت ماشايف الوش دا
وضاح: ياخ انا من نايم من امس تصحيني عشان بناتك الما بخلصو ديل
اياد: لالا دي شفت اولادي في عيونا والله عاين شايفهم؟؟
علاء دخل عليهم ..
وضاح: تعال استلم
علاء: مالكم مبرقين في التلفون كدا
عاين لاياد: ودا مالو مقهي كدا
اياد: تعال يا علاء انت بتفهمني
وضاح رجع سريرو وما ردا عليه ..
علاء قعد جنب اياد: نهى ؟
اياد: نهى ؟ انت بتعرفا ؟
علاء: اي عامله لي فلو انا ومتابعها لي مده
اياد: الخاينه
علاء ضحك: ما صاحي انت والله
وعاين لوضاح البدا يشخر وقتي: قوم انت التاني
وضاح: مالك يا علاء عاوز شنو
علاء: ما اشتقت لي للتفحيط ؟
وضاح استعدل في قعدتو: تفحيط ؟
علاء: اي اصحابي مرتبين وقالو امشي معاهم وطبعا ما حخليكم
اياد وقف: انا جاهز
وضاح: اوبا لو جدو عرف
اياد: حيعرف من وين يلا بس
علاء: ما حنتأخر ساعتين بالكتير ..
دخلت غرفتها ورمت الفايل الكان في ايدها .. وماهي إلا ثواني ونامت .. صحت بعدها بساعتين بصوت ضجيج عالي كان جاي من تحت .. وقفت بتعب وقررت تنزل تشوف الحاصل تحت .. لمت شعرها ولبست شال ونزلت .. كانت ماشه في السلم ببطء وسامعه اصواتهم .. انتبهو لشمس
بسمه اول ما شافتها: اووف
شمس سمعت بسمه: اسفه بس صوتكم كان عالي عشان كدا نزلت
وكانت راجعه ..
ميمونه: تعالي ياشمس ما بقيتي غريبه ..
شمس لاحظت لوجود واحد اول مرة تشوفو .. وقعدت جنل ميمونه ..
ميمونه:دة صهيب ولد مجاهد الكبير كان مسافر ..
شمس: اهلين
صهيب ابتسم ..
كانو بيتونسو كانو غايب ليه سنين ..
شمس ما كملت ووقفت عشان تطلع ..
نجمه:اقعدي ليه طالعه ؟
شمس عاينت لشهاب: عندي شغل ..
وطلعت
اما بسمه كانت مراقبها بعيونها .. ومن جهه بتحاول تلفت االانتباه في قعدتهم ..
ياترى بسمه قاصدة تلفت انتباه منو؟
يتبع
